تاياۋدا رەسپۋبليكامىزدىڭ كورىكتى ورىندارىنىڭ ءبىرى بۋرابايدا ««جاسىل ەكونوميكانىڭ» دامۋى جانە بيولوگيالىق ءارتۇرلىلىكتى ساقتاۋ» تاقىرىبىنا حالىقارالىق عىلىمي-پراكتيكالىق كونفەرەنتسيا بولدى. كونفەرەنتسيانى قورشاعان ورتانى قورعاۋ مينيسترلىگىنىڭ ورمان ءجانە اڭشىلىق شارۋاشىلىعى كوميتەتى, «قازاگرويننوۆاتسيا» اق «قازاق ورمان شارۋاشىلىعى عىلىمي-زەرتتەۋ ينستيتۋتى» جشس جانە «قازاقستاننىڭ بيوالۋانتۇرلىلىگىن ساقتاۋ قورى» كورپوراتيۆتىك قورى ۇيىمداستىردى.
تاياۋدا رەسپۋبليكامىزدىڭ كورىكتى ورىندارىنىڭ ءبىرى بۋرابايدا ««جاسىل ەكونوميكانىڭ» دامۋى جانە بيولوگيالىق ءارتۇرلىلىكتى ساقتاۋ» تاقىرىبىنا حالىقارالىق عىلىمي-پراكتيكالىق كونفەرەنتسيا بولدى. كونفەرەنتسيانى قورشاعان ورتانى قورعاۋ مينيسترلىگىنىڭ ورمان ءجانە اڭشىلىق شارۋاشىلىعى كوميتەتى, «قازاگرويننوۆاتسيا» اق «قازاق ورمان شارۋاشىلىعى عىلىمي-زەرتتەۋ ينستيتۋتى» جشس جانە «قازاقستاننىڭ بيوالۋانتۇرلىلىگىن ساقتاۋ قورى» كورپوراتيۆتىك قورى ۇيىمداستىردى.
كونفەرەنتسيا جۇمىسىنا ورمان جانە اڭشىلىق شارۋاشىلىعى كوميتەتىنىڭ جاۋاپتى قىزمەتكەرلەرى, رەسەي فەدەراتسياسىنىڭ, بەلارۋس رەسپۋبليكاسىنىڭ, وزبەكستان جانە قازاقستاننىڭ عالىم-ورمان وسىرۋشىلەرى, ورمان شارۋاشىلىعى ماماندارىن دايارلاۋشى رەسپۋبليكانىڭ جوو-لارى مەن كوللەدجدەرىنىڭ پروفەسسورلارى جانە وقىتۋشىلارى, اقمولا وبلىسىنىڭ جەرگىلىكتى اتقارۋشى ورگاندارىنىڭ باسشىلارى, تابيعاتتى قورعاۋ جانە ورماندى قورعاۋ مەكەمەلەرىنىڭ ماماندارى قاتىستى.
كونفەرەنتسيادا قازاقستان رەسپۋبليكاسى پرەزيدەنتىنىڭ 2013 جىلعى 30 مامىرداعى №577 جارلىعىمەن بەكىتىلگەن قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمدامانى ىسكە اسىرۋ ماسەلەلەرى تالقىلاندى. كونفەرەنتسيا قاتىسۋشىلارىنىڭ باياندامالارى مەن سوزدەرىندە تۇجىرىمدامادا قويىلعان ورمان قورلارىن ءتيىمدى ساقتاۋعا باعىتتالعان جوبالاردى ىسكە اسىرۋ, ورمانسىزدانۋدى باقىلاۋ, ەلدە ورمان شارۋاشىلىعىن باسقارۋدىڭ زاماناۋي ادىستەرىن ەنگىزۋ جانە لايىقتى ادەت-داعدىلارىن دامىتۋ قاجەتتىلىگى بويىنشا ماقساتتاردىڭ وزەكتىلىگى اتالىپ ءوتتى.
