ايماقتار • 27 شىلدە، 2020

شيپانىڭ شاراپاتى

8 رەت كورسەتىلدى

Nur Otan پارتياسى تۇركىستان وبلىستىق فيليالىنىڭ ۇيىمداستىرۋىمەن، پاندەميا كەزىندە ەلگە كومەكتەسۋ ماقساتىندا وڭىردە ء«ومىر» جانە «شيپا» جوبالارى جۇزەگە اسىرىلۋدا. جۋىردا «شيپا» جوباسى بويىنشا وبلىستىڭ اۋدان قالالارىنداعى 300 مۇقتاج وتباسىنا ءدارى-دارمەك قوراپشاسى جىبەرىلدى.

قوراپشا ىشىندە قوعامدىق دەنساۋلىق باسقارماسى تاراپىنان ۇسىنىلعان، كوروناۆيرۋس پەن پنەۆمونيا سىرقاتتارىنىڭ الدىن الۋعا، ەمدەۋگە ارنالعان دارىلەر مەن قۇرالدار بار. ءدارى-دارمەكتەر قوراپشاسىن دايىنداپ، ونى اۋىلدارداعى الەۋمەتتىك جاعدايى تومەن، از قامتىلعان كوپبالالى وتباسىلارعا تاراتۋ كوزدەلگەن «شيپا» جوباسىن جۇزەگە اسىرۋعا ەرىكتى جاستار قولداۋ كورسەتۋدە. ياعني Jas Turkistan ەرىكتىلەر كلۋبى مەن اۋداندارداعى جاسوتاندىقتار تۇرعىندارعا جەتكىزۋدە. كوپشىلىك ءدارىحانالاردا تاپشى بولىپ جاتقان ءدارى-دارمەك سالىنعان قوبديشالار وتىرار اۋدانىنداعى الەۋمەتتىك جاعدايى از قامتىلعان 10 وتباسىنا تاراتىلدى. قازىعۇرت اۋدانىنىڭ رابات ەلدى مەكەنىندەگى 2 وتباسىنا دا وسىنداي قوبديشالار جەتكىزىلدى. ال كەنتاۋ قالاسىندا ء«ومىر» جوباسى اياسىندا قالالىق ءماسليحات حاتشىسى تالعات بالابيەۆتىڭ جانە كاسىپكەر ەرلان رۇستەموۆتىڭ قولداۋىمەن قالالىق ورتالىق اۋرۋحاناسىنا 2 جاساندى تىنىس الۋ اپپاراتى تابىس ەتىلدى. ء«بىز وسىنداي قادامدار ارقىلى تۇرعىندارعا كومەك قولىن سوزۋدى ماقسات تۇتتىق. پارتيا فيليالىنا، نۇروتاندىق دەپۋتاتتارعا، دەمەۋشىلەرگە، ۆولونتەر جاستارعا العىسىمىز مول»، دەيدى پارتيانىڭ Jas Otan جاستار قاناتى وبلىستىق فيليالىنىڭ توراعاسى جانسەرىك جۇمان. ءيا، جوبالاردىڭ ماقساتىنان حاباردار بولعان ەل جاناشىرلارى، وبلىستىق ماسليحاتتاعى Nur Otan پارتياسىنىڭ فراكتسيا وكىلدەرى مەن وزگە دە ازاماتتار قولداۋ كورسەتىپ، العاشقى كۇندەرى ارنايى قورعا 10 ملن تەڭگەدەن استام قارجى اۋدارعان. بۇل قارجىنىڭ ءبىر بولىگىنە تۇركيا جانە قىتاي ەلدەرىنە 50 جاساندى تىنىس الۋ اپپاراتىنا تاپسىرىس بەرىلىپ، تاياۋ ارادا وڭىرگە جەتكىزىلمەك.

Nur Otan پارتياسى وبلىستىق فيليا­لى توراعاسىنىڭ ءبىرىنشى ورىنباسارى بەيسەنباي تاجىباەۆ بۇل جوبالار وڭىردەگى جاس ەرىكتىلەردى يگى ىسكە جۇمىلدىرىپ وتىرعانىن جەتكىزدى. «جوبا اياسىنداعى جۇمىستار قوعامدىق دەنساۋلىق باسقار­ماسىمەن دە بىرلەسىپ اتقارىلادى. بۇل يگى باستاماعا پارتيا وكىلدەرى، ءماسليحات دەپۋتاتتارى قولداۋ كورسەتۋدە. پاندەميامەن كۇرەستە، مۇقتاج وتباسىلارعا كومەكتەسۋدە اتالعان جوبالار تيىمدىلىگىن كورسەتەدى دەپ سەنەمىن. وسى قيىن كەزەڭدە ەلگە كومەكتەسۋگە بارشا ازاماتتاردى اتسالىسۋعا شاقىرامىز»، دەيدى ب.تاجىباەۆ. ال قيىن ساتتە قاجەتتى ءدارى-دارمەككە قول جەتكىزگەن تۇرعىندار قايىرىمدى جاندارعا شەكسىز العىستارىن ايتۋدا.

وڭىردە تۇرعىنداردى قاجەتتى ءدارى-دارمەكپەن قامتاماسىز ەتۋ ماسەلەسى دە بىرتىندەپ شەشىمىن تاۋىپ، جاعداي تۇراقتانىپ كەلەدى. وسى ورايدا وبلىسقا 5 ملن-عا جۋىق دارىلىك پرەپارات كەلگەن. پاندەميامەن كۇرەس ءۇشىن وبلىس بيۋدجەتىنەن قاراجات ءبولىنىپ، وزبەكستان ەلىنەن جەتكەن كەزەكتى پارتيانىڭ ىشىندە حالىققا ەڭ قاجەت تۇرلەرى بار. اتاپ ايتقاندا، امبروكسول، لەۆوفلاكساتسين، امينوفيللين، ازيتروميتسين، تسەفترياكسون، پاراتسەتامول، مەترانيدازول، دەكسامەتازون، ەۋفيللين سەكىلدى پنەۆمونيا جانە كوروناۆيرۋسقا قارسى پرەپاراتتار اكەلىنگەن. وسىناۋ قاجەتتى ءدارى-دارمەكتىڭ جارتىسى وڭىردەگى اۋدان-قالا اۋرۋحانالارىنا تاراتىلسا، جارتىسى اكىمدىكتەرمەن مەموراندۋمعا وتىرعان 153 دارىحاناعا شەكتى باعامەن جونەلتىلەدى.

ايتا كەتەيىك، بۇعان دەيىن وبلىس اكىمدىگى حالىقتى قاجەتتى دارىلىك زاتتارمەن قام­تاماسىز ەتۋ ماقساتىندا جەرگىلىكتى بيۋدجەت ەسەبىنەن 500 ملن تەڭگە قاراجات بولگەن.

 

تۇركىستان وبلىسى

 

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

تابيعاتقا تامسانتتى

ايماقتار • بۇگىن، 08:53

اۆتوپورترەت

ونەر • بۇگىن، 08:52

ۇقساس جاڭالىقتار