ايماقتار • 22 شىلدە، 2020

رەكتوردىڭ تالاپكەرلەرمەن ونلاين-كەزدەسۋى ءوتتى

39 رەت كورسەتىلدى

اباي اتىنداعى قازۇپۋ رەكتورى تاكير بالىقباەۆ تالاپكەرلەرمەن ونلاين-كەزدەسۋ وتكىزدى.  "2020-2021 وقۋ جىلىنا تالاپكەرلەردەن قۇجات قابىلداۋ"  تاقىرىبىنداعى ونلاين-كەزدەسۋ @abai_university Instagram پاراقشاسىنداسىنداعى تىكەلەي ەفيردە ءوتتى، - دەپ جازادى Egemen.kz

رەكتور تاكير بالىقباەۆ وففلاين جانە ونلاين رەجيمىندە وتكىزىلىپ جاتقان قابىلداۋ كوميسسياسىنىڭ جۇمىسى تۋرالى ايتىپ ءوتىپ، ۋنيۆەرسيتەت ءۇشىن تالاپكەرلەر مەن قىزمەتكەرلەردىڭ قاۋىپسىزدىگى ماڭىزدى ەكەنىن ءتۇسىندىرىپ، تالاپكەرلەرگە قۇجاتتاردى ونلاين تاپسىرۋدى ۇسىندى.

كەزدەسۋ بارىسىندا قاشىقتان وقىتۋ، ۋنيۆەرسيتەتكە ءتۇسۋ ءۇشىن شەكتى بالل، باكالاۆريات، ماگيستراتۋرا جانە دوكتورانتۋرانىڭ ءبىلىم بەرۋ باعدارلامالارى بويىنشا قۇجاتتاردى تاپسىرۋ مەرزىمى مەن شارتتارى، وقۋ جەڭىلدىكتەرى، جاتاقحانادان ورىن بەرۋ تۋرالى سۇراقتار قويىلىپ، جاۋاپتار بەرىلدى. سونىمەن قاتار ستۋدەنتتەر ءبىتىرۋشى كۋرستا پراكتيكانىڭ قالاي وتكىزىلەتىنىنە قىزىعۋشىلىق تانىتتى.

رەكتور قازىرگى جاعدايدى ەسكەرە وتىرىپ، ۋنيۆەرسيتەت تاراپىنان ستۋدەنتتەرگە بارلىق جاعداي جاسالاتىندىعىن اتاپ ءوتتى. وقۋشىلارعا جانە ستۋدەنتتەرگە ساتتىلىك پەن دەنساۋلىق تىلەدى.

كەزدەسۋ وتە ناتيجەلى ءوتتى. كەزدەسۋگە قاتىسۋشىلار مەن تالاپكەرلەر قوسىمشا سۇراقتاردى جەكە پوشتاعا جانە رەكتور بلوگىنا، الەۋمەتتىك جەلىلەردەگى ۋنيۆەرسيتەتتىڭ رەسمي پاراقشالارىنا جىبەرە الادى.

تىكەلەي ەفيردەن كەيىن كەزدەسۋگە قاتىسۋشىلاردىڭ بارلىق ماسەلەلەرى تالداندى. تولىق جاۋاپتار ۋنيۆەرسيتەت سايتىندا جانە الەۋمەتتىك جەلىلەردە ورنالاستىرىلادى.

ءجيى قويىلاتىن سۇراقتار بويىنشا تومەندەگى مالىمەتتەردەن ناقتى اقپارات الۋعا بولادى:

- پەداگوگيكالىق ماماندىققا تۇسەتىن تالاپكەرلەرگە ارنالعان ونلاين-تەستتەن ءوتۋ الگوريتمى جانە ونلاين-تەستتىڭ ناتيجەلەرى «وقۋعا تۇسۋشىلەرگە» بولىمىندە ورنالاستىرىلعان. پەداگوگيكالىق ەمتيحان: https://www.kaznpu.kz/kz/2200/page/.

- ونلاين رەجيمىندە شىعارماشىلىق ەمتيحاندارىنا دايىندىق الگوريتمى جانە شىعارماشىلىق ەمتيحان ناتيجەلەرى: https://www.kaznpu.kz/kz/2203/page/.

-  جىل سايىن ۋنيۆەرسيتەت «التىن بەلگى» يەگەرلەرىنە، كوپ بالالى وتباسىلاردىڭ ستۋدەنتتەرىنە جانە مۇمكىندىگى شەكتەۋلى بالالارعا 100% دەيىن وقۋ اقىسىنا جەڭىلدىكتەر ۇسىنادى. سونداي-اق، دارىندى جانە تالانتتى ستۋدەنتتەرگە گرانتتار مەن جەڭىلدىكتەر الۋعا مۇمكىندىكتەر قاراستىرىلعان. تالاپكەرلەر ءۇشىن جەڭىلدىكتەر تۋرالى ەرەجە:http://kaznpu.kz/docs/postupaushim1_1/Pol_2020.pdf.

- جاتاقحانالاردا ورىندار ءبولۋ قازاقستان رەسپۋبليكاسى ءبىلىم جانە عىلىم ءمينيسترىنىڭ «مەملەكەتتىك ءبىلىم بەرۋ ۇيىمدارىنىڭ جاتاقحانالارىندا ورىندار ءبولۋ ەرەجەسىن بەكىتۋ تۋرالى» بۇيرىعىنا سايكەس جۇزەگە اسادى. ورىنداردى ءبولۋ ۇدەرىسى «Univer» جۇيەسى ارقىلى جۇرەدى: http://kaznpu.kz/docs/obchag_slid.pdf. جاتاقحانادان ورىن بەرۋ ءتارتىبى تۋرالى اقپارات: قۇجاتتار ءتىزىمى جانە جاتاقحانادان ورىن ءبولۋ الگوريتمى سايتتا «جاتاقحاناعا ورنالاسۋ بويىنشا اقپارات» بولىمىندە ۇسىنىلعان:https://www.kaznpu.kz/kz/2507/page/.

سوڭعى جاڭالىقتار

ۇقساس جاڭالىقتار