باعدارلامالار • 23 شىلدە، 2020

ەلىمىزدە "ەڭبەك" باعدارلاماسى قالاي ىسكە اسىرىلۋدا؟

475 رەت كورسەتىلدى

ەلىمىزدەگى توتەنشە جاعداي كەزەڭىندە پرەزيدەنت ق.توقاەۆ حالىققا ەكونوميكانى، شاعىن جانە ورتا بيزنەستى، قازىرگى كۇردەلى جاعدايدا بارشا ەل تۇرعىندارىن قولداۋعا باعىتتالعان بىرقاتار ناقتى تاپسىرمانى جولدادى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ماڭىزدى ماسەلەلەردىڭ ءبىرى تۇرعىنداردىڭ جۇمىسپەن قامتىلۋى جانە ەڭبەككە ورنالاستىرۋدى قامتاماسىز ەتۋ بولىپ وتىر، بۇل مەملەكەتتىڭ ەرەكشە باقىلاۋىنا الىنعان. 

ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» باعدارلاماسى حالىقتى ناتيجەلى جۇمىسپەن قامتۋعا جاردەمدەسۋگە جانە ازاماتتاردى كاسىپكەرلىككە تارتۋعا باعىتتالعان. مەملەكەتتىك باعدارلاما ەڭبەك نارىعىنىڭ قاجەتتىلىگىن ەسكەرە وتىرىپ، تەحنيكالىق جانە كاسىپتىك ءبىلىمى بار كادرلاردى دايارلاۋ، قىسقا مەرزىمدى كاسىپتىك وقىتۋ، ەڭبەك رەسۋرستارىن قايتا دايارلاۋ، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ، اۋىلدىق ەلدى مەكەندەردە شاعىن كرەديت بەرۋدى كەڭەيتۋ، جاڭا بيزنەس-يدەيالاردى ىسكە اسىرۋعا مەملەكەتتىك گرانتتار بەرۋ، ەڭبەك رەسۋرستارىنىڭ ۇتقىرلىعىن ارتتىرۋ سياقتى بىرقاتار مىندەتتەردى قامتيدى.

اعىمداعى جىلدىڭ 6 ايىندا 283 مىڭ ادام «ەڭبەك» مەملەكەتتىك باعدارلاماسىنىڭ قاتىسۋشىسى بولدى، ونىڭ ىشىندە 217،6 مىڭ ادام جۇمىسقا ورنالاستىرىلسا، 102،6 مىڭ ادام تۇراقتى جۇمىسقا تۇردى.

118 مىڭنان استام ادام سۋبسيديالاناتىن جۇمىس ورىندارىمەن قامتىلدى، ونىڭ ىشىندە 15 مىڭ ادام الەۋمەتتىك جۇمىس ورىندارىنا،14 مىڭ ادام جاستار پراكتيكاسىنا، 89 مىڭ ادام قوعامدىق جۇمىستارعا ورنالاستىرىلدى.

ەڭبەك رەسۋرستارىنىڭ ۇتقىرلىعىن ارتتىرۋ ماقساتىندا ۇستىمىزدەگى جىلدىڭ 1 شىلدەسىندەگى دەرەكتەر بويىنشا جۇمىس كۇشى ارتىق وڭتۇستىك وڭىرلەردەن 3019 ادام، ياعني 853 وتباسى قونىس اۋداردى. 

2020 جىلعى 1 شىلدەدەگى جاعداي بويىنشا قىسقا مەرزىمدى وقۋ كۋرستارىنا 7،2 مىڭ ادام جىبەرىلدى، ونىڭ ىشىندە 342 ادام وقۋدى اياقتاپ، 148 ادام جۇمىسقا ورنالاستىرىلدى. جالپى، جىل سوڭىنا دەيىن بۇل شارامەن 18،8 مىڭ ازاماتتى قامتۋ جوسپارلانىپ وتىر.

مەملەكەتتىك باعدارلاما اياسىندا جىل باسىنان بەرى جاپپاي كاسىپكەرلىكتى دامىتۋ ءۇشىن 17،6 ملرد تەڭگە سوماسىنا 3 931 ميكروكرەديت بەرىلدى، ونىڭ ىشىندە 4 115 جۇمىس ورنىن اشقان اۋىلدىق كاسىپكەرلەرگە 14،6 ملرد تەڭگەگە 3 687 ميكروكرەديت بەرىلدى.

جاپپاي كاسىپكەرلىكتى دامىتۋ اياسىندا شاعىن نەسيەلەندىرۋدى 2020 جىلعا دەيىن قارجىلاندىرۋ كولەمى 54،2 ملرد تەڭگەنى قۇرايدى، ونىڭ 79،9%-ى (43،3 ملرد تەڭگە) اۋىلدىق جەرلەرگە جانە 20،1%-ى (10،9 ملرد تەڭگە) قالالىق جەرلەرگە تيەسىلى. 

سونداي-اق، باعدارلاماعا قاتىسۋشىلارعا جاڭا بيزنەس-يدەيالاردى جۇزەگە اسىرۋ ءۇشىن 200 اەك مولشەرىندە 24 مىڭنان استام مەملەكەتتىك گرانت بەرىلەدى. اعىمداعى جىلدىڭ 1 شىلدەسىندەگى مالىمەت بويىنشا 10،8 مىڭ گرانت ءبولىنىپ ۇلگەردى. 

بۇدان تىس، «باستاۋ بيزنەس» جوباسى بويىنشا 30 مىڭ ادام كاسىپكەرلىك نەگىزدەرىنە وقىتىلادى.

توتەنشە جاعداي رەجيمى كەزىندە قر پرەزيدەنتى ق. توقاەۆتىڭ تاپسىرماسى بويىنشا حالىقتى جۇمىسپەن قامتۋدىڭ نەگىزگى قۇرالى جاڭا «جۇمىسپەن قامتۋدىڭ جول كارتاسى» بولماق، ونى جۇزەگە اسىرۋعا 1 ترلن تەڭگە قاراستىرىلعان. باعدارلامادا 7 مىڭنان استام جوبا قامتىلادى. ولاردىڭ 300-دەن استامى جاڭا تۇراقتى جۇمىس ورىندارىن قۇرۋعا مۇمكىندىك بەرەتىن ءونىمدى، پەرسپەكتيۆالى جوبالار بولىپ تابىلادى. 

جول كارتاسىنىڭ نەگىزگى ماقساتى جۇمىسپەن قامتۋدى قامتاماسىز ەتۋ جانە جۇمىسسىزدىق دەڭگەيىنىڭ وسۋىنە جول بەرمەۋ، قوسىمشا جۇمىس ورىندارىن قۇرۋ جانە تابىستىڭ بولۋىن قامتاماسىز ەتۋ، سونداي-اق وبلىستىڭ ەلدى مەكەندەرىنىڭ ينفراقۇرىلىمىن دامىتۋ ءۇشىن جاعداي جاساۋ بولىپ تابىلادى.

قر پرەمەر-ءمينيسترى اسقار مامين بۇگىنگى كۇنى ەل ۇكىمەتىنىڭ باسىم مىندەتى ازاماتتاردى جۇمىسپەن قامتۋ ەكەنىن اتاپ ايتقان ەدى. جاڭا «جۇمىسپەن قامتۋدىڭ جول كارتاسىن» قارجىلاندىرۋ جوبالاردى ىسكە اسىرۋ كەزەڭىندە ۋاقىتشا جۇمىسپەن قامتۋدى عانا ەمەس، تۇراقتى جۇمىس ورىندارىن قۇرۋدى قامتيتىن 240 مىڭنان استام جاڭا جۇمىس ورىندارىن قۇرۋعا مۇمكىندىك بەرەدى.

بۇگىنگى تاڭدا جقجك اياسىندا جەرگىلىكتى اتقارۋشى ورگاندار 4 نەگىزگى باعىت بويىنشا 6696 جوبانى ىسكە اسىرۋ ءۇشىن ىرىكتەپ الدى:

  • الەۋمەتتىك-مادەني نىساندارىن كۇردەلى جانە اعىمداعى جوندەۋ، قايتا جاڭعىرتۋ، قۇرىلىسى; 
  • تۇرعىن ءۇي-كوممۋنالدىق نىساندارىن كۇردەلى جانە اعىمداعى جوندەۋ، قايتا جاڭعىرتۋ، قۇرىلىسى;
  • ينجەنەرلىك-كولىكتىك ينفراقۇرىلىم نىساندارىن كۇردەلى جانە اعىمداعى جوندەۋ، قايتا جاڭعىرتۋ، قۇرىلىسى;
  • ەلدى مەكەندەرى ابباتتاندىرۋ.

جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە شارت بولىپ تابىلادى. قىزمەتكەرلەردىڭ كەمىندە جارتىسى حالىقتى جۇمىسپەن قامتۋ ورتالىقتارى ارقىلى جالداناتىن بولادى، جۇمىسسىز جاستارعا باسىمدىق بەرىلەتىن بولادى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ، قاۋىپسىز ەڭبەك جاعدايلارىن قامتاماسىز ەتۋگە ءتيىس.

اعىمداعى جىلعى 15 شىلدەدەگى جاعداي بويىنشا وڭىرلەردە 6 295 جوبا بويىنشا جۇمىس باستالدى، 148 مىڭنان استام جۇمىس ورنى قۇرىلدى، ونىڭ ىشىندە 77 مىڭ حالىقتى جۇمىسپەن قامتۋ ورتالىقتارى ارقىلى.

جقجك شەڭبەرىندە بارلىعى 255 مىڭ جۇمىس ورنىن قۇرۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورىندارىن اشۋعا نەگىز بولادى.

ەسكە سالايىق، 14 مامىر كۇنى قر پرەزيدەنتىنىڭ تاپسىرماسىنا سايكەس جول كارتاسىنا كەلەسى وزگەرىستەر ەنگىزىلدى: 

  • جەرگىلىكتى اتقارۋشى ورگاندار ينفراقۇرىلىمدىق جوبالاردى ىسكە اسىرۋ شەڭبەرىندە اقپاراتتىق-ءتۇسىندىرۋ جۇمىستارىن جۇرگىزۋ، مەديتسينالىق تەكسەرۋ، قىزمەتكەرلەردى جيناۋ جانە جۇمىس ورنىنا دەيىن تاسىمالداۋ ءۇشىن ءموبيلدى رەكرۋت پۋنكتتەرىن ۇيىمداستىرۋدى قامتاماسىز ەتۋى ءتيىس; 
  • ينفراقۇرىلىمدىق جوبالاردى ىسكە اسىرۋعا قاتىسۋ ءۇشىن حالىقتى جۇمىسپەن قامتۋ ورتالىقتارى جىبەرگەن، باسقا ەلدى مەكەندەردەن كەلگەن جۇمىسسىزدارعا ەڭ تومەنگى ەكى جالاقى مولشەرىندە بىرجولعى ماتەريالدىق كومەك («كوتەرمە») تيەسىلى، ول ءتيىستى قارجى جىلىنا رەسپۋبليكالىق بيۋدجەت تۋرالى زاڭمەن بەلگىلەنگەن. 

بۇدان باسقا، ورتالىق جانە جەرگىلىكتى اتقارۋشى ورگانداردىڭ، سونداي-اق جۇمىسپەن قامتۋ جول كارتاسىن ىسكە اسىرۋعا جاۋاپتى ۇيىمداردىڭ قىزمەتىن ۇيلەستىرۋ ءۇشىن حالىقتى جۇمىسپەن قامتۋ ماسەلەلەرى جونىندەگى ۆەدومستۆوارالىق كوميسسيا (بۇدان ءارى ۆاك) قۇرىلدى. ۆاك وتىرىستارىنىڭ شەڭبەرىندە وڭىرلەر جانە رەسپۋبليكالىق بيۋدجەتتىك باعدارلامالار اكىمشىلەرى بولىنىسىندە قارجىلاندىرۋ ليميتتەرىن ايقىنداۋ بويىنشا ۇسىنىستار ازىرلەندى، جول كارتاسى شەڭبەرىندە ينفراقۇرىلىمدىق جوبالاردىڭ تىزبەسى قارالدى جانە بەكىتىلدى.

