مىسالى, تۇركىستان وبلىسى سوزاق اۋدانىنىڭ تۇرعىندارى جەرگىلىكتى كاسىپكەرلەرگە شەكسىز العىستارىن بىلدىرۋدە. ونىڭ وزىندىك سەبەبى دە بار. وبلىستىق ءماسليحاتتىڭ دەپۋتاتى, كاسىپكەر ماعاۋيا تۇرىسبەكوۆ تۇركيادان 5 جاساندى تىنىس الۋ اپپاراتىن الدىرتىپ, اۋداندىق ورتالىق اۋرۋحاناعا تابىس ەتپەك. «ىندەت بەلەڭ الىپ تۇرعاندا, مۇنداي وتتەگى كونتسەنتراتورلارىنىڭ ناۋقاستار ءۇشىن پايداسى زور. ادام وكپەسى زاقىمدانعاندا وتتەگى جەتپەي قينالادى. بۇل اپپارات كوپتەگەن ادامنىڭ ومىرىنە اراشا بولادى. وسى ۋاقىتقا دەيىن كاسىپكەر بازارباي نۇرلانوۆ 2 وتتەگى كونتسەنتراتىن سىيعا تارتتى. جالپى, اۋداننىڭ ازاماتتارىنا ۇلكەن العىسىمدى ايتامىن. اتىن اتاماۋدى وتىنگەن تاعى ءبىر كاسىپكەر اۋرۋدىڭ ورتاسىندا جۇرگەن دارىگەر, مەدبيكە, سانيتار, ناۋقاس جاندارعا قۇنارلى تاماققا دەپ 300 مىڭ تەڭگەنىڭ اس-اۋقاتىن اۋرۋحاناعا جەتكىزىپ بەردى. تاۋكەنت كەنتىندەگى پروۆيزورلىق ورتالىققا «ساۋران» جشس-نىڭ باس ديرەكتورى مارات وسپان, جەكە كاسىپكەر نۇرجان مۇحانوۆ ەسىمدى ازاماتتار قوي سويدى. گۇلزادا تولەنوۆا ءوز قارجىسىنان مەديتسينا قىزمەتكەرلەرىنە ارناپ 100 دانا بەتپەردە تىكتى», دەيدى اۋداندىق ورتالىق اۋرۋحانانىڭ باس دارىگەرى تالعات قالدىبەكوۆ.
اۋداننىڭ تۋماسى ماعاۋيا تۇرىسبەكوۆ جومارتتىعىمەن جۇرتقا جاقسى تانىلعان جان. ول ءوز قارجىسىنا اۋداندىق ارداگەرلەر ءۇيىن, Nur Otan پارتياسىنىڭ عيماراتىن سالىپ بەرگەن بولاتىن. سونداي-اق توتەنشە جاعداي كەزىندە ء«بىز بىرگەمىز!» اكتسياسى اياسىندا جاعدايى تومەن 200 وتباسىنا ازىق-ت ۇلىك تاراتقان ازامات, ەندى ناۋقاستارعا قيىن ساتتە دە كومەك بەرۋدى ماقسات ەتىپ وتىر.
اۋرۋحانالارعا قاجەتتى قۇرىلعىلار الۋ, دارىگەرلەردى قولداۋ باعىتىنداعى ساۋاپتى ءىس جاساپ جۇرگەن جومارت جاندار وبلىستىڭ بارلىق اۋداندارىندا بار. مىسالى, تۇلكىباس اۋدانىنىڭ ەرىكتى تۇرعىندارى اۋداندىق اۋرۋحاناعا قازىرگى تاڭدا تازالىق ءۇشىن اسا قاجەتتى 5 بىردەي اۆتوماتتاندىرىلعان كىر جۋ ماشيناسىن تارتۋ ەتتى. ال ابايىل مەن جاسكەشۋ اۋىلىنىڭ ازاماتتارى ورتاعا قارجى جيناپ, 30 مۇقتاج وتباسىنا قۇرباندىققا شالىنعان 2 ءىرى قارا مەن 2 قويدىڭ ەتىن, ءبىرىنشى قاجەتتىلىكتەگى ازىق-ت ۇلىك جيناعىمەن بىرگە تاراتتى. بۇعان دەيىن تۇلكىباستىق دەمەۋشىلەر مەن ەرىكتىلەر ورتالىق اۋرۋحاناعا 210 وتتەگى باللونىن تارتۋ ەتكەن بولاتىن.
جالعاسىن تابار قايىرىمدىلىق ىستەردىڭ بىرقاتارىن عانا ايتىپ وتتىك. جومارت جانداردىڭ قولداۋىنان جاقسى حاباردار ءوڭىر تۇرعىندارىنا ادام ءبىرىنشى كەزەكتە ءوزىنىڭ دەنساۋلىعىن ساقتاۋ ارقىلى دا اينالاسىنداعى جاندارعا پايداسىن تيگىزەتىنى ءجيى ەسكەرتىلۋدە.
تۇركىستان وبلىسى
