ايماقتاعى ەپيدەميولوگيالىق احۋال كۇردەلى كەزدە جەدەل-جاردەم شاقىرتۋلارى تاۋلىگىنە 2500-دەن اسىپ, جۇكتەمە 2 ەسەگە ارتقان. دەگەنمەن قازىرگى تاڭدا احۋالدىڭ تۇراقتالۋىنا بايلانىستى شاقىرتۋلار سانى ازايعان.
2020 جىلدىڭ ماۋسىم ايىنىڭ شاقىرىستىڭ شارىقتاۋ شەگىمەن سالىستىرعاندا 52,7 پايىز ازايۋى بايقالادى. ال سوڭعى 2 اپتادا جالپى ورىندالعان جالپى شاقىرىس سانى 39 پايىزعا تومەندەدى. ونىڭ ىشىندە تىنىس الۋ جولدارىنىڭ اۋرۋلارى 74% ازايسا, جەدەل رەسپيراتورلىق ۆيرۋستى ينفەكتسيا جاعدايلارى 82,5 پايىزعا, پنەۆمونيا جاعدايلارى 60 پايىزعا تومەندەگەن.
پنەۆمونيا جاعدايلارىمەن شاقىرۋ كوپ كەزىندە ناۋقاستاردىڭ 85 پايىزى ستاتسيونارعا جاتقىزىلسا, قازىرگى تاڭدا 45,3 پايىزى تاسىمالدانىپ, جاتقىزۋ كورسەتكىشى 79,3 پايىزى قۇراپ وتىر. ياعني اۋىر تۇردەگى ناۋقاستاردىڭ ازايعانى بايقالادى.
ۆيتسە-پرەمەر جەدەل-جاردەم ستانساسىنىڭ وپەراتيۆتى ءىس-قيمىل جۇمىسىن جانە شاقىرتۋلاردى قابىلدايتىن ديسپەتچەرلىك بولىمدەگى سall ورتالىقتىڭ جۇمىس پروتسەسىن باقىلادى. ءاربىر تۇسكەن قوڭىراۋلارعا جاۋاپتى ءار ديسپەتچەر كۇنىنە 150 قوڭىراۋ قابىلداپ كەلگەن. بۇگىندە ۆيرۋس ىندەتى باسىلعان كەزدە شۇعىل قوڭىراۋلار ازايعان. شاقىرىس كوپ كەزدە 1-3 ساناتتىلىق بويىنشا ءبىر جەدەل-جاردەم توبىنا 30-35 شاقىرىس, قازىر تاۋلىگىنە 16-18 شاقىرىس, 4 ساناتتى جەدەل جاردەم توبىنا 20-22 شاقىرىستان ورىندالۋدا.
جەدەل-جاردەم قىزمەتىنىڭ ناۋقاستارعا ۋاقىتىلى جەتۋىن ىسكە اسىرۋدا جەڭىل جانە ورتاشا دارەجەدەگى ناۋقاستارعا ەمحانالار جانىنان قۇرىلعان ءموبيلدى توپتار كومەك بورۋدە. بۇگىنگى كۇنى وبلىس بويىنشا 161 ءموبيلدى بريگادالار جۇمىسىن جۇرگىزۋدە.