 

نۇر-سۇلتان قالاسى

جالپى ەڭبەك نارىعىنداعى جاعداي تۇراقتى. ەلوردادا جۇمىسسىزدىق دەڭگەيى 4،5% قۇرايدى، بۇل رەسپۋبليكالىق ماننەن تومەن (قر بويىنشا - 4،8%). «ەڭبەك» مەملەكەتتىك باعدارلاماسى اياسىندا جۇمىسقا ورنالاسۋعا مۇقتاج ازاماتتاردى كوبىرەك قامتۋ ءۇشىن بارلىق قاجەتتى شارالار قابىلدانۋدا.

تجكب كادرلارىن دايارلاۋ بويىنشا 2020-2021 وقۋ جىلىنا 1 050 ادام تىركەلدى، 15 ءبىلىم بەرۋ ۇيىمدارىنىڭ جانە وقىتۋ ۇيىمدارى ءۇشىن 14 ماماندىقتىڭ تىزبەسى بەكىتىلدى.

قىسقا مەرزىمدى كاسىپتىك وقىتۋ بويىنشا بۇگىنگى كۇنى جۇمىس بەرۋشىلەردەن 34 ماماندىق بويىنشا 660 ادامعا 29 ءوتىنىم قابىلداندى. 18 قالانىڭ جۇمىس بەرۋشىلەرى ءۇشىن ەڭبەك نارىعىندا سۇرانىسقا يە 17 ماماندىق بەكىتىلدى (گاز جابدىقتارىن پايدالانۋ جانە جوندەۋ جونىندەگى سلەسار، ارماتۋرشى، مونتاجداۋشى، ەلەكتر دانەكەرلەۋشى، گازەلەكتردانەكەرلەۋشى، ەلەكتر سلەسارى، جيھاز جيناۋشى، اعاش بوياۋ تسەحىنىڭ شەبەرى، باقىلاۋشى-كاسسير، انيماتسيا جانە ۆيدەوگرافيا، اسپاز، كونديتەر، ناۋبايشى، تاربيەشىنىڭ كومەكشىسى، تىگىنشى، شاشتاراز جانە ت.ب.).

سونىمەن قاتار، اعىمداعى جىلى شاعىن نەسيە بەرۋ اياسىندا كەمىندە 80 جوبانى قارجىلاندىرۋ جوسپارلانۋدا. كوپبالالى جانە از قامتىلعان وتباسى مۇشەلەرىن كاسىپكەرلىككە تارتۋ ءۇشىن شاعىن نەسيەلەر جەڭىلدىكتى شارتتارمەن بەرىلەتىن بولادى. سونىمەن، وسى ساناتتاعىلار ءۇشىن شاعىن نەسيەنىڭ ەڭ جوعارى سوماسى 5 جىلدان 7 جىلعا دەيىنگى مەرزىمگە 8 ملن تەڭگەدەن 20 ملن تەڭگەگە دەيىن ۇلعايتىلدى جانە سىياقى مولشەرلەمەسى جىلدىق 4%-عا دەيىن (بۇرىن - 6%) بولدى.

انىقتاما: 2020 جىلدان باستاپ «ەڭبەك» باعدارلاماسىنىڭ بارلىق قاتىسۋشىلارى ءۇشىن جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتىڭ بىرىڭعاي مولشەرى 200 اەك (555 600 تەڭگەگە دەيىن) مولشەرىندە بەلگىلەنگەن. اتاۋلى الەۋمەتتىك كومەك الۋشىلار قاتارىنداعى كوپ بالالى جانە از قامتىلعان وتباسى مۇشەلەرى الدىن الا وقىتۋسىز گرانتتار الۋعا قۇقىلى. 

اعىمداعى جىلدىڭ 15 ماۋسىمىنان باستاپ كاسىپكەرلىك نەگىزدەرىنە وقىتۋ باستالدى. جىل باسىنان بەرى ەڭبەككە ورنالاستىرۋعا قولداۋدى وتىنۋمەن 10 177 ادام جۇگىندى. جۇمىسسىزدىقتان الەۋمەتتىك قورعاۋ شارالارىمەن 6 مىڭنان استام ادام قامتىلدى (60،2%). بۇگىنگى كۇن enbek.kz پورتالىندا 758 جۇمىس بەرۋشىدەن 6،9 مىڭنان استام بوس جۇمىس ورنى تىركەلدى. 

سونىمەن قاتار، «جانۇيا» وتباسى ينستيتۋتىن قولداۋ ورتالىعىندا ەلىمىزدىڭ ەڭبەك كۇشى تاپشى وڭىرلەرىن جۇمىس كۇشىمەن قامتاماسىز ەتۋ ماقساتىندا ازاماتتاردى كوشىرۋ بويىنشا بوس ورىندار جارمەڭكەسى ءوتتى. جۇمىس جانە بوس جۇمىس ورىندارىن  سولتۇستىك قازاقستان، شىعىس قازاقستان، قوستاناي، پاۆلودار جانە قاراعاندى وبلىسىنىڭ  وكىلدەرى ۇسىندى. 5 مىڭنان استام بوس جۇمىس ورنى ۇسىنىلدى، ولاردىڭ ىشىندە دارىگەر، مەدبيكە، مۇعالىمدەر، اگرونوم جانە ت. ب. ءتارىزدى اسا سۇرانىسقا يە ماماندىقتار بار. 

استانا ەكونوميكاسىنىڭ نەگىزگى سەكتورلارىندا ساپالى جاڭا جۇمىس ورىندارىن قۇرۋ ماقساتىندا ءتيىستى مەملەكەتتىك ورگانداردىڭ قۇرامىندا مەملەكەتتىك، ۇكىمەتتىك جانە سالالىق باعدارلامالاردى ىسكە اسىرۋ سالاسىندا، سونداي-اق كاسىپكەرلىك جانە ونەركاسىپ سالاسىندا جاڭا جۇمىس ورىندارىن قۇرۋ جونىندەگى جۇمىس توپتارى جۇمىس ىستەيدى.

جىل باسىنان بەرى 12 104 جۇمىس ورنى قۇرىلدى (جىلدىق جوسپار 26 800)، ونىڭ ىشىندە 6 219 تۇراقتى جانە 5 885 ۋاقىتشا جۇمىس ورنى (شاعىن بيزنەس سالاسىندا – 3 796 ورىن). سونىمەن قاتار، جۇمىسپەن قامتۋ 2020 جول كارتاسىن ىسكە اسىرۋ اياسىندا ينفراقۇرىلىمدىق جوبالاردا 15 مىڭنان استام جاڭا جۇمىس ورنىن اشۋ كوزدەلگەن، ونىڭ ىشىندە 50% جۇمىسپەن قامتۋ ورتالىعى ارقىلى جۇمىسقا ورنالاسۋ ءۇشىن قاراستىرىلعان.

اعىمداعى جىلدىڭ 1 شىلدەسىندەگى جاعداي بويىنشا 4 206 جاڭا جۇمىس ورنى قۇرىلدى، جۇمىسپەن قامتۋ ورتالىعى ارقىلى 3 256 ادام جۇمىسقا ورنالاستىرىلدى.

 

الماتى قالاسى

«ەڭبەك» ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ اياسىندا شاعىن كرەديت بەرۋ بولىگىندە 2020 جىلدىڭ جالپى بيۋدجەتى 2 ملرد تەڭگەنى قۇرايدى. شاعىن بيزنەستى ءىشىنارا كەپىلدەندىرۋگە 101 353 مىڭ تەڭگە قاراستىرىلعان. 545 جۇمىس ورنىن قۇرۋمەن 140 جوبانى قارجىلاندىرۋ جوسپارلانۋدا. قازىرگى ۋاقىتتا جالپى قۇنى 359 ملن تەڭگەگە 22 جوبا قارجىلاندىرىلدى.

سونىمەن قاتار، كەپىلدىك بەرۋ قۇرالى بويىنشا جىل باسىنان بەرى 66 ملن تەڭگە سوماسىنا 7 جوبا ماقۇلداندى. قارجىنى يگەرۋ بويىنشا الماتى قالاسى رەسپۋبليكا بويىنشا 3 ورىن الىپ وتىر، مۇندا 359 ملن تەڭگەگە 22 جوبا ىسكە اسىرىلعان. جوبالار بويىنشا 140 جاڭا تۇراقتى جۇمىس ورنى قۇرىلدى.

 

شىمكەنت قالاسى

2020 جىلى وڭىردە 33 449 ادامدى جۇمىسپەن قامتۋ شارالارىنا قاتىستىرۋ جوسپارلانىپ، اعىمداعى جىلدىڭ 1 شىلدەسىنە 17 205 ادام جۇمىسپەن قامتۋ شارالارىنا قاتىسقان (51،4%). بولىنگەن قارجىنىڭ 2 212 835 مىڭ تەڭگەسى يگەرىلگەن (28،3%).

باعدارلامانىڭ ءبىرىنشى باعىتى شەڭبەرىندە 3 196 ادامدى وقۋعا جولداۋ جوسپارلانعان، ونىڭ ىشىندە كاسىپتىك ءبىلىمى جوق، وقۋ ورىندارىنا تۇسپەگەن 1 196 ادامدى (9-11 سىنىپ بىتىرۋشىلەر) تەحنيكالىق جانە كاسىپتىك ءبىلىمى بار كادرلاردى دايارلاۋعا جولداۋ جوسپارلانعان (وقۋ مەرزىمى ورتا ەسەپپەن 2 جىل 5 اي). وقۋ 2020 جىلدىڭ قىركۇيەك ايىندا باستالادى.

2 000 ادامدى قىسقا مەرزىمدى كاسىپتىك وقىتۋعا جوسپارلانعان، ناقتى 32 ءبىلىم بەرۋ ۇيىمىنا 21 ماماندىق بويىنشا جولداندى. ونىڭ ىشىندە 1 010 ادام 9 وقۋ ورنىنا جۇمىس بەرۋشىلەردىڭ سۇرانىسىنا سايكەس، 990 ادام 23 وقۋ ورتالىعىنا وقۋ ۆاۋچەرى بويىنشا وقىتىلادى. 

ەكىنشى باعىت بويىنشا جالپى 3 421 ادام قامتاماسىز ەتۋ جوسپارلاندى، ناقتى 3 553 ادام قامتىلدى (103،5%)، ونىڭ ىشىندە 1 850 ادام «باستاۋ بيزنەس» جوباسى بويىنشا كاسىپكەرلىك نەگىزدەرگە وقىتىلادى. 1 491 ادامعا گرانت بەرۋ كوزدەلگەن، ناقتى 1 004 ادامعا (67،3%) مەملەكەتتىك گرانت بەرىلگەن. 

ءۇشىنشى باعىت بويىنشا 26 832 ادامعا جۇمىسپەن قامتۋ شارالارىن كورسەتۋ جوسپارلانىپ، ونىڭ ىشىندە: 15 000 ادام بوس جۇمىس ورىندارىنا جۇمىسقا ورنالاستىرۋ جوسپارلانعان، ناقتى 5 045 ادام جۇمىسقا ورنالاستى (34%)، ونىڭ ىشىندە 5 045 تۇراقتى جۇمىس ورنى. سونىمەن قاتار 2807 ادام جاڭا جۇمىس ورىندارىنا ورنالاستىرىلادى، ناقتى 1 549 ادام جۇمىسقا ورنالاستى. 250 ادامدى الەۋمەتتىك جۇمىس ورىندارىنا ورنالاستىرۋ كوزدەلگەن، ناقتى 258 ادام جۇمىسقا ورنالاستى. 3 042 ادامدى جاستار پراكتيكاسىمەن قامتۋ جوسپارلانعان. 

