ەلوردا • 22 شىلدە، 2020

ەلوردالىق ۇەۇ ءدارى-دارمەك باعاسىنا مونيتورينگ جۇرگىزدى

15 رەت كورسەتىلدى

قوعام بەلسەندىلەرى ازاماتتاردى كوروناۆيرۋس ينفەكتسياسىنىڭ تارالۋىن بولدىرماۋ ءۇشىن سانيتارلىق نورمالاردى ساقتاۋعا شاقىردى. بۇل تۋرالى نۇر-سۇلتان اكىمدىگىنىڭ رەسمي سايتى حابارلايدى، دەپ جازادى Egemen.kz


ەلوردالىق ۇكىمەتتىك ەمەس ۇيىمدار (ۇەۇ) قالا دارىحانالارىنداعى ءدارى-دارمەك باعاسىنا قوعامدىق مونيتورينگ جۇرگىزدى. ماقسات – پنەۆمونيا مەن كوروناۆيرۋس ينفەكتسياسىن ەمدەۋدە قاجەت ءدارى-دارمەكتەرگە شەكتى رۇقسات ەتىلگەن باعانىڭ كوتەرىلۋىنە جول بەرمەۋ.

"بۇگىن ءبىزدىڭ قوعامدىق بىرلەستىكتىڭ، "دامۋ" قاۋىمداستىعىنىڭ وكىلدەرى، "كامەدا" قق ەرىكتىلەرى، جەرگىلىكتى اتقارۋشى ورگانداردىڭ وكىلدەرى قالا ءدارىحانالارىندا بولدى. مونيتورينگ جانە رەيد كەزىندە ءبىز دارىحانالارداعى ءدارى-دارمەكتەردىڭ قول جەتىمدىلىگى مەن باعالارىن بەكىتىلگەن اتاۋلار بويىنشا قاراستىرامىز. ولارعا دەنە قىزۋىن تومەندەتەتىن، انتيكواگۋليانتتار، انتيبيوتيكتەر، ۆيرۋسقا قارسى ءدارى-دارمەكتەر كىردى. ءبىز ءۇشىن، قوعام بەلسەندىلەرى رەتىندە، ازاماتتاردىڭ ءدارى-دارمەكتەردى قولجەتىمدى باعامەن ساتىپ الۋى وتە ماڭىزدى"، دەيدى "رۋحاني قوعام الەمى" قوعامدىق بىرلەستىگىنىڭ توراعاسى ليمانا كويشيەۆا.

مونيتورينگ بارىسىندا قوعام بەلسەندىلەرى ازاماتتاردى كوروناۆيرۋس ينفەكتسياسىنىڭ الدىن الۋ ءۇشىن سانيتارلىق نورمالاردى ساقتاۋعا شاقىردى. حابارلانعانداي، نۇر-سۇلتاندا ءدارى-دارمەك باعاسىن نەگىزسىز كوتەرگەندەرمەن كۇرەس كۇشەيدى.

ءدارى-دارمەكتىڭ باعاسى قىمباتتاعانى انىقتالسا، ازاماتتار ءىKOMEK 109 بىرىڭعاي بايلانىس ورتالىعىنا، سونداي-اق +7 775 160 55 32 WhatsApp نومىرىنە حابارلاما جىبەرۋىنە بولادى. ۇكىمەت پەن ەلوردا اكىمدىگى ءدارى-دارمەكتەردى ساتىپ الۋ مەن اكەلۋ راسىمدەرىن جەڭىلدەتۋ، لوگيستيكا بويىنشا قولداۋ كورسەتۋدە.

سونىمەن بىرگە، قالالىق پروكۋراتۋرا، پوليتسيا دەپارتامەنتتەرى، مەملەكەتتىك كىرىستەر، ەكونوميكالىق تەرگەۋ، فارماتسەۆتيكالىق باقىلاۋ قىزمەتكەرلەرىنەن تۇراتىن ءموبيلدى توپ ءدارى-دارمەكپەن الىپساتارلىق فاكتىلەرىن بولدىرماۋ ءۇشىن كۇندەلىكتى جۇمىس ىستەيدى. اتاپ ايتقاندا، I-teka قوسىمشاسىن قولدانا وتىرىپ، الەۋمەتتىك جەلىلەردەگى (Instagram، Facebook، telegram، WhatsApp) حابارلامالاردى زەردەلەۋ ارقىلى باعالار ۇنەمى قاداعالانادى.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار