ەكولوگيا • 24 شىلدە، 2020

الماتى وزەنىن سابىن كوبىگى باستى

615 رەت كورسەتىلدى

الماتىداعى وزەن ارناسىنان كىر جۋىلعان سابىن كوبىگىنىڭ اعىپ جاتقانىنا بايلانىستى تۇسىرىلگەن اۋەسقوي ۆيدەو الەۋمەتتىك جەلىدە قىزۋ تالقىعا ءتۇستى، دەپ حابارلايدى Egemen.kz

ەكولوگتەر دەرەك كوزىنىڭ قايدان شىققانىن انىقتاپ جاتىر. الايدا وزەن سۋىنىڭ قالاي لاستانىپ كەتكەنىن انىقتاۋ قيىندىق تۋدىرىپ وتىرعانىن جاسىرمايدى.

جەلى قولدانۋشىسى: "بىزدە حالىق نە ىستەيدى، قاراڭىزدار. كوبىك، مۇندا كىر جۋعىش ۇنتاقتىڭ ءيىسى بار. نە دەگەن سۇمدىق"، دەيدى بەينەروليك اۆتورى. سونداي-اق پىكىر بىلدىرۋشىلەر سوڭعى ۋاقىتتا ەلىمىزدە مۇنداي فاكتىلەر جيىلەپ كەتكەنىن اتاپ ءوتتى.

– بۇل قانداي دا ءبىر چەللەندجە بە؟ ادامدار سىزدەرگە نە بولعان؟ تابيعاتتى ايالاڭىزدار! – دەيدى پىكىر بىلدىرۋشىلەر. ال كەيبىرى بۇل ۆيدەونىڭ كورشىلەس رەسەي مەملەكەتىنىڭ اۋماعىندا تۇسىرىلگەن دەپ توپشالايدى.

ەكولوگيا مينيسترلىگىنە قاراستى ەكولوگيالىق رەتتەۋ جانە باقىلاۋ كوميتەتىنىڭ توراعاسى زۋلفۋحار جولداسوۆ جەلىدە ۆيدەو پايدا بولعان سوڭ، دەرەۋ وقيعا ورنىنا مامانداردىڭ كەلگەنىن ايتتى.

"23 شىلدە كۇنى الەۋمەتتىك جەلىلەردە الماتى قالاسى ناۋرىزباي اۋدانى، قارعالى وزەنىنىڭ جاپپاي كوبىكتەنۋگە بايلانىستى ۆيدەو پايدا بولعاندىقتان، ەكولوگيا دەپارتامەنتىنىڭ قىزمەتكەرلەرى دەرەۋ وقيعا ورنىنا شىقتى. كەلگەن ساتتە سۋ تازا بولدى. تاۋ سۋىنىڭ سىنامالارىن ىرىكتەپ الدى. حالىق اراسىندا ساۋالداما جۇرگىزىلە باستادى. تۇرعىنداردىڭ ايتۋىنشا، ەكولوگتەر كەلگەنگە دەيىن بىرنەشە ساعات بۇرىن وزەندە وسىنداي كورىنىس بولعان"، دەيدى زۋلفۋحار جولداسوۆ.

زۋلفۋحار جولداسوۆتىڭ ايتۋىنشا، ەكولوگيا دەپارتامەنتىنىڭ ينسپەكتورلارى جوعارىدان تومەنگە قاراي زەرتتەۋ جۇرگىزۋدە. وسى القاپتا تۇرعىن الاپتارى بار ەكەنىن جانە قالا ايماعىنا جاقىن ورنالاسقاندىقتان، تىعىز قۇرىلىس جۇمىستارى جۇرگىزىلىپ جاتقانىن دا اتاپ كەتتى. اتالعان وقيعاعا جاۋاپتى رەتىندە پوليتسيا وكىلدەرىن جانە ۋچاسكەلىك قىزمەتكەرلەردى قوساتىنىن ناقتىلادى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار