جاقىندا افينا قالاسىندا قازاقستان-گرەكيا ەكونوميكالىق جانە تەحنولوگيالىق ىنتىماقتاستىق كوميسسياسىنىڭ ەكىنشى وتىرىسى ءوتىپ, ونىڭ جۇمىسىنا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ا.ۆولكوۆتىڭ باسشىلىعىمەن ەلىمىز دەلەگاتسياسى قاتىستى.
دەلەگاتسيا قۇرامىنا قورشاعان ورتانى قورعاۋ, اۋىل شارۋاشىلىعى, كولىك جانە كوممۋنيكاتسيا, ەڭبەك جانە حالىقتى الەۋمەتتىك قورعاۋ, يندۋستريا جانە جاڭا تەحنولوگيالار مينيسترلىكتەرىنىڭ وكىلدەرى كىردى.
جاقىندا افينا قالاسىندا قازاقستان-گرەكيا ەكونوميكالىق جانە تەحنولوگيالىق ىنتىماقتاستىق كوميسسياسىنىڭ ەكىنشى وتىرىسى ءوتىپ, ونىڭ جۇمىسىنا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ا.ۆولكوۆتىڭ باسشىلىعىمەن ەلىمىز دەلەگاتسياسى قاتىستى.
دەلەگاتسيا قۇرامىنا قورشاعان ورتانى قورعاۋ, اۋىل شارۋاشىلىعى, كولىك جانە كوممۋنيكاتسيا, ەڭبەك جانە حالىقتى الەۋمەتتىك قورعاۋ, يندۋستريا جانە جاڭا تەحنولوگيالار مينيسترلىكتەرىنىڭ وكىلدەرى كىردى.
كوميسسيا وتىرىسىنىڭ شەڭبەرىندە تاراپتار ىستەردىڭ جاعدايى مەن قورشاعان ورتانى قورعاۋ, كولىك, اۋىل شارۋاشىلىعى, تۋريزم, مەملەكەتتىك قىزمەت, ەڭبەك جانە الەۋمەتتىك قورعاۋ, جاڭارتىلعان ەنەرگيا كوزدەرىن پايدالانۋ, الداعى ەكسپو-2017 حالىقارالىق كورمەسىنە ەرەكشە نازار اۋدارا وتىرىپ, ەنەرگەتيكا سالالارىندا ىنتىماقتاستىقتى نىعايتۋ مۇمكىندىكتەرىن تالقىلادى. سونىمەن قاتار, گرەك تاراپىنا ىنتىماقتاستىقتى ايماقتىق دەڭگەيدە دامىتۋ, ونىڭ ىشىندە الماتى جانە افينا اراسىندا نەعۇرلىم تىعىز بايلانىس ورناتۋ ماسەلەسىن قاراستىرۋ ۇسىنىلدى.
وتىرىس ناتيجەلەرى بويىنشا ءتيىستى حاتتاماعا قول قويىلدى. تاراپتار كوميسسيانىڭ كەزەكتى وتىرىسىن استانادا وتكىزۋگە كەلىستى.
كوميسسيا وتىرىسىنىڭ اياسىندا اۆتوموبيلدىك تاسىمالداۋ بويىنشا ارالاس كوميسسيانىڭ بولەك وتىرىسى ءوتىپ, ءتيىستى حاتتاماعا قول قويىلدى.
افينادا بولۋ شەڭبەرىندە ا.ۆولكوۆ گرەكيا سىرتقى ىستەر, تۋريزم, قوعامدىق ءتارتىپ پەن ازاماتتاردى قورعاۋ مينيسترلىكتەرىنىڭ باسشىلىعىمەن, سونداي-اق ەل پارلامەنتىندەگى «قازاقستان-گرەكيا» دوستىق توبىنىڭ مۇشەلەرىمەن كەزدەسۋلەر وتكىزدى.
كەلىسسوزدەر بارىسىندا تاراپتار ەكىجاقتى جانە كوپجاقتى سيپاتتاعى ماسەلەلەردىڭ كەڭ توپتاماسىن, ونىڭ ىشىندە ساۋدا, ينۆەستيتسيا, تۋريزم, ەكىجاقتى كەلىسىمشارت بازاسىن, بيزنەس-بايلانىستاردى كەڭەيتۋ سالالارىندا ىنتىماقتاستىقتى دامىتۋ كەلەشەگىن تالقىلادى, سونداي-اق بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە تيىسىنشە 2017-2018 جانە 2025-2026 جىلدارعا ءوز كانديداتۋرالارىن ءوزارا قولدايتىنىن راستادى.
گرەك تاراپى 2014 جىلدىڭ ءبىرىنشى جارتىجىلدىعىنداعى توراعالىعى بارىسىندا قازاقستانعا ەۋروپالىق وداقپەن ىنتىماقتاستىقتىڭ ماسەلەلەرىن ىلگەرىلەتۋگە قولعابىس بەرۋگە ءوز ازىرلىگىن تانىتتى.
«ەگەمەن-اقپارات».
