سوڭعى جىلدارى مەملەكەتىمىزدىڭ سەرپىندى دامىپ, تۇرعىن ۇيمەن قامتۋ باعدارلامالارىنىڭ جۇزەگە اسىرىلۋىمەن حالقىمىزدىڭ پاتەرلى بولۋعا دەگەن سەنىمى كۇشەيدى. بارشا جۇرتتى جارىلقاپ جاتقان «جۇمىسپەن قامتۋ-2020» باعدارلاماسىنىڭ ءبىر باعىتى – شالعايداعى بولاشاعى جوق اۋىل تۇرعىندارىن جانە بالالار ءۇيىنىڭ تاربيەلەنۋشىلەرىن, جەتىم بالالار مەن اتا-اناسىنىڭ قامقورلىعىنسىز قالعان بالالاردى ەكونوميكالىق بەلسەندى ايماقتارعا كوشىرىپ, جۇمىسقا ورنالاستىرۋ بولىپ تابىلادى.
سوڭعى جىلدارى مەملەكەتىمىزدىڭ سەرپىندى دامىپ, تۇرعىن ۇيمەن قامتۋ باعدارلامالارىنىڭ جۇزەگە اسىرىلۋىمەن حالقىمىزدىڭ پاتەرلى بولۋعا دەگەن سەنىمى كۇشەيدى. بارشا جۇرتتى جارىلقاپ جاتقان «جۇمىسپەن قامتۋ-2020» باعدارلاماسىنىڭ ءبىر باعىتى – شالعايداعى بولاشاعى جوق اۋىل تۇرعىندارىن جانە بالالار ءۇيىنىڭ تاربيەلەنۋشىلەرىن, جەتىم بالالار مەن اتا-اناسىنىڭ قامقورلىعىنسىز قالعان بالالاردى ەكونوميكالىق بەلسەندى ايماقتارعا كوشىرىپ, جۇمىسقا ورنالاستىرۋ بولىپ تابىلادى.
وسىعان بايلانىستى جاقىندا شىمكەنت قالاسىنىڭ «ءنۇرسات» شاعىن اۋدانىندا قونىس اۋدارۋشىلارعا ارنالعان 108 پاتەرلىك كوپقاباتتى ءۇي پايدالانۋعا بەرىلدى. باعدارلاما اياسىندا سالىنعان بۇل ۇيگە وبلىس اۋماعىنداعى اۋداندار مەن قالالاردان كوشىپ كەلگەن اتالمىش ساناتتاعى 72 وتباسىعا پاتەرلەردىڭ كىلتتەرى تابىس ەتىلدى. ولاردىڭ 61-ءى اتا-انانىڭ قامقورلىعىنسىز قالعان جەتىم وتباسىلار بولسا, 11-ءى الەۋەتى تومەن ەلدى مەكەننەن قونىس اۋدارۋعا نيەت بىلدىرگەندەر.
ءبىر قۋانارلىعى, قونىس اۋدارۋشىلاردىڭ جاڭا مەكەنجايىندا الەۋمەتتىك جانە جۇمىسپەن قامتۋ ماسەلەلەرى شەشىمىن تابادى. جاڭا ۇيگە قونىس اۋدارۋشىلاردىڭ مەكتەپ جاسىنداعى 19 وقۋشى بالالارى «ءنۇرسات» شاعىن اۋدانىنداعى ورتا مەكتەپتە وقيتىن بولسا, مەكتەپكە دەيىنگى جاستاعى 40 ءبۇلدىرشىن شىمكەنت قالالىق ءبىلىم ءبولىمى ارقىلى بالاباقشالارعا ورنالاستىرىلۋدا. ال ەڭبەككە قابىلەتتىلەرى شىمكەنت قالاسىنىڭ كاسىپورىندارى مەن مەكەمەلەرىنە جۇمىسقا تارتىلادى. ەندى الداعى ايدا «جۇمىسپەن قامتۋ-2020» باعدارلاماسى اياسىندا تاعى دا 3 كوپقاباتتى تۇرعىن ءۇي پايدالانۋعا بەرىلمەك. وسىلايشا, شىمقالادا قونىس توي كوبەيىپ تۇر.
ورالحان ءداۋىت,
«ەگەمەن قازاقستان».
شىمكەنت.
سۋرەتتەردى تۇسىرگەن ارمان ابدىراش ۇلى.
