قازاقستان • 24 شىلدە، 2020

قىتاي نارىعىنداعى قازاقستاندىق ەكسپورتتىڭ جاڭا مۇمكىندىكتەرى

34 رەت كورسەتىلدى

كەشە ساۋدا جانە ينتەگراتسيا ۆيتسە-ءمينيسترى ازامات اسقار ۇلى "QazTrade ACCELERATOR: تاماق ونەركاسىبى 2020" ءبىرىنشى ەكسپورتتىق اكسەلەراتسيا باعدارلاماسىن ىسكە قوستى. بۇل تۋرالى ساۋدا جانە ينتەگراتسيا مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ءىس-شارا ونلاين رەجيمىندە ءوتتى. ۆيتسە-مينيستر ءوز سوزىندە بۇل جوبا ەلدىڭ شيكىزاتتىق ەمەس ەكسپورتىنىڭ جەدەل وسۋىنە، سونىمەن قاتار جاڭا ەكسپورتتاۋشىلاردىڭ وسۋىنە ىقپال ەتەتىندىگىن اتاپ ءوتتى.

ەكسپورتتىق اكسەلەراتسيا وندىرىستىك كەزەڭنەن باستاپ تاۋارلاردى جونەلتۋگە دەيىن تولىعىمەن تاجىريبەگە باعىتتالعان باعدارلاما بولۋعا باعىتتالعان. قولداۋ شارالارى ەكسپورتتاۋشىلاردى كەشەندى قولداۋ قاعيداتى بويىنشا جۇزەگە اسىرىلادى.

اكسەلەراتوردىڭ ءبىرىنشى اعىمىنا قاتىسۋ ءۇشىن تاماق ونەركاسىبى سالاسىنداعى دايىن ءوندىرىسى بار 30 كومپانيا تاڭدالادى. قاتىسۋشىلار بىرنەشە اي بويى ءوز كومپانيالارىنىڭ الەۋەتىن ەكسپورتتىق تۇرعىدا كۇشەيتۋ بويىنشا بەلسەندى وقىتۋدان ءوتىپ، حالىقارالىق ساراپشىلاردان قاجەتتى داعدىلاردى الادى. نەگىزگى ناتيجە ەكسپورتتىق كەلىسىم-شارتقا مىندەتتى تۇردە قول جەتكىزۋ بولماق.

ەكسپورتتىق اكسەلەراتسيا باعدارلاماسى 2020 جىلدان 2025 جىلعا دەيىن 1010 وتاندىق وندىرۋشىلەردى قامتۋدى جوسپارلاپ وتىر. ولاردىڭ 30%-ى بۇرىن ەكسپورتتىق قىزمەتكە قاتىسپاعان جانە العاشقى ەكسپورتتىق كەلىسىمشارتتارىن الاتىن 303 كاسىپورىن بولماق. قالعان 70% –اعىمداعى ەكسپورتتىق قىزمەتكە قاتىسۋشىلار، ولار باعادارلاما اياسىندا ەكسپورت كولەمىن ارتتىرادى نەمەسە تۇراقتى جەتكىزىلىمدەرمەن وزدەرى ءۇشىن جاڭا ماقساتتى نارىقتار اشادى.

قازاقستاندا العاشقى ەكسپورتتىق اكسەلەراتسيا باعدارلاماسىن ىسكە قوسۋ اياسىندا تاماق ونەركاسىبى نەگىزگى سالا رەتىندە تاڭدالدى. قىتاي ءبىزدىڭ تاۋار وندىرۋشىلەردىڭ نەگىزگى ساتىلىم نارىعى بولادى دەپ جوسپارلانۋدا.

"بۇگىنگى تاڭدا الەمدىك پاندەميا جاعدايىنىڭ دامۋى جانە كورشى ەلدەردىڭ ازىق-ت ۇلىك تاۋارلارىنا سۇرانىسىنىڭ جوعارىلاۋى اياسىندا وتاندىق تاۋار جەلىسىن جاڭا جاعدايلارعا بەيىمدەۋ جانە ەكسپورتتاۋشىلارعا ءتيىمدى قولداۋ شارالارىن ۇسىنۋ قارقىنىن باسەڭدەتپەۋ قاجەت. وسى رەتتە ءبىز قىتاي پروۆينتسيالارىمەن تىكەلەي جۇمىس ىستەيتىن بولامىز"، دەپ اتاپ ءوتتى ۆيتسە-مينيستر.

"بايتەرەك" ۇبح" اق باسقارۋشى ديرەكتورى مارات وماروۆ ۇلتتىق حولدينگتىڭ قارجىلىق ينستيتۋتتارمەن بىرگە ەكسپورتتاۋشىلار ءۇشىن ۇسىناتىن قولداۋ شارالارى تۋرالى قىسقاشا باياندادى.

اتالعان شاراعا KazakhExport، QazIndustry، KTZ-Express سياقتى قازاقستاندىق دامۋ ينستيتۋتتارىنىڭ باسشىلارى، رەسەيدەگى، قازاقستانداعى جانە قىتايداعى PwC وكىلدەرى، سونىمەن قاتار قىتايلىق كومپانيالاردىڭ وكىلدەرى قاتىستى.

اعىمداعى جىلى بۇل باعدارلاما وسى باعىتتاعى جوبالاردى ىسكە اسىرۋدا ۇلكەن تاجىريبەسى مەن تابىستى كەيستەرى بار PricewaterhouseCoopers كومپانياسىمەن سەرىكتەستىكتە جۇزەگە اسىرىلادى.

حالىقارالىق نارىققا شىعۋ ارقاشان وزىندىك سيپاتتامالارعا يە. كەز كەلگەن ەلگە تاۋارلاردىڭ ەكسپورتى يمپورتتاۋشى ەلدىڭ ستاندارتتارىن راستاۋ، "جەرگىلىكتى" ساپا سەرتيفيكاتىن الۋ جانە باسقا دا كوپتەگەن «تەحنيكالىق» ماسەلەلەرمەن بايلانىستى بولادى. ءوز ونىمدەرىن ەكسپورتتاۋدى جوسپارلايتىن كاسىپكەرلەردىڭ بارلىعى شەتەل نارىقتارىنىڭ مۇنداي قىر-سىرىن بىلە بەرمەيدى. بۇگىنگى تاڭدا 400-دەن استام قازاقستاندىق كومپانيالار شەتەلدە وتاندىق ءوندىرىستى ۇسىنادى. وسى ۋاقىتقا دەيىن ەلىمىزدىڭ الەمدىك ساۋدا تىزبەگىندەگى شيكىزاتتىق ەمەس تاۋارلاردىڭ ۇلەسى تومەن بولۋدا. بىراق اكسەلەراتسيا باعدارلاماسىن ىسكە اسىرۋدىڭ ناتيجەسىندە ەكسپورتتىڭ ارتۋى كۇتىلۋدە.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار