ايماقتار • 22 شىلدە، 2020

الماتىدا ءوزىن ولتىرمەك بولعان ماس تۇرعىندى پوليتسەيلەر دەر كەزىندە قۇتقاردى

33 رەت كورسەتىلدى

"بۇل ەرلىك ەمەس، بۇل ءبىزدىڭ جۇمىسىمىزدىڭ ءبىر بولىگى عانا": پوليتسيا سەكىرمەك بولعان ادامدى كوپىردەن ءتۇسىرىپ الدى. بۇل تۋرالى polisia.kz  حابارلايدى، دەپ جازادى Egemen.kz


اينابۇلاق ىقشام اۋدانىندا قىزمەت ەتىپ جۇرگەن كەزدە تەرگەۋشى ەلجاس كالليمۋلانوۆ، ۋچاسكەلىك پوليتسيا ينسپەكتورى ەلدوس قۇدايبەرگەن جانە پاترۋلدىك پوليتسيا قىزمەتكەرى بەكجان امىرتاەۆتان تۇراتىن "فوتون-6" تۇنگى ىزدەۋ توبىنىڭ بريگاداسىنا سولتۇستىك شەڭبەر، "ياليان" بازارىنا قاراما-قارسى، 40-44 جاستاعى بەلگىسىز ەر ادام كوپىردىڭ شەتىندە وتىرعاندىعى جانە تومەنگە سەكىرگىسى كەلەتىندىگى، وسىلايشا ءوز-وزىنە قول جۇمساماق بولىپ تۇرعاندىعى جايلى حابار كەلدى.

وقيعا ورنىنا جەدەل جەتكەن پوليتسيا قىزمەتكەرلەرى حابارلامانى راستادى. ولار دەرەۋ ەر اداممەن سويلەسە باستادى، ونى وسى ويىنان اينىتۋعا تىرىستى.

اڭگىمە بارىسىندا ءوز-وزىنە قول جۇمساعىسى كەلگەن ادامنىڭ سوزىنەن ونىڭ ماس ەكەندىگى بەلگىلى بولدى.

– مەن جاعدايدىڭ وزگەرىپ جاتقانىن جانە ءبىزدىڭ باتىل ارەكەت ەتۋىمىز كەرەك ەكەندىگىن ءتۇسىندىم. ءبىز بىردەن "ب" جوسپارىنا كوشتىك. ارىپتەسىمىز، پوليتسەي قۇدايبەرگەن ونىمەن سويلەسىپ جاتقان كەزدە، پوليتسەي امىرتاەۆ ەكەۋمىز كوپىرگە ءار ءتۇرلى جاعىنان كوتەرىلىپ، ەر ادامعا بايقاتپاي جاقىنداي باستادىق. ول كوپىردىڭ ارتىندا تۇرىپ، "بۋران-168" پاترۋلدىك ەكيپاجىنداعى ارىپتەسىمىزگە ماسكۇنەمدىكپەن ءوز رەنىشىن ايقايلاپ ايتا باستادى. مەنىڭ بۇيرىعىم بويىنشا بەكجان جاقىنداي ءتۇستى دە، ءبىر ساتتە ەر ادامعا ۇمتىلدى. ول ەشتەڭەنى اڭعارىپ ۇلگەرمەدى، سودان كەيىن مەن ەكىنشى قولىن ۇستاپ، ونى قاۋىپسىز جەرگە كوتەردىم، – دەدى بوستاندىق اۋداندىق پب وكپ-نىڭ جەدەل ۋاكىلى ەلجاس كالليمۋلانوۆ.

پوليتسيانىڭ وزدەرى اتاپ وتكەندەي، ولار بۇل ارەكەتتى ەرلىك دەپ سانامايدى، بۇل ولاردىڭ جۇمىسىنىڭ ءبىر بولىگى عانا.

– قىزمەتتە كەز كەلگەن جاعداي بولۋى مۇمكىن، كەيبىرەۋى وزدەرىن ولتىرەمىن دەپ قورقىتادى، ناشاقورلار ءبىزدى كورگەندە تەرەزەگە شىعادى… الدىمەن ءبىز قۇتقارۋىمىز كەرەك، سودان كەيىن زالالسىزداندىرۋىمىز كەرەك، – دەدى پوليتسەي كالليمۋلانوۆ.

ەسكە سالايىق، وسى جىلدىڭ 20 شىلدەسىندە Instagram جەلىسىندە ءوتىپ بارا جاتقان كولىكتىڭ جۇرگىزۋشىسى ءوزىن اسىپ ءولتىردى دەپ ويلاپ، كوپىرگە ءىلۋلى تۇرعان ادامدى تۇسىرگەن ۆيدەو جاريالاعان بولاتىن. سول ساتتە پوليتسيا ادامدى نەگىزسىز ارەكەتتەن قۇتقارۋ ءۇشىن شارالار قابىلداعان بولاتىن.

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار