قىزىلوردا وبلىسىنىڭ قازالى اۋدانىندا بىرنەشە جىلدان بەرى اۋىلدىق وكرۋگ اكىمى بولىپ, شەنەۋنىكتىڭ شەلپەگىن شەڭبىرىك اتقانشا جەپ جۇرگەن ءبىر ازاماتتى ابىرويلى قىزمەتتىڭ جالىنا جارماستىرىپ جۇرگەن ديپلومى جالعان بولىپ شىقتى.
قىزىلوردا وبلىسىنىڭ قازالى اۋدانىندا بىرنەشە جىلدان بەرى اۋىلدىق وكرۋگ اكىمى بولىپ, شەنەۋنىكتىڭ شەلپەگىن شەڭبىرىك اتقانشا جەپ جۇرگەن ءبىر ازاماتتى ابىرويلى قىزمەتتىڭ جالىنا جارماستىرىپ جۇرگەن ديپلومى جالعان بولىپ شىقتى.
«باقسام, باقا ەكەن» دەگەندەي, اكىم بولىپ اكىرەڭدەپ جۇرگەن كىسىنىڭ جولى سۇيىق ەكەنىن سەزىپ ءجۇرگەندەر دە بار ەكەن. سولاردىڭ اقپاراتى ارقىلى ايمانداي بولعان ونىڭ جولىن باسقا ەمەس, تاپ ۇلتتىق قاۋىپسىزدىك قىزمەتكەرلەرى كەسىپتى. مۇنىڭ جايىن مەملەكەتتىك قىزمەت ىستەرى اگەنتتىگى وبلىستىق باسقارماسىنىڭ باستىعى عالىم تۇرسىنباەۆ ايتىپ بەردى.
«تارتىپتىك كەڭەستە قازالى اۋدانى تاسارىق اۋىلى اكىمىنىڭ ءمىندەتىن اتقارعان بولەبايعا قاتىستى ءىس قارالدى, – دەدى ول. – ۇقك قىزىلوردا وبلىسى مەن بايقوڭىر قالاسى بويىنشا دەپارتامەنتىنىڭ حاتىنا سايكەس بولەباي مەملەكەتتىك قىزمەتكە ورنالاسۋ بارىسىندا جوعارى ءبىلىم تۋرالى جالعان ديپلوم بەرگەن».
ونىڭ ايتۋىنا قاراعاندا, اتالعان شەنەۋنىكتىڭ ءىس-ارەكەتىندە قىلمىستىق بەلگىلەر بايقالادى. ەندى وسىعان بايلانىستى تارتىپتىك كەڭەس وسى ءىس بويىنشا بارلىق ماتەريالداردى قارجى پوليتسياسىنا تاپسىرۋعا شەشىم قابىلداعان.
قۇرىش نۇرىمبەت.
