• 18 قازان, 2013

ۇستالعان سۋديا بيزنەسمەننەن 750 مىڭ تەڭگە سۇراعان

311 رەت

كورسەتىلدى

1 مين

وقۋ ءۇشىن

Egemen Qazaqstan

19-10-13-kenjaev-1

استانادا قولعا تۇسكەن سۋديا بيزنەسمەننەن 750 مىڭ تەڭگە پارا تالاپ ەتكەن. بۇل تۋرالى ەكونوميكالىق قىلمىسپەن جانە سىبايلاس جەمقورلىقپەن كۇرەس اگەنتتىگىنىڭ مالىمەتىنە سۇيەنگەن Tengrinews.kz حابارلادى. «استانا ارنايى اۋدانارالىق مامانداندىرىلعان سوتىنىڭ سۋدياسى ابدۋللا كەنجاەۆتىڭ ءبىر كاسىپكەردەن ازاماتتىق ءىس بويىنشا وڭدى شەشىم شىعارىپ بەرگەنى ءۇشىن 750 مىڭ تەڭگە اقشا بوپسالاعانى تۋرالى تۇسكەن شاعىم نەگىزىندە جۇرگىزىلگەن جۇمىستىڭ ناتيجەسىندە ونىڭ كورسەتىلگەن سومانىڭ ءبىر بولىگىن الىپ جاتقان كەزىندە قولعا ءتۇسىرۋ وپەراتسياسى ءساتتى اياقتالدى», - دەلىنگەن حابارلامادا. اتاپ وتىلگەندەي, قازىرگى كەزدە جەدەل شارالار جالعاسىپ جاتىر. ول اياقتالعاسىن باس پروكۋراتۋراعا پروتسەسسۋالدى شەشىم شىعارۋ ءۇشىن ۇسىنىلادى. ەسكەرتە كەتەيىك, قولعا ءتۇسىرۋ وپەراتسياسى كەشە, 18 قازان كۇنى تاڭەرتەڭ ارنايى اۋدانارالىق مامانداندىرىلعان ەكونوميكالىق سوتتىڭ عيماراتى جانىندا جۇرگىزىلگەن. قۇرىش نۇرىمبەت.