ال بىرەۋى "وليمپ" كلينيكالىق-دياگنوستيكالىق زەرتحاناسى دەپ اتالادى. بۇل زەرتحانالار تاۋلىگىنە 1300 زەرتتەۋ جۇرگىزىپ كەلگەن. وبلىس ورتالىعىندا جاڭادان اشىلعان 5-ءشى زەرتحانا ىندەتكە قارسى جۇرگىزىلەتىن ماڭىزدى زەرتتەۋلەردىڭ سانىن تاۋلىگىنە 2 مىڭعا دەيىن جەتكىزۋگە مۇمكىندىك بەرىپ وتىر.
قاتەرلى ىندەتتى دەر كەزىندە انىقتاي الاتىن قۋاتتى ورتالىق بيزنەس وكىلدەرى تاراپىنان كورسەتىلگەەن قولداۋدىڭ ارقاسىندا ىسكە قوسىلدى. وڭىرلىك جەدەل اقپارات شتابىنىڭ مالىمەتىنشە, جەرگىلىكتى كاسىپكەرلەر جاڭا زەرتحاناعا 43 ملن تەڭگە جيناپ بەرگەن. شامامەن 29 ملن تەڭگە كورونوۆيرۋستى زەرتتەيتىن زاماناۋي قۇرىلعىلاردى ساتىپ الۋعا جۇمسالىپتى. ال قالعان 14 ملن تەڭگە كولەمىندەگى قارجىعا زەرتحانا قۋاتتىلىعىن بىرنەشە ەسە ارتتىرۋعا مۇمكىندىك بەرەتىن ارنايى رەاگەنتتەر ساتىپ الىنعان. بۇل رەاگەنتتەر زەرتتەۋ جۇرگىزۋگە كەتەتىن ۋاقىتتى ەدۋىر ۇنەمدەۋگە دە مۇمكىندىك بەرەدى. مىسالى, بۇعان دەيىن لابورانتتار ءبىر زەرتتەۋگە 1 جارىم ساعاتتان 3 ساعاتقا دەيىن ۋاقىت شىعىنداپ كەلسە, قازىر ناۋقاستان الىنعان تالداۋدى اينالاسى 15-20 مينۋتتىڭ ىشىندە زەرتتەپ ۇلگەرەدى.
سونىمەن قاتار, ۇكىمەت باسشىسى ا. ءماميننىڭ ايماقتاردا جۇرگىزىلەتىن زەرتتەۋلەردىڭ قۋاتىن ارتتىرۋ تۋرالى تاپسىرماسىن جۇزەگە اسىرۋ اياسىندا تاياۋ كۇندەرى قوستاناي قالاسىنىڭ ىرگەسىندەگى زارەچنىي كەنتىندە ەكى پتسر-زەرتحانا اشىلماق. بۇل زەرتحانالار تاۋلىگىنە 400 زەرتتەۋ جۇرگىزىلەتىن بولادى.
قوستاناي وبلىسى