تالقىلانعان ماسەلەلەر رەسپۋبليكا اۋماعىنىڭ تومەن ورماندىلىعىنا بايلانىستى (4,6%) قازاقستاننىڭ ورمان سالاسى ءۇشىن اسا ماڭىزدى بولىپ تابىلادى. وسىعان بايلانىستى مەملەكەت اۋماعىن ەكولوگيالىق ساۋىقتىرۋ بويىنشا جۇمىستاردى جانداندىرۋدى انىقتايتىن ورماندى قالپىنا كەلتىرۋ ورمان سەكتورى دامۋىنىڭ باسىم باعىتتارىنىڭ ءبىرى بولىپ تابىلادى. «جاسىل دامۋ» باعدارلاماسى اياسىندا 2014 جىلعا رەسپۋبليكا بويىنشا جالپى ورمانداردى ۇدايى ۇلعايتۋ جانە ورمان ءوسىرۋدىڭ جىلدىق كولەمىن 70 مىڭ گەكتارعا دەيىن جەتكىزۋ جوسپارلانۋدا. استانا قالاسىنىڭ جاسىل ايماعىنداعى ورمان وتىرعىزىلىمدارىنىڭ جالپى اۋدانى 1997-2013 جىلدار ىشىندە 65,0 مىڭ گا قۇرادى. الداعى ۋاقىتتا ونى ششۋچە-بۋراباي كۋرورتتى ايماعىنىڭ تابيعي ورماندارىمەن ۇشتاستىرۋ جوسپارلانۋدا.
اسا قورعالاتىن تابيعات اۋماقتارىنىڭ جالپى اۋدانى 23,1 ملن.گا (ەلىمىزدىڭ اۋماعىنىڭ 8,5%-ى) قۇرايدى. 2015 جىلعا اقتا اۋماعىن 24,5 ملن.گا (9%) دەيىن جەتكىزۋ جوسپارلانۋدا, 2020 جىلعا 26-27 ملن.گا جەتىپ, ەلىمىزدىڭ جالپى اۋماعىنىڭ 10%-ىن قۇرايتىن بولادى.
ورمان شارۋاشىلىعى الدىنا قويىلعان ماقساتتار الدىڭعى قاتارلى تەحنولوگيالاردى بەلسەندى ەنگىزۋدى, جاڭا عىلىمي ازىرلەمەلەردى جانە ماماندار اراسىندا زاماناۋي بىلىمدەردى تاراتۋدى تالاپ ەتەدى. وسىعان بايلانىستى سالانى عىلىممەن قامتاماسىز ەتۋدە رەسپۋبليكانىڭ باستاۋشى مەكەمەسى رەتىندە قازاق ورمان شارۋاشىلىعى عىلىمي-زەرتتەۋ ينستيتۋتىنىڭ (قازوشعزي) ءرولى ارتا تۇسەدى. 55 جىلدان اسا قىزمەت ەتۋ مەرزىمىندە قازوشعزي 3500 اسا عىلىمي ماقالالار شىعاردى, وندىرىسكە 250-دەن اسا ۇسىنىمدار جانە باسقا دا نورماتيۆتىك-نۇسقاۋلىق قۇجاتتار دايىندالدى, 90-نان اسا قورعاۋ قۇجاتتارى, ونىڭ ىشىندە كادىمگى قاراعايدىڭ سورتتارىنا 7 پاتەنت جانە 1 يننوۆاتسيالىق پاتەنت الىندى.
كونفەرەنتسيا قاتىسۋشىلارى قازوشعزي تاجىريبەلىك نىساندارىمەن جانە ششۋچە-بۋراباي كۋرورتتى ايماعىنىڭ كورۋگە تۇراتىن ورىندارىمەن تانىستى.
كونفەرەنتسيا نەگىزگى پروبلەمالىق ماسەلەلەردى جانە ولاردى شەشۋ بويىنشا ۇسىنىستاردى بەينەلەۋشى قارار قابىلدادى.
«ەگەمەن-اقپارات».
