قازاقستان • 22 شىلدە، 2020

مايدانگەر ءارى جازۋشى لەونيد يۋزەفوۆيچ گيرش دۇنيەدەن ءوتتى

45 رەت كورسەتىلدى

قازاقستان رەسپۋبليكاسى قورعانىس مينيسترلىگىنىڭ باسشىلىعى مەن اسكەري قىزمەتشىلەرى مايدانگەر، جازۋشى، اقىن، ۇلى وتان سوعىسى تۋرالى كوپتەگەن ەڭبەك تۋىندىلارىنىڭ اۆتورى، قوعام قايراتكەرى لەونيد يۋزەفوۆيچ گيرشتىڭ وتباسى مەن تۋىستارىنا قايعىرىپ كوڭىل ايتادى، دەپ حابارلادى مينيسترلىكتىڭ ءباسپاسوز قىزمەتى.

ول ەلىمىزدىڭ قورعانىس قابىلەتى مەن ۇلتتىق قاۋىپسىزدىگىن نىعايتۋعا ولشەۋسىز ۇلەس قوسقان، اتى اڭىزعا اينالعان جەڭىمپازدار ۇرپاقتارىنان ەدى.

17 جاسىنان باستاپ مايدانعا ءوز ەركىمەن سۇرانىپ بارعان. ونى تەك ءۇشىنشى رەت سۇرانعانىندا عانا، جاسى كەلگەندە جانە نەمىستەر قالاعا جاقىنداعان كەزدە عانا قابىلدادى. لەونيد گيرش وڭتۇستىك-باتىس مايداننىڭ 31-ءشى ديۆيزياسىنىڭ 177-ءشى اتقىشتار پولكىنىڭ جاۋىنگەرلەر قاتارىندا بولدى.

ۋكرايناداعى شەگىنۋ كەزىندە، سوعىستىڭ ەڭ باسىندا لەونيد يۋزەفوۆيچ اياعىنان جاراقات الدى. نوۆوسيبيرسك گوسپيتالىندە ەمدەلىپ شىققاننان كەيىن ول تاعى دا مايدانعا اتتاندى.

ستالينگرادتا ول اۆتوماتشىلاردىڭ جەكە روتاسىنداعى ۆزۆود كومانديرىنىڭ كومەكشىسى بولىپ تاعايىندالدى. كوماندير قايتىس بولعاننان كەيىن، ۆزۆودتى باسشىلىق ەتۋدى 19 جاسار لەونيد ء وز قولىنا الدى. پيمەن-چەرني اۋىلىنىڭ ماڭىندا بولعان شايقاس ءۇشىن ول ءوزىنىڭ العاشقى قىزىل جۇلدىز وردەنىن الدى.

لەونيد يۋزەفوۆيچ گيرش ستالينگراد پەن كۋرسك بۇعاسىنداعى شايقاستارعا قاتىسىپ، ۋكراينا، پولشا، چەحوسلوۆاكيانى ازات ەتىپ، بەرلينگە شابۋىل جاساپ، رەيحستاگتا ءوز قولتاڭباسىن قالدىردى.

سوعىستان كەيىن ول ءوز ءومىرىن اسكەري قىزمەتپەن بايلانىستىرۋدى ۇيعاردى جانە جارتى عاسىرعا جۋىق ۋاقىت بويى اسكەري قىزمەتتىڭ ءتۇرلى لاۋازىمدارىن  اتقاردى. ەڭ باستى اتقارعان لاۋازىمدارى الماتى قالاسى مەن الماتى وبلىسى ازاماتتىق قورعانىس شتابىنىڭ باستىعى بولدى. كەڭەس وداعىنىڭ باتىرى، پولكوۆنيك ساعادات قوجاحمەت ۇلى نۇرماعامبەتوۆتىڭ شەشىمىمەن الماتى وبلىسى ازاماتتىق قورعانىس شتابى باستىعىنىڭ ورىنباسارى قىزمەتىنە تاعايىندالدى.

وتستاۆكادا پولكوۆنيك ءومىرىنىڭ سوڭعى كۇندەرگە دەيىن ءوز تاجىريبەسىمەن قازاقستاننىڭ جاستارىمەن جانە اسكەري قىزمەتكەرلەرىمەن ءبولىستى. ول ەكولوگيالىق كوميسسيانى باسقاردى، قازاقستان حالقى اسسامبلەياسىنا سايلاندى، ءتۇرلى قوعامدىق ۇيىمداردا بەلسەندى جۇمىس ىستەدى، قالا مەن وبلىستىڭ توتەنشە جاعدايلار دەپارتامەنتى باستىعىنىڭ شتاتتان تىس كەڭەسشىسى بولدى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار