ناقتىراق ايتساق, بۇگىنگى تاڭدا 1000 ءتۇپ انار, 6000 ءتۇپ الما, 707 كوشەت ليمون ءوسىرىپ وتىر. بىلتىر ءبىر جىلدىق كوشەتتىڭ وزىنەن 4 تونناعا جۋىق ءونىم العان كووپەراتيۆ ليموننىڭ وزىنەن بيىل 20 توننا ءونىم الۋدى جوسپارلاۋدا. كووپەراتيۆتە 7 ادام تۇراقتى جۇمىسپەن قامتىلىپ وتىر.
سونىمەن قاتار, ورداباسى اۋدانىندا قارقىندى باۋ كولەمى ارتىپ كەلەدى. قازىرگى تاڭدا ايماقتا قارقىندى باۋ كولەمى 400 گەكتارعا جۋىقتاعان. قاجىمۇقان اۋىل وكرۋگىندەگى «KazGarden» جشس-ءى جالپى قۇنى 2 ملرد تەڭگەگە 240 گەكتارعا باۋ ەگۋدى قولعا العان. بۇگىندە 60 گەكتارعا ەككەن, ونىڭ 11 گەكتارى قارقىندى الما باۋى, 49 گەكتارى سۇيەكتى جەمىس-جيدەك. وندا 4 ادام تۇراقتى, 55 ادام ماۋسىمدىق جۇمىسپەن قامتىلىپ وتىر.
اگرارلى وڭىردە ەگىن جانە مال شارۋاشىلىعى دا دامىعان. مىسالى, ءبورجار اۋىلىنداعى "سابىر" شارۋا قوجالىعى ءىرى قارا مال مەن اسىل تۇقىمدى قوي وسىرۋمەن اينالىسادى. قوجالىقتا قازىرگى تاڭدا 8383 باس ۋاق مال بار, 22 جەرگىلىكتى تۇرعىن جۇمىس ىستەيدى.
تۇركىستان وبلىسى
