مىسىردىڭ كۇشتىك قۇرىلىمدارى ەكس-پرەزيدەنت مۋحاممەد ءمۋرسيدىڭ ۇستىنەن جۇرگىزىلەتىن سوت پروتسەسى قارساڭىندا بىرنەشە تەراكتى ۇيىمداستىرماق بولعان سودىرلار توبىن قولعا ءتۇسىردى. بۇل تۋرالى يتار-تاسس حابارلادى.
«ال-بالياد» ينتەرنەت-پورتالىنىڭ مالىمەتى بويىنشا, تەرروريستەر سيناي تۇبەگىنىڭ سولتۇستىگىندە ۇستالعان. 13 ەكسترەميستەن تۇراتىن توپ وزدەرىنىڭ تەراكتىلەرىن ەكس-پرەزيدەنت مۋحاممەد ءمۋرسيدىڭ ۇستىنەن جۇرگىزىلەتىن سوت پروتسەسى باستالاردان بىرنەشە ساعات بۇرىن جاساۋدى جوسپارلاعان ەكەن. ولار بىرقاتار نىسانداردا جانە سوت وتىرىسى وتەتىن پوليتسيا اكادەمياسىندا جارىلىس جاساماق بولعان.
مىسىردىڭ بۇرىنعى پرەزيدەنتى مۋحاممەد مۋرسيگە قاتىستى جۇرگىزىلەتىن سوت پروتسەسى 4 قاراشاعا جوسپارلانعان. ەستەرىڭىزدە بولسا, وعان وتكەن جىلى كايردىڭ «ال-يتتيحاديا» پرەزيدەنت سارايى ماڭايىندا بولعان ەرەۋىلشىلەردىڭ ولىمىنە قاتىسى بار دەگەن ايىپ تاعىلعان بولاتىن.
ايدار ورىسباەۆ.
