"كوبەيتۇزدان تۇز ساتامىن, كەلىسى 5 مىڭ تەڭگە. كوپتەگەن اۋرۋدان ەمدەيدى, كوروناۆيرۋس پەن ديارەياعا كومەكتەسەدى. تاماقتى شايۋعا, تاماققا قوسۋعا, تۇزدى ۆاننانى قابىلداۋعا بولادى. تەك 10 شەلەك قانا قالدى", دەلىنگەن حابارلامالاردان كوز سۇرىنەدى.
بۇعان دەيىن تاتيانا شيشكينا ءوزىنىڭ Instagram جەلىسىندە: "كوبەيتۇز قىزعىلت كولىنە بارعان ساپارىندا كولگە كەلگەن دەمالۋشىلار ءبىرىنشى تامسانادى, ءار شارشى سانتيمەتردە سۋرەتكە تۇسەدى, كەيىننەن پاكەتتەرىن اشا باستايدى. وسىلايشا, تۋريستەر سۋعا ەرەكشە ءتۇس بەرەتىن كول تۇبىندەگى تۇزدى قازىپ الادى", دەپ جازعان بولاتىن.
تاتيانانىڭ ايتۋىنشا, ادامدار تۇزدى قاپپەن, شەلەكپەن الىپ كەتۋدە. ولار كول ماڭىنداعى "تۇز بەن بالشىقتى الۋعا بولمايدى, بۇل ميكروفلورانى بۇزادى, ول تەك 15 جىلدان سوڭ عانا قالىپقا كەلەدى" دەگەن جازۋى بار پلاكاتقا ءدا مان بەرمەيتىن كورىنەدى.
ايتا كەتەيىك, قازاقستاننىڭ ەكولوگيا, گەولوگيا جانە تابيعي رەسۋرستار مينيسترلىگىندە تەكسەرىس باستالدى. "قازىر ءبىز كوبەيتۇز كولىنە كەلدىك. ەكولوگيالىق رەتتەۋ جانە باقىلاۋ كوميتەتىنىڭ توراعاسى زۋلفۋحار جولداسوۆتىڭ باسشىلىعىمەن مينيسترلىكتىڭ مامانداندىرىلعان توبى قاجەتتى جۇمىستار جۇرگىزۋدە. قازىردىڭ وزىندە ءتيىستى شارالاردى قولعا الدىق. بۇدان باسقا, ەكولوگتەر سۋدىڭ ساپاسىن جانە سۋ ءتۇبىنىڭ شوگىندىلەرىن تەكسەرۋگە سىناما الدى. كەشكە قاراي جۇمىستىڭ الدىن الا ناتيجەلەرى تۋرالى حابارلايمىز", دەيدى ەكولوگيا مينيسترلىگىنىڭ باسشىلىعى.
الدىڭعى اقپاراتتاردا حابارلانعانداي, ەپيدەميالىق جاعداي تۇراقتانعانعا دەيىن "كوبەيتۇز" قىزعىلت كولىنە قازاقستاندىقتارعا بارۋعا تىيىم سالىندى.