5 733 ادام جوسپار اقىلى قوعامدىق جۇمىستارعا جولداناتىن بولادى، ناقتى 3091 ادام جولداندى. مەملەكەتتىك جانە سالالىق باعدارلامالار نەگىزىندە 15 115 جاڭا جۇمىس ورنىن اشۋ جوسپارلانۋدا. ونىڭ ىشىندە 11438 - تۇراقتى جۇمىس ورىندارى (75،6%). جۇمىسپەن قامتۋ ورتالىقتارى ارقىلى 2807 ادامدى جۇمىسقا ورنالاستىرۋ كوزدەلگەن.

2020 جىلدىڭ 1 شىلدەسىنە 7131 جۇمىس ورنى اشىلدى، ونىڭ 5793-ءى نەمەسە 81،2% — تۇراقتى جۇمىس ورىندارى جانە 1338-ءى نەمەسە 18،8% — ۋاقىتشا جۇمىس ورىندارى.

جۇمىسپەن قامتۋ ورتالىقتارى ارقىلى 1549 ادام جۇمىسقا ورنالاسقان.

 

اقمولا وبلىسى

اعىمداعى جىلى «ەڭبەك» مەملەكەتتىك باعدارلاماسى اياسىندا جۇمىسسىز جانە ءوزىن-ءوزى جۇمىسپەن قامتىعاندار قاتارىنان 9 490 ادامدى قامتۋ جوسپارلانعان. 1 شىلدەدەگى مالىمەت بويىنشا 4808 ادام نەمەسە 50،7% قامتىلعان.

ءبىرىنشى باعىت تەحنيكالىق، كاسىپتىك بىلىممەن جانە قىسقا مەرزىمدى كاسىپتىك وقىتۋمەن قامتاماسىز ەتۋدى كوزدەيدى. بارلىعى 1 855 ادامدى وقىتۋمەن قامتۋ جوسپارلانعان، ونىڭ ىشىندە

  • اعىمداعى جىلدىڭ 1 قىركۇيەگىنەن باستاپ تجكب بازاسىندا 9-11 سىنىپتاردىڭ 1190 تۇلەگى وقۋعا كىرىسەدى; 
  • اعىمداعى جىلعى 1 شىلدەدەگى جاعداي بويىنشا 357 ادام نەمەسە 53،7% قىسقا مەرزىمدى كاسىپتىك وقۋمەن قامتىلدى.

ەكىنشى باعىت جاپپاي كاسىپكەرلىكتى دامىتۋدى كوزدەيدى. 

  • اعىمداعى جىلى 3 461،3 ملن تەڭگە سوماسىنا 803 شاعىن نەسيە بەرۋ جوسپارلانۋدا، ونىڭ ىشىندە اۋىلدىق جەرلەردە 2961،3 ملن تەڭگە سوماسىنا 773 شاعىن نەسيە جانە قالالاردا 500 ملن تەڭگە سوماسىنا 30 شاعىن نەسيە بەرۋ جوسپارلانعان; 
  • 1 شىلدەدەگى جاعداي بويىنشا 1 122،4 ملن تەڭگە سوماسىنا 282 نەمەسە جوسپاردان 32،4% شاعىن نەسيە بەرىلدى; 
  • اعىمداعى جىلى «اتامەكەن» ۇكپ ارقىلى 1350 ادامدى كاسىپكەرلىك نەگىزدەرىنە وقىتۋ جوسپارلانۋدا. ءبىرىنشى تولقىنعا 713 ادام قاتىستى
  • اعىمداعى جىلى 339،3 ملن تەڭگە سوماسىنا 640 گرانت بەرۋ جوسپارلانعان; 
  • اعىمداعى جىلدىڭ 1 شىلدەسىندەگى جاعداي بويىنشا 93،1 ملن تەڭگە سوماسىنا 172 گرانت بەرىلدى.  

ءۇشىنشى باعىت حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ جونىندەگى شارالاردى كوزدەيدى. 

اعىمداعى جىلدىڭ 1 شىلدەسىنە جۇمىسپەن قامتۋدىڭ بەلسەندى شارالارىمەن 3019 ازامات نەمەسە جوسپارعا 65،8% قامتىلعان. ءبىر جىلعا جوسپار 4584 ادامدى قۇرايدى، ونىڭ ىشىندە قامتىلدى:

  • جاستار پراكتيكاسىمەن 229 ادام نەمەسە جىلدىق جوسپارعا 24،4%-ى — 938 ادام;
  • الەۋمەتتىك جۇمىس ورىندارىمەن 412 ادام نەمەسە جىلدىق جوسپارعا 88،4% — 466 ادام.
  • قوعامدىق جۇمىستارمەن 2378 ادام نەمەسە جىلدىق جوسپارعا 74،8% — 3180 ادام.

2020 جىلعا وبلىستا 15 612 جۇمىس ورنىن قۇرۋ جوسپارلانعان، ونىڭ ىشىندە 7 170 جۇمىس ورنى — تۇراقتى. اعىمداعى جىلدىڭ 6 ايىنىڭ قورىتىندىسى بويىنشا وبلىستا 9 446 جاڭا جۇمىس ورنى نەمەسە جىلدىق جوسپاردىڭ 60،5% اشىلدى. ونىڭ ىشىندە تۇراقتى 2145 جۇمىس ورنى نەمەسە جىلدىق جوسپاردىڭ 29،9% قامتىلعان. 

ايماقتىڭ جۇمىسپەن قامتۋ جول كارتاسى اياسىندا 45 ملرد تەڭگە ءبولىندى، ونىڭ 32،5 ملرد تەڭگەسى جەرگىلىكتى اتقارۋشى ورگانداردىڭ وبليگاتسيالارىن شىعارۋ جانە 12،5 ملرد تەڭگەسى 11 252 جۇمىس ورنىن قۇرۋمەن اعىمداعى نىسانالى ترانسفەرتتەر ەسەبىنەن، ونىڭ ىشىندە 5 626-ى حالىقتى جۇمىسپەن قامتۋ ورتالىقتارى ارقىلى. 

اعىمداعى جىلعى 26 ماۋسىمداعى جاعداي بويىنشا 324 جوبا بويىنشا كەلىسىمشارت جاسالدى، 312 وبەكتىدە جۇمىس باستالدى. 6405 جۇمىس ورنى قۇرىلدى، ونىڭ 3244 جۇمىسپەن قامتۋ ورتالىقتارى ارقىلى، بۇل جوسپارلى كورسەتكىشكە 60،9% قۇرايدى. باستالعان 312 جوبانىڭ 22 نىسانىندا جۇمىس اياقتالدى.

 

الماتى وبلىسى

اعىمداعى جىلى وبلىس بويىنشا 46 116 جاڭا جۇمىس ورنىن اشۋ جوسپارلانعان. اعىمداعى جىلدىڭ 1 شىلدەسىنە جاڭا كاسىپورىنداردى اشۋ، شاعىن بيزنەستى دامىتۋ ەسەبىنەن 28 645 جۇمىس ورنى اشىلدى، ونىڭ ىشىندە 11 092 تۇراقتى جۇمىس ورنى بولدى. 

بيىل «ەڭبەك» مەملەكەتتىك باعدارلاماسىن جۇزەگە اسىرۋ ءۇشىن 18،2 ملرد تەڭگە ءبولىندى.

ءبىرىنشى باعىت بويىنشا كاسىپتىك وقىتۋعا 4040 ادامعا 2281،1 ملن تەڭگە ءبولىندى. ونىڭ ىشىندە تەگىن كاسىپتىك تەحنيكالىق ءبىلىم الۋعا 1535 ادامعا 1703 ملن تەڭگە، قىسقا مەرزىمدى كاسىپتىك ءبىلىم الۋعا 2505 ادامعا 578،1 ملن تەڭگە قاراستىرىلعان. اعىمداعى جىلدىڭ 1 شىلدەسىنە قىسقا مەرزىمدى وقىتۋعا 881 ادام جىبەرىلدى.

ەكىنشى باعىت بويىنشا 5695،6 ملن تەڭگە ءبولىندى. ونىڭ ىشىندە 1094 الەۋەتتى قاتىسۋشىعا شاعىن نەسيە بەرۋگە 4791،3 ملن تەڭگە، قالالار مەن اۋىلداردا شاعىن نەسيەلەرگە كەپىلدىك بەرۋگە 90 ملن تەڭگە، شاعىن قارجى ۇيىمدارىنىڭ وپەراتسيالىق شىعىندارىن سۋبسيديالاۋعا 10 ملن تەڭگە باعىتتالدى.

بۇگىنگى كۇنى اۋىلداردا 857،6 ملن تەڭگە سوماسىنا 210 شاعىن نەسيە بەرىلدى، قالالاردا 2019 جىلعى قاراجات ەسەبىنەن 97،5 ملن تەڭگە سوماسىنا 9 ادام شاعىن نەسيە الدى. 

«باستاۋ بيزنەس» جوباسى بويىنشا 2900 ادامدى كاسىپكەرلىك نەگىزدەرىنە وقىتۋ جوسپارلانعان، بۇگىنگى كۇنى 1217 ادام جىبەرىلدى. سونداي-اق، 1645 ادامعا جالپى سوماسى 804،3 ملن تەڭگەگە جاڭا بيزنەس-يدەيالاردى دامىتۋعا مەملەكەتتىك گرانتتار بەرۋ جوسپارلانعان. بۇگىنگى كۇنى 247،4 ملن تەڭگە سوماسىنا 462 گرانت بەرىلدى.

ءۇشىنشى باعىت بويىنشا 10،2 ملرد تەڭگە ءبولىندى. ونىڭ ىشىندە الەۋمەتتىك جۇمىس ورىندارىنا 1078 ادامعا 240،7 ملن تەڭگە ءبولىندى، اعىمداعى جىلدىڭ 1 شىلدەسىندەگا مالىمە بويىنشا 1181 ادام باعىتتالدى، جاستار تاجىريبەسىنە 1912 تۇلەك ءۇشىن 760،3 ملن تەڭگە باعىتتالدى، 780 تۇلەك جىبەرىلدى، قوعامدىق جۇمىستارعا 27774 ادام ءۇشىن 9173 ملن تەڭگە باعىتتالدى، 13633 جۇمىسسىز ازامات جۇمىسقا ورنالاستىرىلدى.

 

پاۆلودار وبلىسى

«ەڭبەك» مەملەكەتتىك باعدارلاماسىن جۇزەگە اسىرۋعا 11 ملرد تەڭگە ءبولىندى. اعىمداعى جىلدىڭ 1 شىلدەسىندەگى مالىمەت بويىنشا بولىنگەن قاراجاتتىڭ يگەرىلۋى 3،7 ملرد تەڭگەنى قۇرادى. اعىمداعى جىلدىڭ باسىنان بەرى باعدارلاماعا 12 230 ادام قاتىستى، ونىڭ ىشىندە جۇمىسسىزدار - 6817 ادام (55،7%)، ءوزىن-ءوزى جۇمىسپەن قامتىعاندار - 2125 ادام (17،4%).

