"كوروناۆيرۋس ىندەتىنىڭ بەلەڭ الۋىنا جانە دەمالۋشىلاردىڭ ازاماتتىق جاۋاپكەرشىلىگىنىڭ تومەندىگىنە بايلانىستى اقمولا وبلىسىنىڭ تۋريستىك ايماقتارى 24 شىلدە كۇنى ساعات 00:00-دەن 3 تامىز كۇنى ساعات 00:00-گە دەيىن جابىلادى", دەلىنگەن اقمولا وبلىسىنىڭ تۋريزم باسقارماسىنىڭ Instagram-داعى حابارلاماسىندا.
تۋريستىك ايماقتاردىڭ پەريمەترى بويىنشا كىرۋ كەزىندە بلوكبەكەت ورناتىلادى جانە اۆتوكولىك قوزعالىسى شەكتەلەدى. بۇرىن كەلگەن تۋريستەر قوناق ۇيلەر مەن ساناتوريالىق-كۋرورتتىق نىسانداردا قالادى. دەمالىس ايماعىندا جۇرگەن ادامدار بەتپەردەنى تاعىپ ءجۇرۋدى جانە الەۋمەتتىك قاشىقتىق ەرەجەسىن ساقتاۋى قاجەت. ەندى قوناق ۇيلەردى برونداۋعا, وتىنىمدەردى قابىلداۋعا تىيىم سالىنادى.
مەملەكەتتىك تاپسىرىس بويىنشا جۇمىس ىستەيتىن ساناتوريالىق-كۋرورتتىق وبەكتىلەر كۇشەيتىلگەن سانيتارلىق-دەزينفەكتسيالىق رەجىمدى ساقتاي وتىرىپ, جۇمىسىن جالعاستىرادى.
جالعا الىنعان جاعاجايلار, ساۋنالار, قوناق ۇيلەر جانىنداعى باسسەيندەر قىزمەتىنە تىيىم سالىنادى. سونداي-اق, سۋ ايدىندارىنىڭ ماڭىندا ورنالاسقان ويىن-ساۋىق جانە ساۋدا نۇكتەلەرىنىڭ, قايىق ستانسالارىنىڭ جۇمىسى توقتاتىلدى.
"شەكتەۋ شارالارى ۇنەمى ەرەكشە باقىلاۋدا بولادى. كوروناۆيرۋسپەن كۇرەسۋ ءۇشىن وبلىس جانە ايماق تۇرعىندارى جاعدايعا تۇسىنىستىكپەن قاراپ, دەمالىس جانە كوپشىلىك جينالاتىن ورىندارعا بارۋدان باس تارتۋ كەرەك", دەلىنگەن حابارلامادا.
