بيىل «قازفوسفات» جشس ءونىمدىلىگى جىلىنا 600 مىڭ توننالىق جاڭا كۇكىرت قىشقىلى ءوندىرىسىن سالۋدى اياقتادى. بۇل بىزگە ءوندىرىلەتىن تىڭايتقىشتاردىڭ ءوزىندىك قۇنىن قاداعالاپ وتىرۋعا, نارىقتا قالىپتاسقان باسەكەلەستىك ۇستانىمىمىزدى نىعايتۋعا ءمۇمكىندىك بەرەدى.
بيىل «قازفوسفات» جشس ءونىمدىلىگى جىلىنا 600 مىڭ توننالىق جاڭا كۇكىرت قىشقىلى ءوندىرىسىن سالۋدى اياقتادى. بۇل بىزگە ءوندىرىلەتىن تىڭايتقىشتاردىڭ ءوزىندىك قۇنىن قاداعالاپ وتىرۋعا, نارىقتا قالىپتاسقان باسەكەلەستىك ۇستانىمىمىزدى نىعايتۋعا ءمۇمكىندىك بەرەدى.سوڭعى 2-3 جىل ىشىندە كومپانيا وندىرىسكە كەلەسى ينۆەستيتسيالىق جوبالاردى ەنگىزدى. ولار: №5 جانە №6 تسەحتاردا پەش گازىن كادەگە جاراتۋ جۇيەسى; تاعامدىق ورتوفوسفور قىشقىلىن شىعارۋ ءوندىرىسى; تۇيىرشىكتەلگەن ناتري ءۇشپوليفوسفاتىن شىعاراتىن ءوندىرىس; چەحيا ەلىنىڭ «Fosfa»a.s.» كومپانياسىمەن بىرلەسە وتىرىپ قولعا الىنعان ناتري گەكسامەتافوسفاتىن شىعاراتىن ءوندىرىس; فوسفور شلامىن كادەگە اسىرۋ ءوندىرىسى; سارى فوسفوردى زياندى ورگانيكالىق قوسپالاردان تازارتۋ ءوندىرىسى. بۇل جوبالاردىڭ ەنگىزىلۋى فوسفور ءوندىرىسى قالدىقتارىن مولىراق پايدالانۋعا, قالا مەن وبلىستىڭ ەكولوگيالىق احۋالىن جاقسارتۋعا, قۋات رەسۋرستارىن ۇنەمدەۋدى قامتاماسىز ەتۋگە, دايار ءونىمنىڭ وزىندىك قۇنىن تۇسىرۋگە, جاڭا جۇمىس ورىندارىن اشۋعا, ءونىمدى جوعارعى قوسىمشا قۇنمەن شىعارۋعا, شىعارىلاتىن ءونىمنىڭ وزىندىك قۇنىن تۇسىرۋگە, شىعارىلاتىن ءونىم اسسورتيمەنتى مەن وتكەرۋ رىنوگىنىڭ اياسىن كەڭەيتۋگە مۇمكىندىك بەردى.
بىراق ءبىز وسى اتقارىلعان جۇمىستارعا توقمەيىلسىپ وتىرماستان العا قاراي جىلجىپ, جاڭا اسۋلاردى باعىندىرۋعا كۇش سالۋدامىز. مىسالى, كومپانيادا ءوندىرىستى جەتىلدىرۋ مەن قايتا قۇرۋدىڭ 2020 جىلعا دەيىنگى كەشەندى جوسپارى بەكىتىلگەن. تەك 2010-2013 جىلدار ارالىعىندا وندىرىسكە 18,7 ميلليارد تەڭگە ينۆەستيتسيا قۇيىلدى. قازىر كەلەسى ينۆەستيتسيالىق جوبالاردى جۇزەگە اسىرۋ جۇمىستارى جۇرگىزىلۋدە. ولاردىڭ كەيبىرىن اتاپ وتۋگە بولادى.
مىسالى, ناتري ءۇشپوليفوسفاتىن وندىرەتىن تسەحتاردا پەش گازىن كادەگە جاراتۋ جۇيەسىن سالۋ جۇمىستارى باستالىپ كەتتى. بۇل تابيعي گازدى ۇنەمدەپ پايدالانۋعا جانە ءوڭىردىڭ ەكولوگيالىق احۋالىن جاقسارتۋعا مۇمكىندىك بەرەدى. سونداي-اق, امموفوس تسەحىنىڭ ەفق-1 بولىمشەسىن قايتا قۇرۋدان وتكىزۋ جۇمىستارى باستالدى. «نيۋيف» ااق مەن ەفق-1 بولىمشەسىن جىلدىق ونىمدىلىگى 220 مىڭ توننا ر2و5 بولاتىنداي ەتىپ قايتا قۇرىپ, جەتىلدىرۋگە كەلىسىمشارت جاسالدى. بۇل وسى بولىمشە شىعاراتىن ونىمدىك قىشقىلدان جىلىنا 500 مىڭ توننا امموفوس وندىرۋگە مۇمكىندىك بەرەدى. ەفق-2 بولىمشەسىن, ەكستراكتوردىڭ ەكى قورابىن, ەكى تاسپالى سۇزگىنى قايتا قۇرۋدان وتكىزۋ قولعا الىندى. بۇل امموفوس ءوندىرۋدى 1 ميلليون تونناعا دەيىن وسىرۋگە مۇمكىندىك بەرمەك. نارلىلىگى جوعارى فوسفاتتار شىعارۋ ءۇشىن ازىقتىق فوسفاتتار ءوندىرىسى قايتا قۇرۋدان وتكىزىلۋدە. بۇل جوبا ازىقتىق فوسفاتتاردى ساتۋ كولەمىن ۇلعايتۋعا سەپتىگىن تيگىزەدى.