باعدارلامانىڭ ءبىرىنشى باعىتىن ىسكە اسىرۋ شەڭبەرىندە جۇمىس بەرۋشىلەردىڭ وتىنىمدەرى جانە ەڭبەك نارىعىندا سۇرانىسقا يە بىلىكتىلىك پەن داعدىلار بويىنشا قىسقا مەرزىمدى كاسىپتىك وقىتۋ جۇرگىزىلەدى. ماسەلەن، اعىمداعى جىلى 363 جۇمىسسىز ازامات ءۇشىن 17 بىلىكتىلىك بويىنشا كاسىپتىك وقىتۋ ۇيىمداستىرىلدى. وقىتۋعا ۆاۋچەر ۇسىنۋ ارقىلى جۇمىسشى ماماندىعىن ءوز بەتىنشە الۋ تەتىگى ەنگىزىلدى. ءوز بەتىنشە كاسىپتىك وقىتۋ ءۇشىن بىلىكتىلىكتى تاڭداۋ ەكونوميكانى دامىتۋ ءۇشىن قاجەتتى 100 سۇرانىسقا يە سەرۆيستىك جانە يندۋستريالىق كاسىپتەر تىزبەسىنەن جۇزەگە اسىرىلادى. ءوز بەتىنشە كاسىپتىك وقىتۋ ءۇشىن بىلىكتىلىكتى تاڭداۋ ەكونوميكانى دامىتۋ ءۇشىن قاجەتتى 100 سۇرانىسقا يە سەرۆيستىك جانە يندۋستريالىق كاسىپتەر تىزبەسىنەن جۇزەگە اسىرىلادى. بۇل قۇقىقتى 79 ادام پايدالاندى، ولار ەلەكترومونتەر، كران ءماشينيستى، اسپاز، تىگىنشى، ءپىشۋشى سياقتى ماماندىقتاردى يگەرەدى. قىسقا مەرزىمدى وقۋدى 35 ادام اياقتاپ، بارلىعى جۇمىسقا ورنالاستى.

اعىمداعى جىلدىڭ 1 قىركۇيەگىنەن باستاپ تەحنيكالىق جانە كاسىپتىك ءبىلىمى بار 600 ادامدى كادرلىق دايارلاۋ جوسپارلانعان. 2017-2019 جىلدارى وقۋعا جىبەرىلگەندەردىڭ ىشىنەن 2110 ادام وقۋىن جالعاستىرۋدا. اعىمداعى جىلدىڭ ماۋسىم ايىندا 531 ادام وقۋدى اياقتادى، ونىڭ 69 نەمەسە 13% جۇمىسقا ورنالاستىرىلدى.

باعدارلامانىڭ ەكىنشى باعىتى بويىنشا «باستاۋ – بيزنەس» جوباسى اياسىندا 722 ادام كاسىپكەرلىك نەگىزدەرىنە وقىتۋمەن قامتىلعان. جالپى اۋىل تۇرعىندارىنا 164 شاعىن نەسيە (جوسپاردان 31،7%) بەرىلدى، ونىڭ ىشىندە 109 شاعىن نەسيە (66،5%) Start-up جوبالاردى قولداۋعا، 55 شاعىن نەسيە (33،5%) جەكە ءىسىن كەڭەيتۋ ءۇشىن بەرىلدى. 

قالالاردا شاعىن نەسيەلەۋ اعىمداعى جىلدىڭ تامىز ايىندا «اۋىل شارۋاشىلىعىن قارجىلاي قولداۋ قورى» اق ارقىلى باستالادى. سونداي-اق، كاسىپكەرلىك الەۋەتتى دامىتۋ ءۇشىن باعدارلاماعا قاتىسۋشىلارعا جاڭا بيزنەس-يدەيالاردى دامىتۋعا 364 مەملەكەتتىك گرانت بەرىلدى، ونىڭ ىشىندە 127 گرانت تەحنولوگيالىق جابدىقتار ساتىپ الۋعا، 45 گرانت ينۆەنتار مەن ەڭبەك قۇرالدارىن ساتىپ الۋعا، 19 گرانت مال شارۋاشىلىعىن دامىتۋعا بەرىلدى

گرانتتاردىڭ نەگىزگى كولەمىن كوپ بالالى جانە از قامتىلعان وتباسىلار - 90 ادام (70،9%)، مۇمكىندىگى شەكتەۋلى ادامدار - 12 ادام جانە جاستار - 48 ادام الدى.

بارلىعى 11369 ادام جۇمىسقا ورنالاستىرىلدى، ونىڭ ىشىندە  7053 ادام نەمەسە 62% تۇراقتى جۇمىس ورىندارىنا ورنالاستىرىلدى. حالىقتى جۇمىسپەن قامتۋ ورتالىقتارىنا ءوتىنىش بىلدىرگەندەردىڭ ىشىنەن جۇمىسقا ورنالاسقان ازاماتتاردىڭ ۇلەسى 91،6% قۇرايدى. جۇمىسقا ورنالاستىرىلعان ازاماتتاردىڭ جالپى سانىنان 7734 ادامنىڭ نەمەسە 68%-نىڭ مىندەتتى زەينەتاقى اۋدارىمدارى بار (2019 جىل كەزەڭىندە — 6757 ادامنىڭ نەمەسە 61،9%).

الەۋمەتتىك جۇمىس ورىندارىنا جۇمىسقا ورنالاستىرۋ بويىنشا ينديكاتورلاردىڭ ورىندالۋى 64،6%، جاستار پراكتيكاسىنا - 13،9% جانە قوعامدىق جۇمىستارعا - 49،9% قۇرادى.

ۋاقىتشا جۇمىستارعا قاتىسۋ اياقتالعاننان كەيىن ازاماتتاردى تۇراقتى جۇمىس ورىندارىنا ورنالاستىرۋ بويىنشا شارالار قابىلدانادى. وسىلايشا، الەۋمەتتىك جۇمىس ورىندارىنا قاتىسقاننان كەيىن 119 ادام نەمەسە اياقتاعانداردىڭ جالپى سانىنىڭ 64% تۇراقتى جۇمىس الدى. جاستار پراكتيكاسىنان وتكەن 32 ادام (86،5%) تۇراقتى جۇمىسپەن قامتىلدى. قوعامدىق جۇمىستارعا 807 ادام قاتىستى، ونىڭ ىشىندە 224 (27،8%) تۇراقتى جۇمىسپەن قامتىلدى. 

بۇدان باسقا، ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى كوپ وڭتۇستىك وڭىرلەردەن 115 وتباسى نەمەسە 524 ادام كوشىرىلدى (كۆوتانىڭ 22،5%-ى، 2325 ادام، 578 وتباسى). قونىس اۋدارۋشىلاردىڭ ىشىندە 224 ادام نەمەسە جۇمىسقا قابىلەتتى جاستاعىلارىنىڭ 77،2% جۇمىسقا ورنالاستىرىلدى. جۇمىسقا ورنالاستىرۋدى قامتاماسىز ەتۋ ماقساتىندا جاڭا جۇمىس ورىندارىن قۇرۋ بويىنشا جۇمىستار جۇرگىزىلۋدە.

اعىمداعى جىلدىڭ باسىنان بەرى وبلىس بويىنشا 12 761 جاڭا جۇمىس ورنى قۇرىلدى، ونىڭ ىشىندە 5679 جۇمىس ورنى اۋىلدىق جەرلەردە قۇرىلدى. بۇل رەتتە، 47،2% (6021 جۇمىس ورنى) تۇراقتى جۇمىس ورنى بولىپ وتىر. جاڭا جۇمىس ورىندارىنىڭ نەگىزگى ۇلەسى جەكە باستامالارعا  – 59% (7541 جۇمىس ورنى) جانە «ەڭبەك» باعدارلاماسىنا - 33،8% (4317) تيەسىلى. 

جۇمىسپەن قامتۋعا جاردەمدەسۋ بويىنشا مەملەكەتتىك قولداۋ شارالارىن ىسكە اسىرۋ ناتيجەسىندە جۇمىسپەن قامتۋدىڭ بەلسەندى شارالارىمەن قامتىلعاندار سانى 13 076 ادامدى قۇرايدى (2019 جىلدىڭ 1 شىلدەسىندەگى مالىمەت بويىنشا -13 554 ادام).

توتەنشە جاعداي كەزىندە ازاماتتار مەن ەكونوميكانى قولداۋ ماقساتىندا 2020-2021 جىلدارعا ارنالعان جۇمىسپەن قامتۋدىڭ جول كارتاسى شەڭبەرىندە پاۆلودار وبلىسىنىڭ رەسپۋبليكالىق بيۋدجەتىنەن 12،3 مىڭنان استام جۇمىس ورنىن قۇرۋمەن 221 ينفراقۇرىلىمدىق جوبانى ىسكە اسىرۋعا 43،2 ملرد تەڭگە ءبولىندى، ونىڭ ىشىندە 403 تۇراقتى جۇمىس ورنى قۇرىلدى.

بۇگىنگى كۇنى قۇرىلىس-جوندەۋ جۇمىستارى 210 ينفراقۇرىلىمدىق جوبالاردا جۇرگىزىلۋدە، ونىڭ ىشىندە جەتى جوبادا جۇمىس اياقتالدى. بارلىعى 10 883 ادام جۇمىسقا ورنالاستىرىلدى، ونىڭ ىشىندە 5842 ادام حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستى. 2020 جىلعى 1 توقساننىڭ قورىتىندىسى بويىنشا جۇمىسسىزدىق دەڭگەيى 4،7% قۇرادى، بۇل 2019 جىلعى كورسەتكىشتەن 0،1% تومەن، جاستار اراسىنداعى جۇمىسسىزدىق دەڭگەيى (15-28 جاس ارالىعىندا) 0،6%-عا تومەندەپ، 3%-دى قۇرادى.

 

قوستاناي وبلىسى

«ەڭبەك» مەملەكەتتىك باعدارلاماسى اياسىندا اعىمداعى جىلى 9،2 ملرد تەڭگە قاراستىرىلعان. حالىقتى جۇمىسپەن قامتۋعا جاردەمدەسۋدىڭ كەشەندى جوسپارى شەڭبەرىندە جۇمىسپەن قامتۋدى قامتاماسىز ەتۋ جونىندەگى شارالارمەن 30،8 مىڭ ادامدى قامتۋ جوسپارلانۋدا. 

باعدارلامانىڭ ءبىرىنشى باعىتى بويىنشا كاسىپتىك وقىتۋعا 1328 ادامدى، ونىڭ ىشىندە تەحنيكالىق جانە كاسىپتىك ءبىلىمى بار كادرلاردى دايارلاۋعا 950 ادامدى (ا.ج. 1 قىركۇيەكتەن باستاپ)، قىسقا مەرزىمدى وقىتۋعا 378 ادامدى جىبەرۋ جوسپارلانۋدا. قازىرگى ۋاقىتتا ەڭبەك نارىعىندا سۇرانىسقا يە ماماندىقتار بويىنشا 190 ادام قىسقا مەرزىمدى وقىتۋ كۋرستارىنان وتۋدە. 

باعدارلامانىڭ ەكىنشى باعىتى بويىنشا كاسىپكەرلىك باستامالاردى قولداۋ اياسىندا 2،5 ملرد تەڭگە سوماسىنا 584 شاعىن نەسيە بەرۋ قاراستىرىلعان. بۇگىنگى كۇنى 1128،7 ملن تەڭگە سوماسىنا 279 شاعىن نەسيە بەرىلدى.

اۋىلدىق جەرلەردە شاعىن نەسيەلەۋگە 2013،7 ملن تەڭگە ءبولىندى. قارجى ينستيتۋتتارىندا بۇگىنگى كۇنى 1297،3 ملن تەڭگە سوماسىنا 330 ءوتىنىم قابىلداندى نەمەسە 64%، ونىڭ ىشىندە 1012،9 ملن تەڭگە سوماسىنا 267 ءوتىنىم بەرىلدى. 

باعدارلاما اياسىندا 239 جاڭا جۇمىس ورنى، 74 ستارتاپ جوبا اشىلدى. قۇرىلعان 239 جۇمىس ورنىنىڭ 100 (42%) جۇمىس ورنى اۋىل شارۋاشىلىعى مالىن وسىرۋگە، ال قالعان 139 (58%) قىزمەت كورسەتۋگە جانە باسقا دا قىزمەت تۇرلەرىنە (كولىك، قوناق ءۇي، قۇرىلىس، ساۋدا جانە باسقا) جىبەرىلدى. قۇرىلعان 74 ستارتاپتىڭ 58-ءى (78%) اۋىل شارۋاشىلىعى مالىن ءوسىرۋ بويىنشا مامانداندىرىلادى.

