وڭتۇستىك قازاقستان • 21 شىلدە، 2020

تۇركىستاندا 130 مىڭعا جۋىق وقۋشى ءۇي جاعدايىندا ينتەرنەت جەلىسىنە قوسىلا المايدى

26 رەت كورسەتىلدى

تۇركىستان وبلىسى اۋماعىنداعى 910 مەكتەپتە ءبىلىم الاتىن وقۋشىلار سانى – 499 535، دەپ جازادى Egemen.kz

ال ءبىرىنشى سىنىپ وقۋشىلارى بيىل 1 تامىزعا دەيىن eGov.kz پورتالى ارقىلى تىركەلەدى. ياعني الداعى ۋاقىتتا وقۋشىلار سانى ارتا تۇسەدى. قازىرگى تاڭدا 2020-2021 جاڭا وقۋ جىلىن قاشىقتان وقىتۋعا دايىندىق جۇمىستارى جۇرگىزىلۋدە. وسىعان وراي، وقۋ پروتسەسىن ۇيىمداستىرۋدىڭ تۇرلەرى جان-جاقتى قاراستىرىلۋدا.

وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ادامي الەۋەتتى دامىتۋ باسقارماسىنىڭ باسشىسى راقىمبەك جولاەۆ ءبىرىنشى توقساندا شالعايدا ورنالاسقان شاعىن جيناقى اۋىلدى مەكتەپتەردى قوسپاعاندا، بارلىق مەكتەپتەردە 1-11 سىنىپ وقۋشىلارى قاشىقتان ءبىلىم الاتىنىن ايتىپ ءوتتى.

"وبلىستاعى 139 شاعىن جيناقى مەكتەپتەگى وقۋشى سانى – 12 378. ەگەردە اتالعان مەكتەپتەر ورنالاسقان ەلدى مەكەندەردە ىندەتتەن قاۋىپ جوق بولسا، سانيتارلىق ەپيدەميالوگيالىق قىزمەتتىڭ رۇقساتىمەن ءداستۇرلى تۇردە وقىتىلاتىن بولادى"، دەدى باسقارما باسشىسى.

سونىمەن قاتار وبلىستاعى قالعان مەكتەپتەردە باستاۋىش سىنىپ وقۋشىلارى اتا-انالارىنىڭ ءوتىنىشى بويىنشا، احۋال جاقسارعان جاعدايدا، قاتاڭ سانيتارلىق تالاپتاردى ساقتاي وتىرىپ، كەزەكشى سىنىپتاردىڭ جۇمىس ىستەۋىنە مۇمكىندىك بەرىلەدى.

الداعى ۋاقىتتا ەلىمىزدەگى احۋال دۇرىستالىپ، قاۋىپتىڭ سەيىلگەنىنە كوز جەتكىزگەن كەزدە، مەكتەپتەردى بىرتىندەپ ارالاس وقىتۋ جانە شتاتتىق فورماتتا وقىتۋعا كوشىرۋ جۇرگىزىلەتىن بولادى.

"ۇستازدار مەن وقۋشىلاردىڭ ءۇي جاعدايىنداعى قاشىقتان وقىتۋ مۇمكىندىكتەرى دە قاراستىرىلۋدا. وبلىستا 499 535 وقۋشى بولسا، بۇل 200 مىڭنان استام وتباسىنىڭ بالالارى. جاسالعان تالداۋ قورىتىندىسى بويىنشا، وبلىستاعى 28% وتباسى ءۇي جاعدايىندا ينتەرنەت جەلىسىنە قوسىلا المايدى (130 مىڭعا جۋىق وقۋشى)، ال 34% وتباسىندا كومپيۋتەرلىك تەحنيكا جوق (60 مىڭنان استام وقۋشى). قازىرگى تاڭدا، وسى وقۋشىلاردى ينتەرنەتپەن جانە كومپيۋتەرمەن قامتاماسىز ەتۋ ماسەلەسى بويىنشا جۇمىستار اتقارىلۋدا. مەكتەپتەردەگى تەحنيكالار كەلىسىممەن ۋاقىتشا پايدالانۋعا بەرىلەتىن بولادى"، دەدى راقىمبەك قۋاتبەك ۇلى.

بۇدان وزگە، وبلىستاعى 65 كوللەدج 2019-2020 وقۋ جىلىندا اۆتوماتتاندىرىلعان ينتەراكتيۆتى پلاتفورمالاردىڭ كومەگىمەن ستۋدەنتتەرگە تەحنيكالىق جانە كاسىپتىك ءبىلىم بەرۋدى جۇزەگە اسىردى. جاڭا 2020-2021 وقۋ جىلىندا دا قاشىقتان ءبىلىم بەرۋدى اتالعان پلاتفورمالاردىڭ كومەگىمەن جۇزەگە اسىرۋ جوسپارلانىپ وتىر.

 

 

تۇركىستان وبلىسى

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار