شىعىس قازاقستان وبلىسىندا ءدارى-دارمەك بويىنشا جاعداي تۇراقتالىپ كەلەدى. بۇل تۋرالى "شىعىس – ادالدىق الاڭى" جوبالىق كەڭسەسىنىڭ جەتەكشىسى م. باحىت مالىمدەدى.
جوبالىق كەڭسە جەتەكشىسى مارجان باحىتتىڭ سوزىنشە:
– شىعىس قازاقستاننىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ 2020 جىلعى 10 شىلدەدەگى №611 بۇيرىعىنا سايكەس قۇرىلعان ارنايى مونيتورينگتىك توپ بۇگىنگى كۇنگە دەيىن كۇندەلىكتى دارىحانالارعا مونيتورينگ جۇمىستارىن جۇرگىزۋدە. بارلىعىن سالىستىرا كەلە ءدارى تاپشىلىعىنىڭ ءوڭىرىمىزدى تومەندەگەنىن اتاپ وتكىم كەلەدى. قازىر بارلىق دارىحانالارعا ىستىق تۇسىرەتىن پرەپاراتتار كەلىپ ءتۇستى. ءبىر ادامعا 2 دانادان ساتىلىپ جاتىر. كەزەكتى باقىلاۋ بارىسىندا ءبىز ءدارى باعاسىنىڭ ءوسىپ كەتپەۋىن قاداعالاۋدامىز.
ايتا كەتكەنىمىز ءجون, جوبالىق كەڭسە ءدارى-دارمەك بويىنشا بارلىق جاعدايلار مەن شەت مەملەكەتتەن كەلەتىن گۋمانيتارلىق كومەكتەردى باستى نازاردا ۇستاپ وتىر.
وسىعان بايلانىستى, ەگەر ءسىز ءدارى-دارمەكتەردىڭ باعاسىن كوتەرۋ فاكتىلەرىنە تاپ بولساڭىز, جەمقورلىققا قارسى Call-center 1424 قوڭىراۋ شالۋ نەمەسە "ادالدىق الاڭى" رەسپۋبليكالىق جوبالىق كەڭسەسىنىڭ WhatsApp-نومىرىنە حابارلاۋ قاجەت +7 702 000 24 94 ("Adaldyq alańy") رەسپۋبليكالىق جوبالىق كەڭسەسى), + 7 778 474 69 35 ("شىعىس – ادالدىق الاڭى" جوبالىك كەڭسەسى).