قالالاردا شاعىن نەسيەلەندىرۋگە 542،1 ملن تەڭگە قاراستىرىلعان. اعىمداعى جىلعى 1 شىلدەدەگى جاعداي بويىنشا وبلىس قالالارىنىڭ كاسىپكەرلەرىنە 115،8 ملن تەڭگە سوماسىنا 12 شاعىن نەسيە بەرىلدى. جالپى، اعىمداعى جىلدىڭ ءبىرىنشى جارتىجىلدىعىندا شاعىن نەسيە الۋشىلار قالالاردا 18 تۇراقتى جۇمىس ورنىن قۇردى، سونداي-اق قولدانىستاعى 50-گە جۋىق جۇمىس ورنى ساقتالدى.

سونىمەن قاتار، كاسىپكەرلىكتى دامىتۋدى قولداۋ بويىنشا ءىس-شارالار اياسىندا جاڭا بيزنەس-يدەيالاردى ىسكە اسىرۋعا 200 اەك كولەمىندە 125 گرانت بەرىلدى. «باستاۋ بيزنەس»  جوباسى بويىنشا كاسىپكەرلىك نەگىزدەرىنە وقىتۋعا 535 ادام جىبەرىلدى.

باعدارلامانىڭ ءۇشىنشى باعىتى بويىنشا جوسپار بويىنشا 27،9 مىڭ ادام بولسا، 9،4 مىڭ ادام جۇمىسقا ورنالاستىرىلدى، ونىڭ ىشىندە الەۋمەتتىك جۇمىس ورىندارىنا، جاستار تاجىريبەسىنە، قوعامدىق جۇمىستارعا 3120 ادام جىبەرىلدى، اعىمداعى بوس جۇمىس ورىندارىنا 6،3 مىڭ ادام جۇمىسقا ورنالاستىرىلدى. 

ەڭبەك رەسۋرستارىنىڭ موبيلدىلىگى شەڭبەرىندە جۇمىس كۇشى ارتىق وبلىستاردان 500 قونىس اۋدارۋشىعا جانە 350 ورالمانعا ەرىكتى تۇردە قونىس اۋدارۋعا جاردەم كورسەتۋ كوزدەلگەن. قازىرگى ۋاقىتتا وڭىرلىك كۆوتاعا 532 ادام ەنگىزىلگەن، ونىڭ ىشىندە 180 ورالمان جانە 352 قونىس اۋدارۋشى بار. جالپى العاندا، حالىقتى جۇمىسپەن قامتۋعا جاردەمدەسۋدىڭ كەشەندى جوسپارى شەڭبەرىندە جۇمىسپەن قامتۋ جونىندەگى ءىس-شارالارعا 10 513 ادام تارتىلدى.

باعدارلامانىڭ ءتورتىنشى باعىتى شەڭبەرىندە «جاس مامان» جوباسىن ىسكە اسىرۋ بويىنشا جۇمىستار جۇرگىزىلۋدە، ول ەلىمىزدىڭ ەكى ءجۇز وقۋ ورنىن زاماناۋي جابدىقتارمەن جابدىقتاۋ جانە شەتەلدىك مامانداردى تارتۋ ارقىلى جاڭعىرتۋدى كوزدەيدى.  

قر ءبىلىم جانە عىلىم مينيسترلىگى وبلىستىڭ 10 كوللەدجىنىڭ ءتىزىمىن بەكىتتى. جوبا كەزەڭ-كەزەڭمەن ىسكە اسىرىلاتىن بولادى: 2020 جىلى 3 كوللەدج (قوستاناي پوليتەحنيكالىق جوعارى كوللەدجى، اۆتوموبيل كولىگى كوللەدجى، قوستاناي قۇرىلىس كوللەدجى) جانە 2021 جىلى 7 كوللەدج قامتىلادى. 

ءبىرىنشى كەزەڭدە رەسپۋبليكالىق بيۋدجەتتەن 969،9 ملن تەڭگە كولەمىندە، جەرگىلىكتى بيۋدجەتتەن 51 ملن تەڭگە قارجى ءبولىندى. بۇگىنگى كۇنى كونكۋرستىق راسىمدەر جۇرگىزىلۋدە. 

جۇمىسپەن قامتۋدىڭ جول كارتاسى اياسىندا اعىمداعى جىلى جالپى سوماسى 53،7 ملرد تەڭگەگە الەۋمەتتىك-مادەني سالا، تۇرعىن ءۇي-كوممۋنالدىق شارۋاشىلىعى، ينجەنەرلىك-كولىكتىك ينفراقۇرىلىمى نىساندارىن جوندەۋ، قايتا جاڭارتۋ، ەلدى مەكەندەردى اباتتاندىرۋ بويىنشا 275 ينفراقۇرىلىمدىق جوبانى ىسكە اسىرۋ قاراستىرىلعان. 

اتالعان جوبالاردى ىسكە اسىرۋ 13 435 جاڭا جۇمىس ورنىن اشۋعا مۇمكىندىك بەرەدى، ولارعا جۇمىسپەن قامتۋ ورتالىقتارىنىڭ جولداماسى بويىنشا 6718 جۇمىسسىز ازامات جۇمىسقا ورنالاسادى. جۇمىس اياقتالعاننان كەيىن 414 تۇراقتى جۇمىس ورنىن قۇرۋ جوسپارلانۋدا. 

بۇگىنگى كۇنى 236 جوبانى ىسكە اسىرۋ باستالدى، ولاردى ىسكە اسىرۋ بارىسىندا 5 639 جۇمىس ورنى قۇرىلدى، جۇمىسپەن قامتۋ ورتالىقتارىنىڭ جولداماسى بويىنشا 3125 ادام جۇمىسقا ورنالاستىرىلدى.

2020 جىلى وبلىستا 33 مىڭنان استام جۇمىس ورنىن قۇرۋ كوزدەلگەن، ونىڭ ىشىندە مەملەكەتتىك باعدارلامالار، وڭىرلەردى دامىتۋ باعدارلامالارى، جەكە باستامالار شەڭبەرىندەگى جوبالاردا 8،6 مىڭ جۇمىس ورنى، جۇمىسپەن قامتۋ جول كارتاسى شەڭبەرىندە – 13،4 مىڭ جۇمىس ورنى قۇرىلدى. اعىمداعى جىلدىڭ 6 ايىندا ءىس جۇزىندە 8،5 مىڭ جۇمىس ورنى قۇرىلدى، ونىڭ ىشىندە 5،3 مىڭى تۇراقتى جۇمىس ورنى بولدى. 

 

قاراعاندى وبلىسى

جۇمىسپەن قامتۋعا جاردەمدەسۋ شارالارىن كورسەتۋ ءۇشىن «ەڭبەك» مەملەكەتتىك باعدارلاماسىنىڭ بارلىق الەۋەتى پايدالانىلادى، ونىڭ شەڭبەرىندە داعدارىسقا قارسى شارالارعا قوسىمشا بولىنگەن قاراجاتتى ەسكەرە وتىرىپ، 43 مىڭنان استام ادامدى قامتۋ جوسپارلانۋدا: قوعامدىق جۇمىستارعا 1،319 ملرد تەڭگە (3880 ادام)، جاستار پراكتيكاسىنا 0،13 ملرد تەڭگە (327 ادام)، مەملەكەتتىك گرانتتارعا بيزنەس-يدەيالاردى ىسكە اسىرۋعا 0،075 ملرد تەڭگە (141 ادام) قاراستىرىلعان. 

جەدەل دەرەكتەر بويىنشا جىل باسىنان بەرى باعدارلاما شەڭبەرىندە 22 مىڭنان استام ادام نەمەسە جوسپاردان 51% قاتىستى. 15 مىڭنان استام ادام جۇمىسقا ورنالاستىرىلدى، ونىڭ ىشىندە 10 مىڭ ادام نەمەسە جوسپاردان 33% تۇراقتى جۇمىسقا ورنالاستىرىلدى جانە بيۋدجەتتەن سۋبسيديالانعان ۋاقىتشا جۇمىس ورىندارىنا 6 مىڭنان استام ادام نەمەسە جوسپاردان 83% جۇمىسقا ورنالاستىرىلدى. ەڭبەك نارىعىنىڭ قاجەتتىلىگىن ەسكەرە وتىرىپ، تەحنيكالىق جانە كاسىپتىك ءبىلىمى بار كادرلاردى دايارلاۋعا 700 ادامدى جىبەرۋ جوسپارلانىپ وتىر

ەڭبەك نارىعىندا سۇرانىسقا يە كاسىپتەر مەن داعدىلار بويىنشا جۇمىسشى كادرلاردى قىسقا مەرزىمدى كاسىپتىك وقىتۋعا 203 ادام نەمەسە جىلدىق جوسپاردىڭ 35% جىبەرىلدى. جەدەل دەرەكتەر بويىنشا اعىمداعى جىلدىڭ 6 ايىندا 200 اەك (555،6 مىڭ تەڭگە) مولشەرىندە 420 مەملەكەتتىك گرانت نەمەسە جىلدىق جوسپاردىڭ 64% (داعدارىسقا قارسى جوسپارعا سايكەس قوسىمشا اقشالاي قاراجاتتى ەسكەرە وتىرىپ، جىلدىق جوسپار 661 ءۇشىن 350 ملن تەڭگە قاراستىرىلعان) بەرىلدى. «باستاۋ بيزنەس» جوباسى بويىنشا كاسىپكەرلىك نەگىزدەرىنە ونلاين رەجيمىندە وقىتۋعا  1500 ادام نەمەسە جىلدىق جوسپاردىڭ 83%-ى جىبەرىلدى. الەۋمەتتىك جۇمىس ورىندارىنا 594 ادام نەمەسە جىلدىق جوسپاردىڭ 109% جىبەرىلدى. داعدارىسقا قارسى جوسپارعا سايكەس قوسىمشا اقشا قاراجاتىن ەسەپكە الا وتىرىپ، جاستار تاجىريبەسىنە 491 ادام نەمەسە جىلدىق جوسپاردىڭ 42% جىبەرىلدى. قوعامدىق جۇمىستارعا 4941 ادام نەمەسە جىلدىق جوسپاردىڭ 89% جىبەرىلدى. 

بارلىق مەملەكەتتىك باعدارلامالار شەڭبەرىندە اعىمداعى جىلى 30 813 جاڭا جۇمىس ورنى قۇرىلادى. بۇگىنگى كۇنى 15882 جاڭا جۇمىس ورنى قۇرىلدى (جوسپار 30 813 نەمەسە جوسپاردان 52%)، ونىڭ 2195 — تۇراقتى جۇمىس ورنى. اعىمداعى جىلدىڭ ءبىرىنشى توقسانىندا جۇمىسسىزدىق دەڭگەيى 4،4% قۇرادى. جىل سوڭىنا كۇتىلەتىن جۇمىسسىزدىق دەڭگەيى — 5،7%.

 

تۇركىستان وبلىسى

2019 جىلى مەملەكەتتىك باعدارلاما اياسىندا 12 579 ادام وقىتۋدان ءوتتى، ونىڭ ىشىندە 7 933 ادام گرانت يەگەرى اتاندى، وڭىردەگى جۇمىسسىز حالىقتىڭ جالپى سانىنىڭ 31%-ى جۇمىسپەن قامتاماسىز ەتىلدى. باعدارلاما حالىقتىڭ ءومىر ءسۇرۋ جاعدايىن جاقسارتۋ ءۇشىن ايتارلىقتاي سەرپىن بەرەتىنىن كورسەتەدى.

2019 جىلى «جاس كاسىپكەر» جانە «باستاۋ» جوبالارى بويىنشا وڭىردەگى 7113 جۇمىسسىز ادام وقىتۋدان ءوتتى. بۇل بيزنەس-كۋرستىڭ ءاربىر ءۇشىنشى تۇلەگى ءوز ءىسىن اشا الدى. ونىڭ ىشىندە 401 تىڭداۋشى جالپى سوماسى 2،7 ملرد تەڭگەگە قارجىلاندىرۋعا يە بولسا، 6456 جوبا 3،2 ملرد تەڭگەگە گرانت الدى.

