ساپار بارىسىندا سەناتور بۇگىندە 525 توسەك ورنى بار اۋرۋحانا جۇمىسىمەن تانىسىپ, ناۋقاستاردىڭ جاعدايىن ءبىلدى. سونىمەن قاتار ينفەكتسيالىق ناۋقاستارعا ارنالعان قوسىمشا 30 توسەك ورىن ازىرلەنگەن.
ماماندار ايماقتا پاندەمياعا قارسى كۇرەستىڭ ەڭ باسىندا كوروناۆيرۋستىق ينفەكتسياسى بار ناۋقاستارعا جانە ولارمەن بايلانىستا بولاتىن ادامدارعا كومەك كورسەتۋ ماقساتىندا 760 توسەك دايىندالعاندىعى تۋرالى حابارلادى. الايدا, ەپيدەميولوگيالىق جاعدايدىڭ قيىن بولۋىنا بايلانىستى توسەك سانى 2410-قا دەيىن ۇلعايتىلدى. ەمحانالاردا 64 وكپەنى جاساندى جەلدەتۋ اپپاراتى بار, ونىڭ التاۋى وبلىستىق جۇقپالى اۋرۋلار اۋرۋحاناسىنا بەرىلدى.
ازاماتتارعا قاجەتتى ءدارى-دارمەكتەردىڭ بار ەكەنىنە كوز جەتكىزۋ جانە تۇتىنۋشىلاردىڭ پىكىرلەرىن تىڭداۋ ماقساتىندا وبلىس اكىمى مەن سەناتور قالالىق ءدارىحانالاردى ارالاپ قايتتى. ودان ءارى دەلەگاتسيا وبلىستىق جۇقپالى اۋرۋلار قىزمەتىنىڭ كەڭسەسىنە, قالالىق اۋرۋحاناعا جانە ۇيدە مەديتسينالىق كومەك كورسەتەتىن ءموبيلدى توپ قۇرىلعان ەمحانالاردىڭ بىرىنە باردى. سونداي-اق, وبلىستا 125 ءموبيلدى مەديتسينالىق توپ بار. ولاردىڭ 33-ءى قالا تۇرعىندارىنا قىزمەت ەتسە, 28-ءى اۋدان ورتالىقتارىندا, 64-ءى اۋىلدىق ەلدى مەكەندەردە جۇمىس اتقارادى.
ء«وڭىردىڭ جاعدايى جالپى ەلدەگى احۋالعا سايكەس قيىن. ناقتى شارالار قاجەت. پاندەميامەن كۇرەس جەرگىلىكتى مەملەكەتتىك ورگانداردىڭ, قوعامنىڭ جانە ارقايسىمىزدىڭ ىنتامىز بەن باستامامىزدى قاجەت ەتەدى. الىپساتارلار ازاماتتاردىڭ ومىرىنە تولىق جاۋاپ بەرۋى كەرەك. قازىرگى جاعدايدى ءمىنسىز دەپ ايتۋ قيىن. جاقىن كۇندەرى ءبىز حالىقپەن كەزدەسىپ, ءدارىحانالار مەن اۋرۋحانالارعا قوعامدىق رەيدتەر وتكىزىپ, تۋىنداعان ماسەلەلەردى جەدەل شەشۋگە كومەكتەسەمىز», - دەدى مۇرات باقتيار ۇلى.
