«Sky News Arabia» تەلەكومپانياسىنىڭ ءۇش قىزمەتكەرى سيريادا ءىز-ءتۇسسىز جوعالدى. بۇل تۋرالى يتار-تاسس حابارلادى.
«Sky News Arabia» تەلەارناسى قىزمەتكەرلەرى جوعالۋى مۇمكىن ايماقتارعا حابارلاسىپ, ولاردى قايتارۋلارىن سۇرادى.
كومپانيا جەتەكشىسى نارت بوۋران الگى ءۇش ءجۋرناليستىڭ سيريانىڭ سولتۇستىك اۋداندارىنداعى گۋمانيتارلىق جاعدايدى تۇسىرۋگە بارعانىن مالىمدەدى. بولجام بويىنشا, رەپورتەر يسحاك موستار, تەلەوپەراتور سامير كاسساب جانە وتباسىنىڭ ءوتىنىشى بويىنشا اتى اتالماي وتىرعان كولىك جۇرگىزۋشىسى الەپپو قالاسى ماڭىندا جوعالىپ كەتكەن.
ن.بوۋران ءسوز ورايىندا سيريانىڭ سولتۇستىك اۋداندارى بۇگىنگى تاڭدا جۋرناليستەر ءۇشىن اسا قاۋىپتى ايماق ەكەنىن اتاپ ءوتتى. سوڭعى بىرنەشە ايدا مۇندا سيريا مەن شەتەلدىڭ ون شاقتى باق وكىلدەرى قازا بولعان, جاراقات العان نەمەسە سودىرلاردىڭ قاماۋىنا الىنعان ەكەن.
ايدار ورىسباەۆ.