سونداي-اق, پەش گازىنان ەتانول الاتىن ءوندىرىس سالىنباق. بۇل جوبا قوسىلعان قۇنى جوعارى ءونىم وندىرۋگە جانە ءوڭىر ەكولوگياسىن جاقسارتۋعا جاعداي تۋعىزادى. ماماندار قىتاي جانە جاڭا زەلانديامەن كەلىسسوز جۇرگىزدى. سىناقتى قىتايدا وتكىزۋ جوسپارلانۋدا. سحز فيليالىندا NPK تىڭايتقىشتارىن شىعاراتىن ءوندىرىس سالىنباق. «Arvi fertis» فيرماسىمەن بىرلەسكەن كاسىپورىن قۇرۋدىڭ نيەتتىك حاتتاماسىنا قول قويىلدى. عيماراتتار مەن قۇرال-جابدىقتاردى تەحنيكالىق اۋديتتەن وتكىزۋ اياقتالدى.
جانە ءۇشحلورلى فوسفور ءوندىرىسى قولعا الىنباق. جوبامەن «لانكسەسس» كومپانياسى اينالىسۋدا. بۇل ەل كولەمىندە ورىن الىپ وتىرعان ءۇشحلورلى فوسفورعا دەگەن زارۋلىكتى شەشۋگە, ءوندىرىستى ديففەرەنتسيالاۋعا, جاڭا ءونىم تۇرلەرىن شىعارۋعا, فوسفورى بار ءونىم اسسورتيمەنتتەرىن ءوسىرىپ, كوبەيتۋگە مۇمكىندىك بەرەدى.
بەسكۇكىرتتى فوسفور ءوندىرىسى دە جوبالانىپ وتىر. جوبامەن «CL» كومپانياسى اينالىسۋدا. بۇل وتكەرۋ رىنوگىن كەڭەيتىپ, شىعارىلاتىن ءونىم اسسورتيمەنتىن كوبەيتۋگە, ەلىمىزدەگى يمپورتتىق ۇلەستى وسىرە تۇسۋگە مۇمكىندىك بەرەدى. سونىمەن بىرگە, فوسفور ءوندىرىسى قالدىقتارىن قايتا وڭدەۋ ارقىلى NPK, NPSK تىڭايتقىشتارىن شىعاراتىن ءوندىرىسىن قولعا الاتىن بولامىز.
فوسفور ءوندىرىسى قالدىقتارىن قايتا وڭدەۋ ارقىلى ازوتتى-فوسفورلى-كالي تىڭايتقىشتارىن (NPK) وندىرەتىن جوبانىڭ ونەركاسىپ قاۋىپسىزدىگى جونىندەگى تەن-گە وڭ دەگەن ساراپتاۋ باعاسى الىندى. ەندى كەن بايىتۋ فابريكاسى سالىنباق. «كوكجون» كەنىشىنىڭ كاربونات ىسپەتتى فوسفور كەندەرىن بايىتۋدىڭ پرينتسيپتىك تەحنولوگيالىق نوبايى بەكىتىلدى. ول بويىنشا (1 كەزەڭ) فلوتاتسيالىق بايىتۋ فابريكاسىنىڭ ءبىرىنشى كەزەكتەگى قۇرىلىسىن سالۋعا شەشىم قابىلداندى. قاراتاۋ فوسفور كەندەرىن بايىتۋدىڭ تەن-ءى جاسالدى. اق قىشقىل وندىرەتىن زاماناۋي ءوندىرىسى دە جوسپاردا بار. تاراز قالاسىنداعى «مينەرالدى تىڭايتقىشتار» فيليالىندا ونىمدىلىگى جىلىنا 120 مىڭ توننا ر2و5 بولارلىق اق قىشقىل شىعاراتىن ءوندىرىس سالۋ جونىندە «CL» كومپانياسىمەن كەلىسسوزدەر جۇرگىزىلدى.
ەسكەندىر مۇقاشەۆ,
«قازفوسفات» جشس
باس ديرەكتورى.
