بۇگىندە قالا اۋماعىندا حالىققا ازىق-ت ۇلىك ونىمدەرىن ارزانداتىپ ساتاتىن 30 الەۋمەتتىك دۇكەن مەن 300-دەن اسا تاۋار ءتۇرىنىڭ باعاسىن كوپكە قولجەتىمدى ەتەتىن "الەۋمەتتىك ماركەت" جۇمىس ىستەۋدە. سونىمەن بىرگە تۇرعىنداردى نارىق باعاسىنان 10-15 پايىزعا ارزان ونىمدەرمەن قامتاماسىز ەتۋ ماقساتىندا ءىرى ساۋدا ورىندارىندا الەۋمەتتىك سورەلەر ورنالاستىرىلعان.
ناننىڭ باعاسى دا تۇراقتى. وڭىرلىك تۇراقتاندىرۋ قورىنان الىنعان ۇن ناۋبايحانالارعا تومەن باعادا بەرىلىپ, قازىر بولكە ناننىڭ ورتاشا باعاسى 62,5 تەڭگە بولىپ وتىر. ال الەۋمەتتىك دۇكەندەردە 55 تەڭگەدەن ساتىلۋدا.
"ب.رساليەۆ" شارۋا قوجالىعى قالانىڭ 6 اۋماعىندا ورنالاسقان جەكە ساۋدا ورىندارىندا سيىر ەتىن 1600 تەڭگەدەن ساتۋدا. الداعى ۋاقىتتا شارۋاشىلىق ەت ساتۋ ورىندارىن كوبەيتۋدى جوسپارلاپ وتىر.
