وليمپيا ويىندارىندا ەڭ كوپ جۇلدە وسى جەڭىل اتلەتيكا باسەكەسىنە تيەسىلى ەكەنىن جانكۇيەر جۇرت جاقسى بىلەدى. ماسەلەن, 2016 جىلعى ريو وليمپياداسىندا 47 جۇلدە جيىنتىعى ساراپقا سالىنعان بولاتىن. جاڭا كەستەگە سايكەس, توكيو وليمپياداسىندا جەڭىل اتلەتيكا دوداسى 2021 جىلدىڭ 30 شىلدەسىندە باستالىپ, 8 تامىزدا ەرلەر مارافونىمەن اياقتالادى. سونداي-اق وليمپيادا تاريحىندا تۇڭعىش رەت ايەلدەر مەن ەرلەر اراسىنداعى مارافون جەڭىمپازدارىن ماراپاتتاۋ ءساتى جابىلۋ سالتاناتىندا ۇيىمداستىرىلماق.
ءبىر ايتا كەتەرلىگى, وليمپيا ويىندارىندا جەڭىل اتلەتيكادان مەدال جيىنتىعى كوپ تاراتىلاتىن كۇن سەنبىگە, ياعني 7 تامىزعا تۋرا كەلىپ تۇر. سول كۇنى ەرلەر اراسىندا ديسك لاقتىرۋدان ءۇش فينالدىق سىن, ايەلدەر اراسىنداعى 100 مەترگە جانە 400 مەترگە ەستافەتالىق جارىس جوسپارلانعان.
