ناتيجەسىندە تاراز قالاسىندا تۇنگى ۋاقىتتا ساۋدا جاساعان جانە سانيتارلىق تالاپتاردى ساقتاماعان بىرقاتار نىساندار انىقتالعان. قازىرگى كەزدە ولارعا ءتيىستى شارا قولدانىلۋدا.
تاراز قالالىق اكىمدىگىنىڭ مالىمەتىنشە, كارانتين تالاپتارىن ەلەمەي, ءتۇن مەزگىلىنە دەيىن ساۋدا جاسايتىن ازىق-ت ۇلىك دۇكەندەرى ءالى بار بولىپ شىقتى. ولاردىڭ كەيبىرىنە بىرنەشە رەت ەسكەرتۋ دە جاسالعان. ماسەلەن, موبيلدىك توپ تاراز قالاسىنداعى ايتيەۆ, اباي, سۇلەيمەنوۆ, نيەتقاليەۆ كوشەلەرىندە باقىلاۋ جۇرگىزگەن. بىراق اتالعان اۋماقتا كارانتين تالابىن بۇزعان نىسان انىقتالماعان.
الايدا, قالاداعى تاۋكە حان داڭعىلىنداعى بىرنەشە ساۋدا نۇكتەسى ءتۇن اۋعان ۋاقىتقا دەيىن جۇمىستارىن جالعاستىرا بەرگەن. ايتالىق, "الاتاۋ" ساۋدا-ساتتىق كەشەنى مەن "نۇر" شاعىن ماركەتى كارانتين تالاپتارىن ساقتاماعان بولىپ شىقتى. ءتىپتى, اتالعان شاعىن ماركەت قىزمەتكەرىنىڭ تەكسەرۋشى توپتى كورگەن ساتتە ىشتە تۇرعان كەلۋشىلەردى سىرتقا شىعارماستان دۇكەن ەسىگىن ىشتەن كىلتتەپ العانى انىقتالعان.
سونداي-اق, كارانتين تالاپتارىنا پىسقىرماعان ءدامحانا مەن جىلدام اس دايىندايتىن نۇكتەلەر دە بەلگىلى بولدى. جەلتوقسان كوشەسىندە ورنالاسقان "ماكي ماكي" سۋشي دايىنداۋ ورنى تالاپتى ساقتاماعان. مۇنداعى جۇمىسشىلاردىڭ سانيتارلىق تالاپتاردى ساقتاماعانى ءوز الدىنا, ولاردىڭ اس ازىرلەگەنى جانە تۇنگى ۋاقىتتا جۇمىس ىستەگەنى انىقتالدى. قالالىق اكىمدىكتىڭ مالىمەتىنشە, اتالعان زاڭ بۇزۋشىلىقتاردى ەسكەرە وتىرىپ, نىسانعا قاتىستى ءتيىستى شارا قابىلدانعان.
جالپى, رەيد جۇمىستارىنىڭ قورىتىندىسى بويىنشا بىرقاتار نىسان يەلەرىنە ەسكەرتۋ جاسالىپ, كارانتين تالاپتارىن قايتالاپ بۇزعاندارعا ايىپپۇل سالىنۋدا. سونىمەن قاتار, قالادا ورنالاسقان باسسەيندەرگە دە تەكسەرۋ جۇمىستارى جۇرگىزىلگەن بولاتىن. الايدا, تاراز قالاسىنداعى شومىلۋ ورىندارنىڭ ەشقايسىسىنىڭ جۇمىس ىستەمەي تۇرعانى انىقتالعان.
جامبىل وبلىسى
