«نۇر وتان» حدپ اقتوبە وبلىستىق فيليالىندا «قازاقستان ارداگەرلەرى» اۋعان سوعىسى ارداگەرلەرى ۇيىمدارى اسسوتسياتسياسىنىڭ جانە «اۋعان سوعىسى ينتەرناتسيوناليست-جاۋىنگەرلەرى اقتوبە وبلىستىق قوعامدىق بىرلەستىگى» وبلىستىق ۇيىمىنىڭ ۇيىمداستىرۋىمەن «ءبىز ءوز وتانىمىزدىڭ بولاشاعىنا جاۋاپتىمىز» اتتى ءبىرىنشى رەسپۋبليكالىق فورۋمى وتكىزىلدى.
«نۇر وتان» حدپ اقتوبە وبلىستىق فيليالىندا «قازاقستان ارداگەرلەرى» اۋعان سوعىسى ارداگەرلەرى ۇيىمدارى اسسوتسياتسياسىنىڭ جانە «اۋعان سوعىسى ينتەرناتسيوناليست-جاۋىنگەرلەرى اقتوبە وبلىستىق قوعامدىق بىرلەستىگى» وبلىستىق ۇيىمىنىڭ ۇيىمداستىرۋىمەن «ءبىز ءوز وتانىمىزدىڭ بولاشاعىنا جاۋاپتىمىز» اتتى ءبىرىنشى رەسپۋبليكالىق فورۋمى وتكىزىلدى.
فورۋمعا ەلىمىزدىڭ بارلىق وبلىستارىنان اۋعان سوعىسىنىڭ ارداگەرلەرى قاتىستى. اۋعان سوعىسىنىڭ وت-جالىنىنا شىڭدالعان ازاماتتار جاستارعا پاتريوتتىق تاربيە بەرۋ, جاس ۇرپاقتى ءدىني ەكسترەميزمنەن قورعاۋ, ولاردىڭ سالت-داستۇرىمىزگە جات ءدىني اعىمدارعا بوي الدىرماۋىنا ۇيىتقى بولۋ جانە ءوز ەلىنىڭ پاتريوتى ەتىپ تاربيەلەۋ ماسەلەلەرىن تالقىلادى.
فورۋمدى كىرىسپە ءسوز ءسويلەپ اشقان وبلىستىق ءىشكى ساياسات باسقارماسىنىڭ باسشىسى زاپەن جۇماباەۆا اۋعان سوعىسى ارداگەرلەرى وبلىستىق ۇيىمى جۇرگىزىپ وتىرعان پاتريوتتىق تاربيە جۇمىستارىن, ونىڭ جاستاردىڭ قوعامداعى ءوز ورنىن تابۋداعى ءرولىن اتاپ ءوتتى. سونداي-اق, اۋعاندىق جاۋىنگەرلەردىڭ قوعامدىق جۇمىستارعا بەلسەنە قاتىساتىنى تۋرالى دا اڭگىمەلەدى. وبلىستا اۋعان جاۋىنگەرلەرىنىڭ كوممۋنالدىق قىزمەتتەر تولەمدەرىنەن بوساتىلعانىن تىلگە تيەك ەتتى. مۇنداي يگىلىك تەك اقتوبە وبلىسىندا عانا بار ەكەنىن جەتكىزدى.
پارلامەنت ءماجىلىسىنىڭ دەپۋتاتى, «قازاقستان ارداگەرلەرى» اۋعان سوعىسى ارداگەرلەرى ۇيىمدارى اسسوتسياتسياسىنىڭ توراعاسى باقىتبەك سماعۇل قارۋلاستارىن ەلىمىزدىڭ ەرتەڭى – جاستاردى ءوز وتانىنىڭ پاتريوتى ەتىپ تاربيەلەۋگە اتسالىسۋعا شاقىردى. جاستاردىڭ بويىندا وتانسۇيگىشتىك, پاتريوتتىق سەزىمدى قالىپتاستىرۋ قاجەتتىگىن ءسوز ەتتى. جاستاردى ۇلتجاندى جانە ءوز ەلىنىڭ ابزال ازاماتى بولۋعا شاقىردى. قازاقستاننىڭ جارقىن بولاشاعى جاستاردىڭ قولىندا دەگەن وي ايتتى.
شاراعا قاتىسۋشىلار اتىنان قازاقستاننىڭ بارشا ازاماتتارىنا ۇندەۋ قابىلداندى. وندا ەلىمىزدە ءدىني ەكسترەميزمدى جانە تەرروريزمدى بولدىرماۋ, جاستارعا اسكەري-پاتريوتتىق تاربيە بەرۋگە اتسالىسۋ ءاربىر قازاقستاندىقتىڭ پارىزى ەكەنى باياندالعان.
شارا اياسىندا «اۋعانستان. جاۋىنگەر-ينتەرناتسيوناليست ەرلىگى» اتتى كىتاپتىڭ تۇساۋكەسەرى بولدى. كىتاپتا اۋعان سوعىسىندا ءوزىنىڭ قارۋلاس جولداستارىمەن ەرلىكتىڭ ەرەن ۇلگىسىن كورسەتىپ قازا تاپقان جەرلەسىمىز, ينتەرناتسيوناليست-جاۋىنگەر سەرىكباي تۇرلىباەۆتىڭ جاۋىنگەرلىك بيىك تۇلعاسى دەرەكتى نەگىزدە سيپاتتالادى. كىتاپتىڭ تۇساۋكەسەرىنە سەرىكبايدىڭ اناسى ساپەن اپا قاتىسىپ, اۋعاندىق ارداگەرلەرگە ۇلىنىڭ ەرلىك ىستەرىن جاستار اراسىندا ناسيحاتتاپ, ونەگە ەتكەندەرى, ونىڭ بەينەسىن ەستەرىندە ساقتاعانى ءۇشىن ءجۇرەكجاردى العىس سەزىمىن ءبىلدىردى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
