"تەلەارنالار دا ءتىرى ورگانيزم سەكىلدى. ۋاقىت وتە كەلە, زامان تالابىنىڭ جالىنا جارماسا الماي, تىرشىلىگىن تۇزەي الماعانى جابىلىپ, ورنىنا جاڭاسى اشىلىپ جاتادى. بۇل – تابيعي, قالىپتى پروتسەسس. ويىن-ساۋىق باعىتىنداعى "Tamasha TV" تەلەارناسى جۇمىسىن توقتاتىپ جاتسا, 30 ماۋسىمنان باستاپ "Abai tv" مادەني-اعارتۋ تەلەارناسى ەفيرگە شىعىپ, حالىقپەن قاۋىشىپ وتىر", - دەدى ول.
مينيستر مەملەكەتتىك تەلەارنالار حالىقتىڭ كوكەيىندەگىنى ءدوپ باساتىن حابارلار دايىنداۋدى جالعاستىراتىنىن ايتتى.
"بۇل تۇستا ەڭ باستى ماسەلە, الداعى ۋاقىتتا مەملەكەتتىك تەلەارنالاردىڭ قاي-قايسىسىندا بولسىن, ۇلتتىق قۇندىلىقتاردى ناسيحاتتاۋ, ەتنوسارالىق بىرلىكتى نىعايتۋ, ەلىمىزدەگى ساياسي تۇراقتىلىق پەن قاراپايىم حالىقتىڭ كوكەيىندەگىنى ءدوپ باساتىن حابارلار دايىنداۋ باعىتىنداعى جۇمىستار ودان ءارى جاندانا تۇسەتىنىن باسا ايتقىمىز كەلەدى", - دەدى ول.
ايتا كەتەيىك, "Tamasha TV" تەلەارناسى جۇمىسىن توقتاتادى.