قىسقا مەرزىمدى كۋرستارعا قاتىسۋشىلار دا ءوز بيزنەسىن دامىتۋعا وتەۋسىز گرانتتار الدى. 2019 جىلدىڭ باسىنان بەرى 5 466 جۇمىسسىز ازامات قىسقا مەرزىمدى كۋرستار بويىنشا وقۋدى اياقتادى. ونىڭ ىشىندە 2775 ادام تۇراقتى جۇمىس ورىندارىنا ورنالاستىرىلدى، ال 1 477 تىڭداۋشى 745،8 ملن تەڭگە سوماسىنا گرانت الدى.

اعىمداعى جىلى قابىلدانعان كارانتيندىك شارالاردى ەسكەرە وتىرىپ، «باستاۋ» جوباسى Atameken Academy» ونلاين پلاتفورماسى ارقىلى جۇزەگە اسىرىلادى. ءبىلىم الۋشىلار ايماقتىق سيپاتتامالارى بويىنشا تۇركىستان وبلىسىنىڭ كاسىپكەرلەر پالاتاسىنىڭ 14 بيزنەس-ترەنەرى اراسىندا بولىنگەن، بۇل ترەنەرلەر ءبىلىم الۋشىلارعا بيزنەس عىلىمىنىڭ الىپپەسىن يگەرۋگە كومەكتەسىپ، ونلاين رەجيمىندە كەڭەس بەرەدى. 2020 جىلعا تۇركىستان وبلىسىندا «باستاۋ بيزنەس» جوباسى بويىنشا بەس لەكتە 3 100 تىڭداۋشىنى وقىتۋ جوسپارلانعان.

وقۋ پروتسەسى اياقتالعاننان كەيىن تىڭداۋشىلارعا قورىتىندى تەستىلەۋدەن ءوتۋ ۇسىنىلادى، وندا 15 سۇراقتان 9 سۇراققا دۇرىس جاۋاپ بەرۋ قاجەت. 

كۋرس تۇلەكتەرىنە «اتامەكەن» ۇكپ-نىڭ قولداۋى بويىنشا كەڭەسشىلەر تاراپىنان ءوز جوبالارىن دامىتۋعا ودان ءارى قولداۋ كورسەتىلەدى. ولار بيزنەس-جوبانىڭ قارجىلىق جاعدايىن انىقتاۋعا كومەكتەسەدى جانە بيزنەس-ترەنەرلەرمەن بىرگە جەكە دامۋ جوسپارىن ازىرلەيدى.

بيزنەس-ترەنەرلەر مەن وڭىرلىك پالاتالاردىڭ سۇيەمەلدەۋى ءبىلىم الۋشىلاردىڭ جوبالارىن وندىرىستىك-وتكىزۋ تىزبەگىنە ىقپالداستىرۋعا باعىتتالاتىن بولادى. بۇل جاڭا كاسىپكەرلەر ءوز ونىمدەرىن نەمەسە قىزمەتتەرىن وتكىزۋگە قاتىستى ماسەلەگە الاڭدامايتىن بولادى دەگەن ءسوز.

بۇگىنگى كۇنى جوبانىڭ بيزنەس-ترەنەرلەرى ماركەتينگتىك زەرتتەۋلەر جۇرگىزدى، ونىڭ شەڭبەرىندە ءار اۋداننىڭ ەرەكشەلىگىنە سايكەس وبلىس بويىنشا الەۋەتتى تاۋاشالار انىقتالدى، سونداي-اق «باستاۋ» جوباسىنىڭ تۇلەكتەرىمەن ودان ءارى ىنتىماقتاستىق ءۇشىن 50-دەن استام كاسىپورىنمەن كەلىسسوزدەر جۇرگىزىلدى.

جوبا بويىنشا جۇمىسپەن قامتۋ ورتالىقتارى وقىتۋعا 9 مىڭنان استام جولداما بەردى. قازىر «Atameken Academy» پلاتفورماسىندا 2700-دەن استام ادام تىركەلگەن.

وبلىستا ەكونوميكالىق بەلسەندى حالىق سانى – 824،9 مىڭ ادام، ونىڭ ىشىندە جۇمىسپەن قامتىلعاندار سانى – 783،3 مىڭ ادام (39%)، ءوزىن-ءوزى جۇمىسپەن قامتىعاندار – 361،5 مىڭ ادام (45،5%)، جۇمىسسىزدار سانى 41،6 مىڭ ادامدى بولدى. جۇمىسسىزدىق دەڭگەيى 5% قۇرايدى (قر – 4،8%).

«ەڭبەك» باعدارلاماسىن ىسكە اسىرۋعا بارلىق بيۋدجەت كوزدەرىنەن 25،1 ملرد تەڭگە قارالىپ، 95 721 ادامدى جۇمىسپەن قامتۋ شارالارىنا قاتىستىرۋ جوسپارلاندى. 2020 جىلدىڭ 1 شىلدەدەگى جاعدايىمەن «ەڭبەك» باعدارلاماسى ارقىلى 34 245 ادام جۇمىسپەن قامتۋ شارالارىنا قاتىستى.

تۇركىستان وبلىسىندا 2020 جىلى مەملەكەتتىك جانە سالالىق باعدارلامالار نەگىزىندە 39 832 جاڭا جۇمىس ورنىن اشۋ جوسپارلانىپ، ونىڭ ىشىندە اشىلاتىن جاڭا جۇمىس ورىندارىندا 5 139 ادام جۇمىسپەن قامتۋ ورگاندارى ارقىلى جۇمىسقا ورنالاستىرۋ كوزدەلدى.

2020 جىلدىڭ 1 شىلدەسىنە وبلىس بويىنشا 16 059 جاڭا جۇمىس ورنى، ونىڭ ىشىندە 8814 تۇراقتى جۇمىس ورنى اشىلدى. اشىلعان جاڭا جۇمىس ورىندارىنا 1 939 ازامات جۇمىسپەن قامتۋ ورگاندارى ارقىلى جۇمىسقا ورنالاسقان.

 

باتىس قازاقستان وبلىسى

داعدارىسقا قارسى شارالار اياسىندا «جۇمىسپەن قامتۋدىڭ جول كارتاسىن» جۇزەگە اسىرۋ ءۇشىن وبلىسقا 35،5 ملرد تەڭگە ءبولىندى، 178 ينفراقۇرىلىمدىق جوبانى جۇزەگە اسىرۋ جوسپارلانۋدا، وندا 8787 جۇمىس ورنىن قۇرۋ جوسپارلانۋدا، ونىڭ ىشىندە 4393-ءى جۇمىسپەن قامتۋ ورتالىقتارى ارقىلى قۇرىلادى. سونداي-اق، جوبا ىسكە اسىرىلعاننان كەيىن 726 تۇراقتى جۇمىس ورنى اشىلادى دەپ كۇتىلۋدە.

اعىمداعى جىلدىڭ 10 شىلدەسىندەگى مالىمەت بويىنشا 166 وبەكتىدە 178 ينفراقۇرىلىمدىق جوباعا كونكۋرس جاريالاندى، 165 وبەكتىدە جۇمىس باستالدى. نىسانداردا 3810 جۇمىس ورنى اشىلدى. ونىڭ ىشىندە جۇمىسپەن قامتۋ ورتالىقتارى ارقىلى 2004 ادام جۇمىسقا ورنالاستىرىلدى. سونداي-اق، باسقا ەلدى مەكەندەردەن كەلگەن 26 قىزمەتكەرگە 2،2 ملن تەڭگە كولەمىندە كوتەرمە جاردەماقى تولەندى. قازىرگى ۋاقىتتا جۇمىسپەن قامتۋ جول كارتاسى شەڭبەرىندە جۇمىستى جانداندىرۋ ماقساتىندا جۇمىس ورىندارىن قۇرۋ بويىنشا اي سايىنعى جوسپار ازىرلەندى. «جۇمىسپەن قامتۋدىڭ جول كارتاسىنىڭ» قاعيدالارىنا سايكەس،  قۇرىلعان جۇمىس ورىندارى «جۇمىس ورىندارىن قۇرۋ  مونيتورينگىنىڭ ينتەگراتسيالانعان كارتاسى» اۆتوماتتاندىرىلعان اقپاراتتىق جۇيەسىنە ەنگىزىلۋى ءتيىس. اعىمداعى جىلدىڭ 13 شىلدەسىندەگى مالىمەت بويىنشا وبلىس بويىنشا اقپاراتتىق جۇيەگە 3654 جۇمىس ورنى ەنگىزىلدى، بۇل رەسپۋبليكا دەڭگەيىندە 7 ورىندى قۇرايدى.

«ەڭبەك» مەملەكەتتىك باعدارلاماسىن جۇزەگە اسىرۋعا وبلىستا 9 218،7 ملن تەڭگە قاراستىرىلعان. اعىمداعى جىلدىڭ 1 شىلدەسىندەگى مالىمەت بويىنشا قارجىلاندىرۋ جوسپارى بويىنشا بولىنگەن 5246،1 ملن تەڭگەدەن 5245،7 ملن تەڭگە نەمەسە 100% يگەرىلدى. اعىمداعى جىلدىڭ 1 شىلدەسىندەگى مالىمەت بويىنشا جۇمىسپەن قامتۋ ورگاندارىنا 18762 ادام ءوتىنىش ءبىلدىردى، ونىڭ ىشىندە 12359 ادام باعدارلاماعا قاتىسۋشىسى قاتارىنا ەنگىزىلدى. باعدارلاما اياسىندا 10862 ادام جۇمىسقا ورنالاستىرىلدى. 

ءبىرىنشى باعىت بويىنشا تەحنيكالىق جانە كاسىپتىك ءبىلىمى بار كادرلاردى دايارلاۋ اياسىندا 800 ادامدى وقىتۋ جوسپارلانعان، وقۋ اعىمداعى جىلدىڭ 1 قىركۇيەگىنەن باستالادى.

ەڭبەك نارىعىندا سۇرانىسقا يە ماماندىقتار بويىنشا قىسقا مەرزىمدى كاسىپتىك وقىتۋ شەڭبەرىندە 300 ادامدى وقىتۋ جوسپارلانعان.

ەكىنشى باعىت بويىنشا باعدارلامانىڭ 1037 قاتىسۋشىسىنا شاعىن نەسيە ءبولۋ جوسپارلانعان، بۇل ماقساتقا 4380 ملن تەڭگە قاراستىرىلعان. اعىمداعى جىلدىڭ 1 شىلدەسىنە 689،2 ملن تەڭگە كولەمىندە 155 نەسيە بەرىلدى.

جاڭا بيزنەس-يدەيالاردى ىسكە اسىرۋعا مەملەكەتتىك گرانتتار بەرۋ ءۇشىن 1179 گرانت بەرۋ جوسپارلانعان. 536 ادام گرانت الدى.

سونىمەن قاتار، «باستاۋ بيزنەس» جوباسى بويىنشا 1150 ادامدى كاسىپكەرلىك نەگىزدەرىنە وقىتۋ جوسپارلانعان. 668 ادام جىبەرىلدى. 

«حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ» ءۇشىنشى باعىتى شەڭبەرىندە 10 106 ادامدى جۇمىسپەن قامتۋ شارالارىمەن قامتۋ جوسپارلانعان. الەۋمەتتىك جۇمىس ورىندارىنا 520 ادام، جاستار تاجىريبەسىنە — 350 ادام، قوعامدىق جۇمىستارعا — 5239 ادام جىبەرىلدى.

