ساقشىلار كولىكتى زاڭسىز قايتا جابدىقتاۋدى, مانەۆر جاساۋ ەرەجەلەرى مەن تىنىشتىقتى بۇزۋدى عانا ەمەس, جول قوزعالىسى قاتىسۋشىلارىنىڭ قاۋىپسىزدىگى مەن قوعامدىق ءتارتىپتى باقىلاۋعا الدى.
بۇعان قىزىلجارلىقتار مەن جاقىن ماڭداعى ەلدى مەكەندەردىڭ تۇرعىندارىنان موتوتسيكلشىلەردىڭ شۋىنا قاتىستى پوليتسياعا تۇسىرگەن شاعىمدارى ەدى. سوندىقتان پاترۋلدىك پوليتسەيلەر موتوقۇمارلارعا بايلانىستى رەيدتەردى كۇشەيتتى. تەك شىلدە ايىنىڭ باسىنان قالالىق پاترۋلدىك پوليتسيا باتالونىنىڭ قىزمەتكەرلەرى ءتۇرلى قۇقىق بۇزۋشىلىقتار جاساعانى ءۇشىن – 23, ونىڭ ىشىندە كەشكى جانە تۇنگى ۋاقىتتا تىنىشتىقتى بۇزعانى ءۇشىن 7 جۇرگىزۋشىنى جاۋاپكەرشىلىككە تارتتى. "بۇگىنگى تاڭدا جامبىل كوشەسىندە تۇنگى ساعات 22.00-دەن تاڭعى 7-گە دەيىن جۇرۋگە تىيىم سالاتىن 22 جول بەلگىسى ورناتىلدى. الەۋمەتتىك جەلىلەر ارقىلى كەلىپ تۇسكەن شاعىمدار قارالىپ, پاترۋلدىك پوليتسيا پەتروپاۆل قالاسىندا جانە قىزىلجار اۋدانىنىڭ ورتالىعى بەسكول اۋىلى ماڭىندا رەيدتىك شارالاردى كۇشەيتتى. انىقتالاتىن بۇزۋشىلىقتاردىڭ باسىم بولىگى – جۇرگىزۋشى كۋالىكتەرىنىڭ بولماۋى مەن تەحنيكالىق بايقاۋدان وتپەگەن كولىكتى باسقارۋ", - دەيدى سقو پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى پوليتسيا پودپولكوۆنيگى گريگوري تىش.
وبلىس ورتالىعىندا ءبىر كاسىبي موتوكلۋب پەن ءبىر موتو قاۋىمداستىق تىركەلگەن. ءتارتىپ ساقشىلارى موتوسۇيەر قاۋىمنىڭ وكىلدەرىمەن ۇنەمى كەزدەسۋلەر وتكىزىپ تۇرادى. تىنىشتىقتى بۇزاتىندار – نەگىزىنەن كلۋبقا مۇشە ەمەس جاس موتوتسيكلشىلەر ەكەن. قوعامنىڭ ءدال وسى ساناتى پوليتسيا رەيدتەرى بارىسىندا ەرەكشە باقىلاۋعا الىنباق.
جالپى, العاندا جىل باسىنان بەرى وبلىس جولدارىندا 80 جول-كولىك وقيعاسى تىركەلگەن. ولاردىڭ سالدارىنان 12 ادام كوز جۇمىپ, 108-ءى جاراقات العان. جول ءجۇرىسى قاعيدالارىنىڭ ءتۇرلى سيپاتتاعى 20 895 بۇزۋشىلىعى انىقتالعان.
سولتۇستىك قازاقستان وبلىسى
