ايماقتار • 21 شىلدە، 2020

ەلوردادا ستاتسيونارعا پنەۆمونيامەن تۇسەتىن ناۋقاستار سانى 33% ازايدى

12 رەت كورسەتىلدى

قابىلدانعان كارانتين شارالارى مەن ەمحانالاردا امبۋلاتوريالىق ەمدەۋ كۇشەيتىلگەندىكتەن، ستاتسيونارعا پنەۆمونيامەن تۇسەتىن ناۋقاستار سانى 33% (1348-دەن 903-كە دەيىن) ازايدى. بۇل تۋرالى ۇكىمەت وتىرىسىندا قالا اكىمى التاي كولگىنوۆ مالىمدەدى.

قالا ەمحانالارى كۇن سايىن سيمپتومسىز جانە كۆي-ءدىڭ جەڭىل ءتۇرىن جۇقتىرعان، پنەۆمونياعا شالدىققان ناۋقاستارعا مونيتورينگ جۇرگىزەدى، تەلەمەديتسينا شەڭبەرىندە ونلاين-كەڭەستەر وتكىزەدى، ۇيدە ستاتسيونارلار ۇيىمداستىرادى.

قالا اكىمدىگىمەن بىرلەسىپ قابىلدانعان امبۋلاتوريالىق ەمدەۋدى كۇشەيتۋ شارالارى اۋرۋدىڭ باستاپقى كەزەڭىندە قاجەتتى مەديتسينالىق كومەك كورسەتۋگە جانە اۋرۋدىڭ اسقىنۋىنا جول بەرمەۋگە مۇمكىندىك بەرەدى. بۇدان باسقا، جەدەل جاردەم ستانتسياسىنا تۇسەتىن قوڭىراۋلار ازايعان: كۇنىنە شاقىرتۋلار سانى ەكى ەسە قىسقاردى (3 مىڭنان 1 400-گە دەيىن)، جۇگىنۋشىلەر سانى دا 2 ەسە تومەندەگەن (4 300-دەن 2 مىڭعا دەيىن)، ونىڭ ىشىندە كۆي بويىنشا تاۋلىگىنە 500-دەن 175-كە دەيىن مەديتسينالىق كومەككە جۇگىنۋشىلەر قىسقارعان. جەدەل جاردەم ستانتسياسىنىڭ جۇمىسىن جەڭىلدەتۋ ءۇشىن تەلەگرام-بوت (@ns103bot) قۇرىلدى، ول كۇن سايىن 200-گە دەيىن ءوتىنىشتى وڭدەيدى، كولل-ورتالىق 500-گە دەيىن قوڭىراۋعا جاۋاپ بەرەدى.

احۋالدىق ورتالىق 1200-دەن استام ادامنىڭ ءوتىنىشىن قابىلداپ، ونىڭ ىشىندە 901-ءى ستاتسيونارلارعا بولىنگەن. سونداي-اق، Damumed ءموبيلدى قوسىمشاسى جۇمىس ىستەيدى. قوسىمشا ارقىلى ونلاين-قابىلداۋعا جازىلۋعا جانە بەينەقوڭىراۋ فورماتىندا تەگىن كەڭەس الۋعا بولادى. قابىلداۋ تۋرالى بارلىق اقپارات دارىگەردىڭ مەديتسينالىق جازباسىندا ساقتالادى.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار