كەشە, 17 قازان كۇنى ماسكەۋدە كىسى ءولتىردى دەگەن ايىپ تاعىلىپ, قاماۋعا الىنعان ازەربايجان ەلىنىڭ تۋماسى ورحان زەينالوۆ سوتتا ءوزىنىڭ قىلمىسىن مويىنداۋدان باس تارتتى. بۇل تۋرالى «ايف» حابارلادى.
رەسەي استاناسىنىڭ باتىس بيريۋلوۆو اۋدانىنداعى ورىن العان جاپپاي تارتىپسىزدىكتىڭ سەبەبى – وسىندا تۇراتىن 25 جاسار ەگور ششەرباكوۆتىڭ كىسى قولىنان پىشاقتالىپ ءولۋى ارادا بىرنەشە كۇن وتكەندە كۇدىكتى دەگەن كولەڭكە تۇسكەن ازەربايجان 31 جاسار جىگىتى ورحان زەينالوۆتىڭ تۇتقىنعا الىنىپ, سوت الدىنا دەيىن كەلتىرىلۋىنە مۇرىندىق بولدى. بەيسەنبى كۇنى ماسكەۋدىڭ پرەسنيا اۋدانىنىڭ سوتى كاۆكازدىق جىگىتكە بايلانىستى جازا تاعايىنداۋعا كىرىستى. مۇنىڭ الدىندا زەينالوۆ ءوزىنىڭ ادۆوكاتىمەن جانە ازەربايجان ەلىنىڭ كونسۋلىمەن كەزدەسكەن بولىپ شىقتى.
بۇدان ءسال بۇرىن ازەربايجاننىڭ ماسكەۋدەگى ەلشىلىگى رەسەي ىشكى ىستەر مينيسترلىگىنە كۇدىكتىگە ادۆوكات پەن كونسۋلدىڭ جىبەرىۋلىن تالاپ ەتكەن حات جولداعان بولاتىن.
ورحان زەينالوۆ ماسكەۋ تۇبىندەگى كولومنا قالاسىندا وتكەن سەيسەنبى, 15 قازان كۇنى قولعا ءتۇستى. ماسكەۋ ىشكى ىستەر قىزمەتىندەگى باسشىلاردىڭ ايتۋلارىنششا, ول تۇتقىنعا الىنعان كەزىندە ءوزىنىڭ كىسى ولتىرگەنىن مويىنداعىن. سوسىن ادەيىلەپ ولتىرمەگەنىن, قورعانىس ماقساتىندا قيمىلداعانىن ايتقان. ال سوتتا مۇنىڭ بارىنەن باس تارتقان.
ساكەن مايلىباي.