وبلىستىق ستاتيستيكا دەپارتامەنتىنىڭ مالىمەتتەرىنە سايكەس اعىمداعى جىلدىڭ ءبىرىنشى توقسانىندا ەكونوميكالىق بەلسەندى حالىق سانى 338 018 ادامدى قۇرايدى، جۇمىسپەن قامتىلعان حالىق سانى — 321 642، جالدامالى قىزمەتكەرلەر — 234 311، جۇمىسسىزدار سانى — 16 376.

 

قىزىلوردا وبلىسى

2020 جىلعا «ەڭبەك» باعدارلاماسىن جۇزەگە اسىرۋعا قىزىلوردا وبلىسىنا 13،2 ملرد تەڭگە قارالىپ، 6،0 ملرد تەڭگە يگەرىلدى. باعدارلاماعا قاتىسۋشى رەتىندە 14077 ادام تىركەلدى: جۇمىسسىزدار - 67،5% (9500 ادام)، ءوزىن-ءوزى جۇمىسپەن قامتىعاندار - 10،9% (1537 ادام)، جۇمىس ىزدەۋشىلەر - 21،1% (2975 ادام)، باسقالارى (وقۋشىلار، ستۋدەنتتەر، زەينەتكەرلەر) – 0،5% (64 ادام).

ەڭبەك نارىعىنىڭ قاجەتتىلىكتەرىن ەسكەرە وتىرىپ، تەحنيكالىق جانە كاسىپتىك ءبىلىمى بار كادرلاردى دايارلاۋعا 3065 ادام جىبەرىلدى. جۇمىسشى كادرلاردى ەڭبەك نارىعىندا سۇرانىسقا يە كاسىپتەر بويىنشا قىسقا مەرزىمدى وقىتۋعا 1800 ادامدى جىبەرۋ جوسپارلانعان. 

باعدارلاماعا قاتىسۋشىلاردان «باستاۋ بيزنەس» جوباسى بويىنشا 2150 ادامدى كاسىپكەرلىك نەگىزدەرىنە وقىتۋعا جوسپارلانعان. اۋىلداعى جانە قالالارداعى كاسىپكەرلىك باستامالاردى قولداۋ ءۇشىن وقىتۋعا 824 ادامدى جىبەرۋ جوسپارلانعان (اۋىلدىق جەرلەردە - 810 ادام، قالالىق جەرلەردە - 14 ادام). 

اعىمداعى جىلدىڭ 1 شىلدەسىندەگى دەرەكتەر بويىنشا 292 ادام شاعىن نەسيە الدى. قوسىمشا 235 جاڭا جۇمىس ورنى اشىلدى.

اعىمداعى جىلدىڭ 1 شىلدەسىندەگى دەرەكتەر بويىنشا 1034 ادام مەملەكەتتىك گرانت الدى. جاڭا بيزنەس-يدەيالاردى ىسكە اسىرۋعا 3084 ادامعا مەملەكەتتىك گرانت بەرۋ جوسپارلانعان.

حالىقتى جۇمىسپەن شارالارىمەن 11 972 ادام قامتىلدى. بوس جۇمىس ورىندارىنا 4058 ادام، الەۋمەتتىك جۇمىس ورىندارىنا  1095 ادام جولدانىپ، 264-ءى جۇمىسىن اياقتاپ، 118-ءى تۇراقتى جۇمىسپەن قامتىلدى.

جاستار تاجىريبەسىنە 1641 ادام باعىتتالدى، جۇمىسىن اياقتاعان 524 ادامنىڭ 136-ءى تۇراقتى جۇمىسقا ورنالاستى. قوعامدىق جۇمىستارعا 5178 ادام جولدانىپ، 1946-ءى جۇمىسىن اياقتاپ، 148-ءى جۇمىسپەن قامتىلدى.

2020-2021 جىلدارعا ارنالعان جۇمىسپەن قامتۋدىڭ جول كارتاسى اياسىندا وبلىس بويىنشا 36،9 ملرد تەڭگە ليميت كولەمىندە 276 ينفراقۇرىلىمدىق جوبانى ىسكە اسىرۋ جوسپارلانۋدا. ونىڭ ىشىندە كەلەسى نىساندار مەن جۇمىس تۇرلەرى بويىنشا: 

  • الەۋمەتتىك-مادەني نىساندارىنىڭ كۇردەلى جانە اعىمداعى جوندەۋ، قايتا جاڭعىرتۋ، قۇرىلىسىنا 12،3 ملرد تەڭگەگە 125 جوبا،  قۇرىلاتىن 3268 جۇمىس ورىندارىمەن. 
  • تۇرعىن ءۇي-كوممۋنالدىق نىساندارىنىڭ كۇردەلى جانە اعىمداعى جوندەۋ، قايتا جاڭعىرتۋ، قۇرىلىسىنا 7،5 ملرد. تەڭگەگە 42 جوبا، قۇرىلاتىن 1658  جۇمىس ورىندارىمەن. 
  • ينجەنەرلىك-كولىكتىك ينفراقۇرىلىم نىساندارىنىڭ كۇردەلى جانە اعىمداعى جوندەۋ، قايتا جاڭعىرتۋ، قۇرىلىسىنا 14،5 ملرد. تەڭگەگە 62 جوبا، قۇرىلاتىن 3474 جۇمىس ورىندارىمەن; 
  • ەلدى مەكەندەرى ابباتتاندىرۋ 2،7 ملرد تەڭگەگە 47 جوبا، قۇرىلاتىن 899 جۇمىس ورىندارىمەن. 

جۇمىسپەن قامتۋدىڭ جول كارتاسى اياقتالعاننان كەيىن، جاڭا نىساندارىنىڭ قۇرىلىسى ارقىلى 452 تۇراقتى جۇمىس ورىندارى اشىلادى. اعىمداعى جىلدىڭ 20 شىلدەسىنە 274 جوبا بويىنشا مەملەكەتتىك ساتىپ الۋ كونكۋرستارى اياقتالدى.  270 جوبا بويىنشا جۇمىستار جۇرگىزىلۋدە. «جۇمىس ورىندارىنىڭ قۇرىلۋىن مونيتورينگتەۋ» ينتەگراتسيالانعان كارتاسى» اۆتوماتتاندىرىلعان اقپاراتتىق جۇيەسىنە 6232 جۇمىس ورىندارى، سونىڭ ىشىندە جۇمىسپەن قامتۋ ورتالىقتارى ارقىلى 3967 جۇمىس ورنى ەنگىزىلدى. 

 

ماڭعىستاۋ وبلىسى

شاعىن قالالار مەن اۋىلدىق ەلدى مەكەندەردە كاسىپكەرلىكتى، ونىڭ ىشىندە اۋىل شارۋاشىلىعى سالاسىن دامىتۋ ماقساتىندا 2020 جىلعا شاعىن نەسيە بەرۋگە رەسپۋبليكالىق بيۋدجەت قاراجاتىنان 1 202 396 مىڭ تەڭگە قارجى ءبولىندى.

نەسيە قاراجاتى 2 قارجى ينستيتۋتىنىڭ اراسىندا ءبولىندى. بۇل قاراجات 314 جوبانى قارجىلاندىرۋعا باعىتتالعان جانە سايكەسىنشە ءار جوبادا جاڭا جۇمىس ورىندارى اشىلادى.

قازىرگى تاڭدا بارلىق بولىنگەن قارجى بويىنشا 117 ءوتىنىم قابىلدانىپ، ونىڭ ىشىندە 104 ءوتىنىم ماقۇلداندى. 

2020 جىلدىڭ ءى توقسانداعى قورىتىندىسى بويىنشا وبلىستا جۇمىس كۇشىنىڭ سانى 329 مىڭ ادامدى قۇرادى. ەكونوميكانىڭ ءار ءتۇرلى سالالارىندا 313 مىڭ ادام جۇمىسپەن قامتىلعان. جۇمىسپەن قامتىلعان حالىقتىڭ ىشىندە كورسەتىلگەن كەزەڭدە جالدامالى قىزمەتكەرلەر سانى 293 مىڭ ادامدى، ال جالدانباي جۇمىس ىستەيتىن قىزمەتكەرلەر 20 مىڭ ادامدى قۇرادى. وبلىس بويىنشا جۇمىسسىزدار سانى ستاتيستيكالىق مالىمەتتەرگە سايكەس 16 مىڭ ادامدى نەمەسە 4،8% قۇرايدى. جاستار جۇمىسسىزدىعىنىڭ دەڭگەيى 3،8% قۇرادى.

وبلىس بويىنشا 2020 جىلى 1 شىلدەدەگى جاعداي بويىنشا 15 081 جۇمىس ورنى قۇرىلدى، ونىڭ 73% - تۇراقتى جۇمىس ورىندارى (10 599).

وبلىستىڭ جۇمىسپەن قامتۋ ورتالىقتارىنا جىل باسىنان بەرى 18 513 ادام جۇگىندى.

«ەڭبەك» مەملەكەتتىك باعدارلاماسى شەڭبەرىندە جۇمىسپەن قامتۋدىڭ بەلسەندى شارالارىمەن 12 426 ادام قامتىلدى، ونىڭ ىشىندە:

  • تۇراقتى جۇمىس ورىندارىنا – 3 173 ادام;
  • ۋاقىتشا جۇمىس ورىندارىنا – 4 690 ادام;
  • شاعىن نەسيە –25 ادام;
  • قايتارىمسىز مەملەكەتتىك گرانت –258 ادام.

سونىمەن قاتار، اعىمداعى جىلى  تەحنيكالىق جانە كاسىپتىك وقىتۋمەن 1 131 ادامدى، قىسقا مەرزىمدى كاسىپتىك وقىتۋمەن 1 400 ادامدى، «باستاۋ بيزنەس» جوباسى بويىنشا وقىتۋمەن 1 000 ادامدى قامتۋ جوسپارلانعان.

جول كارتاسى شەڭبەرىندە ماڭعىستاۋ وبلىسى بويىنشا ينفراقۇرىلىمدىق جوبالارى تىزبەسى جاساقتالىپ، قۇنى 34 ملرد تەڭگە بولاتىن 148 جوبا ەنگىزىلدى. بۇل جوبالار شەڭبەرىندە 8 499 جۇمىس ورىنى قۇرىلادى دەپ جوسپارلانىپ وتىر. قۇرىلعان جۇمىس ورىندارىنا وبلىستىڭ حالىقتى جۇمىسپەن قامتۋ ورتالىقتارى ارقىلى 4 246 ادام جۇمىسقا ورنالاستىرۋ كوزدەلىپ وتىر. 

بۇگىنگى كۇنى 6 441 جۇمىس ورنى قۇرىلدى، بۇل – جوسپاردىڭ 76%.  سونىمەن قاتار، جۇمىسپەن قامتۋ ورتالىقتارى ارقىلى جۇمىسقا ورنالاسقانداردىڭ سانى 3 526 ادامدى قۇراپ وتىر، بۇل – جوسپاردىڭ 83%. 

 

شىعىس قازاقستان وبلىسى 

«ەڭبەك» مەملەكەتتىك باعدارلاماسى شەڭبەرىندە اعىمداعى جىلدىڭ 6 ايىندا 22،3 مىڭ ادام مەملەكەتتىك قولداۋ شارالارىنا جۇگىندى، ونىڭ ىشىندە 13،8 مىڭنان استام ادام باعدارلاماعا قاتىستى، 9،7 مىڭ ادام جۇمىسقا ورنالاستىرىلدى.

«ەڭبەك» باعدارلاماسىنىڭ ءبىرىنشى باعىتى شەڭبەرىندە تەحنيكالىق جانە كاسىپتىك ءبىلىم الاتىن 3،8 مىڭ ستۋدەنت وقۋدى جالعاستىرۋدا، باعدارلامانىڭ 288 قاتىسۋشىسى قىسقا مەرزىمدى وقۋعا كىرىستى. شاعىن نەسيەلەندىرۋگە 4،4 ملرد تەڭگە ءبولىندى، ونىڭ ىشىندە 2،4 ملرد تەڭگەگە 557 نەسيە بەرىلدى: اۋىلدىق جەرلەردە — 2،1 ملرد تەڭگەگە 516 جوبا، قالالىق جەرلەردە – 0،4 ملرد تەڭگەگە 41 جوبا.

