"مەيىرىم" ەلەكتروندى ديسكونت كارتاسى (بۇدان ءارى – ەلەكتروندى كارتا) مۇمكىندىگى شەكتەۋلى ازاماتتاردىڭ تەمىر جول بيلەتتەرىن ۇيدەن شىقپاي-اق, قاشىقتىقتان ساتىپ الۋعا مۇمكىندىك بەرەدى.
ەلەكتروندى كارتانى كليەنتتەر بازاسىنا تىركەلگەننەن كەيىن "جولاۋشىلار تاسىمالى" اق بيلەت كاسساسىنان الۋعا بولادى. ول ءۇشىن وزىمەن بىرگە جەكە باسىن جانە مۇگەدەك توبىن كۋالاندىراتىن قۇجاتتاردىڭ تۇپنۇسقالارى بولۋى قاجەت.
ۇلتتىق تاسىمالداۋشى اعىمداعى جىلدىڭ 15 مامىرىنان باستاپ تەمىر جول بيلەتتەرى قايتا ساتىلا باستاعانىن جانە ءوز جولاۋشىلارىنان جول ءجۇرۋ قۇجاتتارىن (بيلەتتەردى) قاشىقتان, WWW.BILET.RAILWAYS.KZ سايتىنان راسىمدەۋلەرىن سۇرايدى.
2020 جىلدىڭ 15 مامىرىنان باستاپ بارلىعى 2 ملن تەمىر جول بيلەتتەرى, سونىڭ ىشىندە ونلاين, ءارتۇرلى ينتەرنەت-رەسۋرستارى ارقىلى 860 مىڭنان استام بيلەت ساتىلدى.
