قازاقستان رەسپۋبليكاسى ستاتيستيكا اگەنتتىگىنىڭ مالىمەتتەرىنە سايكەس, ەلىمىزدە 25 مىڭنان استام ۇكىمەتتىك ەمەس ۇيىمدار (ۇەۇ) تىركەلگەن. ونىڭ ىشىندە 5 مىڭنان استامى الماتى قالاسىندا شوعىرلانعان. ۇەۇ-دىڭ باستى مىندەتى قوعامدىق ومىرگە بەلسەنە قاتىسىپ ىرگەلى جۇمىستاردى جۇزەگە اسىرۋ بولىپ تابىلادى.
قازاقستان رەسپۋبليكاسى ستاتيستيكا اگەنتتىگىنىڭ مالىمەتتەرىنە سايكەس, ەلىمىزدە 25 مىڭنان استام ۇكىمەتتىك ەمەس ۇيىمدار (ۇەۇ) تىركەلگەن. ونىڭ ىشىندە 5 مىڭنان استامى الماتى قالاسىندا شوعىرلانعان. ۇەۇ-دىڭ باستى مىندەتى قوعامدىق ومىرگە بەلسەنە قاتىسىپ ىرگەلى جۇمىستاردى جۇزەگە اسىرۋ بولىپ تابىلادى.
جاقىندا الماتى قالاسىنىڭ VIII ازاماتتىق فورۋمى ءوتتى. ونىڭ ماقساتى مەملەكەتتىك ورگاندار مەن ۇكىمەتتىك ەمەس ۇيىمداردىڭ اراسىنداعى ءوزارا ارىپتەستىكتى كەڭەيتۋ, قوعامنىڭ وزەكتى ماسەلەلەرىن شەشۋ بويىنشا بىرلەسكەن جۇمىستاردى جۇزەگە اسىرۋ.
فورۋم تاقىرىبى – «الماتىنىڭ تاڭداۋى – جاسىل ەكونوميكا» دەپ اتالۋى تەگىن ەمەس. وزەكتىلىگى جىل سايىن ارتىپ كەلە جاتقان «جاسىل ەكونوميكا» سالاسى ءوز تيىمدىلىگىن قورشاعان ورتانى قورعاۋ جانە ساپالى ەكولوگيالىق ءومىردى قامتاماسىز ەتۋ ارقىلى دالەلدەپ وتىر. وسىعان وراي, «جاسىل ەكونوميكانى» دامىتۋعا ارنالعان فورۋمنىڭ ماڭىزدىلىعى دا مىنە وسى ەدى.
فورۋم جۇمىسى بارىسىندا ۇكىمەتتىك ەمەس سەكتور مەن الەۋمەتتىك سالانى دامىتۋدىڭ وزەكتى ماسەلەلەرى تالقىلانىپ, ءتيىستى ۇسىنىستار مەن ءوزارا ارەكەتتەستىك تۋرالى جوسپارلار جاسالدى. ازاماتتىق فورۋم ازاماتتىق سەكتوردىڭ تۇراقتى دامۋىنا قاتىستى پروبلەمالارى مەن ونىڭ مەملەكەتتىك ورگاندارمەن ارىپتەستىگىن ساراپتاۋ ءۇشىن تاپتىرماس پىكىرتالاس الاڭىنا اينالدى.
فورۋم اياسىندا «جاسىل ەكونوميكا» سالاسىندا جۇمىس ىستەيتىن قازاقستاندىق عالىمدار مەن وتاندىق جانە شەتەلدىك وندىرىستىك مەكەمەلەردىڭ ونىمدەرى العاش رەت كوپشىلىك نازارىنا ۇسىنىلىپ, يننوۆاتسيالىق جوبالاردىڭ كورمەسى ۇيىمداستىرىلدى.
شاراعا مەملەكەتتىك ورگاندار, ۇكىمەتتىك ەمەس ۇيىمداردىڭ وكىلدەرى, عالىمدار, ءماسليحات دەپۋتاتتارى جانە باسقا دا سالا وكىلدەرى شاقىرىلدى. فورۋمعا قاتىسۋشىلار الدىندا الماتى قالاسىنىڭ اكىمى احمەتجان ەسىموۆ ءسوز سويلەپ, ونىڭ جۇمىسىنا تابىس تىلەدى. سونىمەن قاتار, وزگە قاتىسۋشىلار دا باياندامالار جاسادى.
«ەگەمەن-اقپارات».
