پتر-تەست (پوليمەرازدى تىزبەكتى رەاكتسيا) اۋرۋدىڭ بارىن كورسەتىپ, ەر ادام كوروناۆيرۋس ينفەكتسياسىن جۇقتىرعانى انىقتالعان. ناۋقاستىڭ جاعدايىن بۋىن اۋرۋى مەن ەكىنشى دارەجەلى سەمىزدىك قيىنداتقان. كۇنى كەشە, 21 شىلدەدە دارىگەرلەردىڭ كۇشىمەن ا.يلين كوروناۆيرۋس ينفەكتسياسىنان ساۋىعىپ, ەمحانادان شىعارىلدى.
دەگەنمەن, اعزا تولىق قالپىنا كەلۋ ءۇشىن ودان ءارى وڭالتاتىن ەم-دوم جاساۋ قاجەت. ناۋقاس بارلىق دارىگەرلەرگە كاسىبي بىلىكتىلىگى مەن كورسەتكەن كومەگى ءۇشىن العىسىن ءبىلدىردى.
الەكساندر يلين دە مەديتسينا قىزمەتكەرلەرىنىڭ ايانباي كورسەتكەن كومەگىنىڭ ارقاسىندا ايىعىپ شىققان كوپ ناۋقاستىڭ ءبىرى. 59 جاسار ۆيكتور چۋلكوۆسكي دە وكپەسى 80% قابىنىپ, كوروناۆيرۋس ينفەكتسياسىمەن ستاتسيوناردا 14 كۇن جاتقان. دارىگەرلەردىڭ قامقورلىعى مەن بىلىكتىلىگىنىڭ ارقاسىندا ساۋىعىپ شىقتى.
"قاجىرلى ەڭبەكتەرى مەن جۇمىستارى ءۇشىن, اسقان جاۋاپكەرشىلىكپەن قاراعاندارى ءۇشىن دارىگەرلەرگە العىس ايتامىن. دەنساۋلىق پەن بارلىق جاقسىلىقتى تىلەيمىن", – دەيدى ناۋقاس.
ەلوردا تۇرعىنى كاماريا ورازالينوۆانىڭ جاعدايى دا قيىن بولعان.
"بۇگىن اۋىر دەرتتەن كەيىن ۇيگە ورالاتىنىما وتە قۋانىشتىمىن. مەن كورونوۆيرۋس ينفەكتسياسىمەن جانە 90% وكپەم قابىنىپ اۋرۋحاناعا ءتۇستىم. 12 كۇن ەم قابىلدادىم. دارىگەرلەر مەنى اياققا تۇرعىزدى. وتە ريزامىن. جاعدايىم وتە اۋىر بولدى, قازىر مەن سويلەسىپ وتىرا الامىن, قالىپتى ومىرگە ورالىپ كەلەمىن", دەيدى ك.ورازالينوۆا.
