كەشە ۇكىمەت ۇيىندە پرەمەر-مينيستر سەرىك احمەتوۆتىڭ توراعالىعىمەن استاناداعى ەكسپو-2017 حالىقارالىق ارناۋلى كورمەسىنە ازىرلىك پەن ونى وتكىزۋ جونىندەگى مەملەكەتتىك كوميسسيانىڭ كەزەكتى وتىرىسى بولىپ ءوتتى.
سەرىك احمەتوۆ وسىنىڭ الدىندا اتالعان كورمەگە ازىرلىك ماسەلەلەرىن قاراستىرعان اقورداداعى كەڭەستە پرەزيدەنت بەرگەن تاپسىرمالارعا ەرەكشە نازار اۋداردى.
كەشە ۇكىمەت ۇيىندە پرەمەر-مينيستر سەرىك احمەتوۆتىڭ توراعالىعىمەن استاناداعى ەكسپو-2017 حالىقارالىق ارناۋلى كورمەسىنە ازىرلىك پەن ونى وتكىزۋ جونىندەگى مەملەكەتتىك كوميسسيانىڭ كەزەكتى وتىرىسى بولىپ ءوتتى.
سەرىك احمەتوۆ وسىنىڭ الدىندا اتالعان كورمەگە ازىرلىك ماسەلەلەرىن قاراستىرعان اقورداداعى كەڭەستە پرەزيدەنت بەرگەن تاپسىرمالارعا ەرەكشە نازار اۋداردى.
«كورمە زيانسىز جۇمىس ىستەۋى ءتيىس. ونداعى پاۆيلونداردىڭ كورمەدەن كەيىنگى جۇمىستارى ۇلتتىق كومپانيالار جانە بۇتىندەي العاندا مەملەكەت ءۇشىن پايدالى دا ءتيىمدى بولۋى كەرەك», دەدى پرەمەر-مينيستر. سونداي-اق ول ەكسپو-2017-گە ازىرلىك جونىندەگى شارالاردى جاريالاۋدىڭ اقپاراتتىق-يميدجدىك جۇمىستارىنا كرەاتيۆتىك ءادىس-تاسىلدەرمەن كەلۋدىڭ قاجەتتىگىن, ءتيىستى زاڭ جوبالارىن دەر كەزىندە ازىرلەۋدىڭ ەرەكشە ماڭىزدى ەكەندىگىن اتاپ كورسەتتى.
وتىرىس بارىسىندا «استانا ەكسپو-2017» ۇك» اق باسقارماسىنىڭ باسشىسى تالعات ەرمەگياەۆتىڭ, ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتىڭ, قورشاعان ورتانى قورعاۋ ءمينيسترى نۇرلان قاپپاروۆتىڭ, مادەنيەت جانە اقپارات ءمينيسترى مۇحتار قۇل-مۇحاممەدتىڭ ەسەپتەرى تىڭدالدى.
ۇكىمەت باسشىسى تالقىلاۋ قورىتىندىسىندا بارلىق ءمۇددەلى مەملەكەتتىك ورگاندارعا, «استانا ەكسپو-2017» ۇك» اق-قا بىرقاتار تاپسىرمالار بەردى جانە كورمەنى وتكىزۋگە ساپالى ازىرلىك شارالارىن قابىلداۋ قاجەتتىگىن تاعى ءبىر ەسكەرتتى, دەپ حابارلادى قر پرەمەر-ءمينيسترىنىڭ ءباسپاسوز قىزمەتى.
