وسىنشا قولما-قول اقشانى تۇنگى مەزگىلدە قولىنا جالعىز ۇستاپ جۇرگەن ايەلدىڭ دە قىلىعى قىزىق ەكەن. جان داۋىسى شىعىپ, ۇرىنىڭ ارتىنان جۇگىرگەن ونىڭ داۋىسىن قالالىق پاترۋلدىك پوليتسيا باتالونى ەكيپاجىنىڭ قىزمەتكەرلەرى ەستيدى.
پوليتسيا اعا لەيتەنانتى اسقار تاتانوۆ اۋلالاردىڭ بىرىندە جاسىرىنباق بولعان ۇرىنىڭ سوڭىنان جۇگىرىپ, قۋىپ جەتكەندە اناۋ قولىنداعى پاكەتىن لاقتىرا سالىپ, جاسىرىنباق بولدى. الايدا, پوليتسيا قىزمەتكەرى ونىڭ زاتتاي ايعاقتان قۇتىلماق بولعان نيەتىن ىسكە اسىرماي, شالىپ جىعىپ, قولىن قايىرادى.
ءسويتىپ ميلليوندارىن جايباراقات ۇستاپ جۇرگەن جايباسار ايەلدىڭ جولى بولىپ, مۇلكى وزىنە قايتارىلدى. قازىر ونىڭ پوليتسيا قىزمەتكەرلەرىنە ايتار العىسى شەكسىز.
"ەسىم شىعىپ كەتكەن مەن پوليتسياعا حابارلاسۋدىڭ ورنىنا باقىرىپ, ۇرىنىڭ سوڭىنان جۇگىرە بەرىپپىن عوي. ايتەۋىر جولدا كەزدەسكەن ءبىر ايەلدەر پوليتسياعا دابىل جىبەرىپتى. پوليتسەيلەرگە جانە وعان حابار بەرگەن ادامدارعا العىسىم شەكسىز", دەيدى ول.
توناۋ فاكتىسى بويىنشا قىلمىستىق كودەكستىڭ 191-بابى بويىنشا سوتقا دەيىنگى تەرگەۋ جۇرگىزىلۋدە. 34 جاسار ۇستالعان ادامنىڭ بۇرىن بىرنەشە رەت سوتتالعانى انىقتالدى. قازىر ول پەتروپاۆلدىڭ ۋاقىتشا ۇستاۋ يزولياتورىنا قامالدى.
پەتروپاۆل
