2013 جىلعى 28 قاڭتار, استانا قالاسى
«تەحنيكالىق قۇرالداردىڭ ولشەم قۇرالدارىنا تيىستىلىگىن بەلگىلەۋ ەرەجەلەرىن بەكىتۋ تۋرالى» قازاقستان رەسپۋبليكاسى يندۋستريا جانە ساۋدا ءمينيسترىنىڭ 2009 جىلعى 12 قاراشاداعى № 312 بۇيرىعىنا وزگەرىس ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» قازاقستان رەسپۋبليكاسىنىڭ 1998 جىلعى 24 ناۋرىزداعى زاڭىنىڭ 43-1-بابىنا سايكەس, بۇيىرامىن:
1. «تەحنيكالىق قۇرالداردىڭ ولشەم قۇرالدارىنا تيىستىلىگىن بەلگىلەۋ ەرەجەلەرىن بەكىتۋ تۋرالى» قازاقستان رەسپۋبليكاسى يندۋستريا جانە ساۋدا ءمينيسترىنىڭ 2009 جىلعى 12 قاراشاداعى № 312 بۇيرىعىنا (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 5963 تىركەلگەن, 2010 جىلعى 19 ناۋرىزداعى № 12 (482) «رەسمي گازەتتە», 2010 جىلعى قازاقستان رەسپۋبليكاسى ورتالىق ورىنداۋشى جانە باسقا مەملەكەتتىك ورگاندارى اكتىلەرىنىڭ № 8 جيناعىندا جاريالانعان) مىناداي وزگەرىس ەنگىزىلسىن:
كورسەتىلگەن بۇيرىقپەن بەكىتىلگەن تەحنيكالىق قۇرالداردىڭ ولشەم قۇرالدارىنا تيىستىلىگىن بەلگىلەۋ ەرەجەلەرىندە:
6-تارماقتىڭ ءۇشىنشى ءبولىمى مىناداي رەداكتسيادا جازىلسىن:
«تەحنيكالىق قۇرالداردىڭ ولشەم قۇرالدارىنا تيىستىلىگىن بەلگىلەۋ بويىنشا بەرىلگەن قۇجاتتاردى قاراستىرۋ جۇمىستارى وسى ەرەجەلەردىڭ 5-تارماعىنا سايكەس قۇجاتتار جيىنى جانە كەلىسىمشارت بويىنشا تولەم تۇسكەن مەرزىمنەن باستاپ 30 (وتىز) جۇمىس كۇنىنەن اسپايتىن مەرزىمدە جۇرگىزىلەدى. جۇمىستار قۇنى «مەملەكەتتىك م ۇلىك تۋرالى» قازاقستان رەسپۋبليكاسىنىڭ 2011 جىلعى 1 ناۋرىزداعى زاڭىنا سايكەس انىقتالادى.
2. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتى (ر.ا. ساتباەۆ) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە بۇقارالىق اقپاراتتىق قۇرالدارىندا رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى يندۋستريا جانە جاڭا تەحنولوگيالار ۆيتسە-ءمينيسترى ق.ا. تۋلەۋشينگە جۇكتەلسىن.
4. وسى بۇيرىق ءبىرىنشى رەسمي جاريالانعان كۇننەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى ءا.يسەكەشەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 25 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8341 بولىپ ەنگىزىلدى.