جاڭا بيزنەس-يدەيالاردى جۇزەگە اسىرۋ ءۇشىن 664 ملن تەڭگەگە 1194 گرانت قاراستىرىلعان، اعىمداعى جىلدىڭ 1 شىلدەسىنە 153،3 ملن تەڭگەگە 278 گرانت بەرىلىپ، 109،3 ملن تەڭگەگە 195 گرانت قارجىلاندىرۋعا ماقۇلداندى. جۇمىسپەن قامتۋعا جاردەمدەسۋدىڭ بەلسەندى شارالارى كورسەتىلىپ، ۋاقىتشا جۇمىس ورىندارىنا 6 مىڭ ادام ورنالاستىرىلدى. جۇمىس كۇشى كوپ ايماقتاردان وبلىسقا 414 ادام (160 وتباسى) قونىس اۋداردى، كۆوتادا - 610 ادام.

«جۇمىسپەن قامتۋ جول كارتاسى 2020» اياسىندا 817 ينفراقۇرىلىمدىق جوبانى جۇزەگە اسىرۋ ءۇشىن 20 مىڭنان استام جۇمىس ورنىن قۇرۋ جوسپارىمەن 77،4 ملرد تەڭگە ءبولىندى. اعىمداعى جىلدىڭ 1 شىلدەسىندەگى جاعداي بويىنشا 17 مىڭنان استام جۇمىس ورنى قۇرىلدى.

 

جامبىل وبلىسى

وبلىس بويىنشا جۇمىسپەن قامتۋ جول كارتاسى شەڭبەرىندە ىسكە اسىرۋعا ىرىكتەلگەن 831 ينفراقۇرىلىمدىق جوبانىڭ 180-ءى الەۋمەتتىك سالا وبەكتىلەرىنە، تكش وبەكتىلەرىنە - 200 جوبا، ينجەنەرلىك كولىك ينفراقۇرىلىمىنا – 327 جوبا، ەلدى مەكەندەردى اباتتاندىرۋعا 124 جوبا تيەسىلى.  

وبلىس بويىنشا ينفراقۇرىلىمدىق جوبالاردى ىسكە اسىرۋ شەڭبەرىندە حالىقتى جۇمىسپەن قامتۋ ورتالىقتارى ارقىلى 50% نەمەسە 9850 ادامنان كەم ەمەس قىزمەتكەرلەردى جالداۋدى قامتاماسىز ەتە وتىرىپ، 20 مىڭعا جۋىق جاڭا جۇمىس ورىندارىن قۇرۋ جوسپارلانۋدا.  

اعىمداعى جىلدىڭ 26 ماۋسىمىنداعى جاعداي بويىنشا 821 جوبانى ىسكە اسىرۋ باستالدى، وندا 10 022 ادام جۇمىسقا ورنالاستىرىلدى، ونىڭ ىشىندە 5914 ادام جۇمىسپەن قامتۋ ورتالىقتارى ارقىلى جۇمىسقا ورنالاستى. 

وبلىس بويىنشا جۇمىسپەن قامتۋدىڭ جول كارتاسىن ىسكە اسىرۋ ناتيجەسىندە بالالاردى الەۋمەتتىك جانە ەڭبەككە بەيىمدەۋ مىندەتتەرىن شەشۋ بويىنشا پەداگوگيكالىق پروتسەسس قامتاماسىز ەتىلەدى، بۇل ولاردىڭ تۇرمىستىق جانە ەڭبەك داعدىلارىن يگەرۋىن، ءومىر مەن قوعامعا بەيىمدەلۋىن، كاسىبي باعدارلانۋىن قامتاماسىز ەتەدى. 

بۇدان باسقا، 706 پاتەرلىك 12 تۇرعىن ءۇي ىسكە قوسىلادى، بۇل كەزەكتىلىكتى 2%-عا تومەندەتۋگە مۇمكىندىك بەرەدى. سۋمەن جابدىقتاۋمەن 20 اۋىلدىق ەلدى مەكەندە تۇراتىن 23 212 ادام قامتىلاتىن بولادى، ورتالىقتاندىرىلعان سۋمەن جابدىقتاۋمەن قامتاماسىز ەتىلگەن حالىقتىڭ ۇلەسى 72%-دان 75،4%-عا دەيىن ارتادى.

جاقسى جانە قاناعاتتانارلىق جاعدايداعى كوشەلەردىڭ ۇلەسى 59،5%-دان 77،2%-عا دەيىن ارتادى. اباتتاندىرىلعان اۋلالاردىڭ ۇلەسى جالپى سانىنان 31%-دى قۇرايدى. بۇدان باسقا، وبلىس بويىنشا قورداي اۋدانىندا ماسانشى، سورتوبە، بۇلار باتىر، قاراكەمەر اۋىلدىق وكرۋگتەرى گازداندىرىلاتىن بولادى، ناتيجەسىندە 52 مىڭنان اسا ادام گازبەن قامتاماسىز ەتىلەدى.

 

اتىراۋ وبلىسى

2020 جىلى «ەڭبەك» مەملەكەتتىك باعدارلاماسى باعىتتارىنا 23 566 ادامدى تارتىپ، 4 988 ملن تەڭگە قاراجاتتى يگەرۋ جوسپارلانىپ وتىر. باعدارلاما باعىتتارىمەن جىل باسىنان بەرى 9 187 ادام قامتىلىپ، 1 532،0 ملن تەڭگە يگەرىلدى.

باعدارلامانىڭ ءبىرىنشى باعىتى بويىنشا 250 ادامدى كاسىپتىك تەحنيكالىق دايارلاۋ جانە 1 610 جۇمىسسىز ادامدى قىسقا مەرزىمدى كۋرستاردا وقىتۋ جوسپارلاندى. 677 ادام قىسقا مەرزىمدى كۋرستارعا وقۋعا جولداندى، ونىڭ ىشىندە  «تەڭىزشەۆرويل» مەكەمەسىنىڭ سۇرانىسى بويىنشا 341 ادام بعىتتالدى.  اعىمداعى جىلدىڭ 1-ءشى قىركۇيەگىنەن باستاپ 250 ادام كاسىپتىك كوللەدجدەردە وقۋىن باستايدى.

ەكىنشى باعىت بويىنشا «باستاۋ بيزنەس» جوباسى اياسىندا 1 000 ادامدى وقىتۋ جوسپارلاندى، «اتامەكەن» كاسىپكەرلىك پالاتاسىنىڭ ۇيىمداستىرۋىمەن وقۋ ونلاين رەجيمىندە 10 ماۋسىمىنان قالا مەن بارلىق اۋدانداردا باستالدى. 368 ادام «باستاۋ بيزنەس» جوباسىمەن كاسىپكەرلىك نەگىزدەرىنە وقۋدى باستاپ، ونىڭ 24-ءى وقۋىن اياقتاپ، سەرتيفيكاتتارىن الدى. 351 ادامعا 1 646،5 ملن تەڭگەگە نەسيە، 434 ادامعا 200 اەك مولشەرىندە گرانتتار بەرىلەدى. ا.ج. 6 ايىندا 45 ادام گرانت الدى جانە 158 ادامعا 868،4 ملن تەڭگەگە نەسيە بەرىلدى، 19 ادام نەسيە بويىنشا كەپىلدەندىرىلدى. 

باعدارلامانىڭ ءۇشىنشى باعىتىمەن 19 901 ادامدى قامتۋ جوسپارلاندى، ونىڭ ىشىندە: 397 ادامدى – الەۋمەتتىك جۇمىستارعا، 1 140 جاستاردى – جاستار پراكتيكاسىنا، 6 364 ادامدى – قوعامدىق جۇمىستارعا جانە 12 مىڭ ادامدى بوس جۇمىس ورىندارىنا ورنالاستىرۋ كوزدەلگەن. 

جىل باسىنان بەرى ءۇشىنشى باعىت بويىنشا 7 920 ادام قامتىلدى، ونىڭ ىشىندە تۇراقتى جۇمىس ورىندارىنا 3 320 ادام، ۋاقىتشا جۇمىستارعا 4 600 ادام ورنالاستىرىلدى. 

 

اقتوبە وبلىسى

«ەڭبەك» باعدارلاماسى اياسىندا 52 332 ادام جۇمىسپەن قامتىلادى، ونىڭ ىشىندە: 42 179 جۇمىسسىز جانە ءوزىن-ءوزى جۇمىسپەن قامتۋشىلاردى جۇمىسپەن قامتۋدىڭ بەلسەندى شارالارىنا، 10 153 ادام داعدارىسقا قارسى ءىس-شارالار اياسىندا.

ءبىرىنشى باعىت بويىنشا قىسقا مەرزىمدى وقىتۋعا 520 ادام جولداندى، جىلدىق جوسپار 44% ورىندالدى.

ەكىنشى باعىت بويىنشا «باستاۋ بيزنەس» جوباسى اياسىندا 846 ادام وقۋعا جولدانىپ، جوسپار 60،4% ورىندالدى.

بيزنەس يدەيالاردى ىسكە اسىرۋ ماقساتىندا 329 ادامعا 180 ملن تەڭگەگە مەملەكەتتىك گرانت (200 اەك) بەرىلدى، ول جوسپاردىڭ 39% قۇرادى. 

ءۇشىنشى باعىت بويىنشا تۇراقتى جۇمىس ورىندارىنا 12 330 ادام ورنالاستىرىلدى، جوسپاردىڭ ورىندالۋى - 40،3%. 

الەۋمەتتىك جۇمىس ورىندارىنا 1 425 ادام باعىتتالدى، جوسپار - 91%. قوعامدىق جۇمىستارعا 6 044 ادام جىبەرىلدى، جوسپار - 70،9%. جاستار تاجىريبەسىنە 1 337 ادام جولداندى، بەلگىلەنگەن جوسپار 44،1% ورىندالىپ وتىر.

وبلىستا حالىقتى جۇمىسپەن قامتۋدىڭ بەلسەندى شارالارىنا تارتۋ باستى نازاردا، «ەڭبەك» مەملەكەتتىك باعدارلاماسى باق-تا، الەۋمەتتىك جەلىلەردە جان-جاقتى ناسيحاتتالۋدا. 

 

سولتۇستىك قازاقستان وبلىسى

2019 جىلى «ەڭبەك» مەملەكەتتىك باعدارلاماسىن ىسكە اسىرۋعا پەتروپاۆل قالاسىندا كرەديت بەرۋگە 695،047 ملن تەڭگە ءبولىندى، ونىڭ ىشىندە رەسپۋبليكالىق بيۋدجەتتەن كرەديتتەر ەسەبىنەن - 485،027 ملن تەڭگە، جەرگىلىكتى بيۋدجەت قاراجاتى ەسەبىنەن - 210،020 ملن تەڭگە. كەپىلدىك بەرۋ قۇرالىنا 31،503 ملن تەڭگە ءبولىندى. 2019 جىلدىڭ قورىتىندىسى بويىنشا 57 كرەديت، 32 كەپىلدىكتەر بەرىلدى.

مەملەكەتتىك قولداۋدىڭ ارقاسىندا جۇمىس ىستەپ تۇرعان جانە جاڭا باستاعان كاسىپكەرلەردىڭ جوبالارى ىسكە اسىرىلۋدا. 

اعىمداعى جىلى باعدارلامانى ىسكە اسىرۋعا 575،9 ملن تەڭگە ءبولىندى ونىڭ ىشىندە كرەديت بەرۋگە 539،9 ملن تەڭگە، كەپىلدەندىرۋگە - 36،003 ملن تەڭگە بولىنگەن.

قازىرگى ۋاقىتتا كرەديتتىك شارتتارعا قول قويۋ بويىنشا جۇمىستار جۇرگىزىلۋدە.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار