ءبىلىم باسقارماسىنىڭ باسشىسى شولپان قادىروۆا: "وقۋ جىلىنىڭ سوڭىنا پەداگوگيكالىق كادرعا دەگەن قاجەتتىلىك 842 ادامدى قۇرادى. نەگىزىنەن بۇل – ورىس تىلىندە وقىتاتىن باستاۋىش سىنىپ مۇعالىمدەرى, ورىس ءتىلى مەن ادەبيەتى, ماتەماتيكا, ينفورماتيكا, اعىلشىن ءتىلى, دەفەكتولوگتەر, لوگوپەدتەر, سونىمەن قاتار مەكتەپكە دەيىنگى ارناۋلى ءبىلىمى بار تاربيەشىلەر قاجەت بولىپ تۇر", دەيدى ونلاين-بريفينگتە سويلەگەن سوزىندە.
سونداي-اق باسقارما باسشىسى ءبىلىم بەرۋ ۇيىمدارىن كادرمەن قامتاماسىز ەتۋ بويىنشا قالادا جول كارتاسى بەكىتىلگەنىن تىلگە تيەك ەتتى.
ونىڭ ايتۋىنشا, جوبا اياسىندا رەسپۋبليكالىق جوو مەن تەحنيكالىق جانە كاسىپتىك ءبىلىم بەرۋ مەكەمەلەرىمەن جۇمىس جۇرگىزىلىپ جاتىر. ەلورداعا پەداگوگتەردى تارتۋ ءۇشىن ۋنيۆەرسيتەت تۇلەكتەرىمەن ونلاين كەزدەسۋلەر جۇرگىزۋ جۇمىستارى جالعاسىپ جاتىر. مەكتەپتەردىڭ باسشىلارى, بالاباقشا مەڭگەرۋشىلەرى ونلاين ەڭبەك جارمەڭكەلەرىنە قاتىسىپ, enbek.kz پورتالىندا ۇمىتكەرلەردى قاراستىرىلىپ جاتقانىن اتاپ ءوتتى.
"بيىلدان باستاپ جاڭالىعىمىز بار. ءبىلىم باسقارماسىنىڭ سايتىندا بوس جۇمىس ورىندارىنىڭ HR كادرلىق پورتالى اشىلدى. وندا ءبىلىم بەرۋ ۇيىمدارىنا جۇمىس ىستەۋگە ىنتالى كەز كەلگەن ادام بوس جۇمىس ورىندارىنا تىركەلىپ, ءوتىنىش بەرە الادى جانە باسقا وڭىرلەردەن كەلگەن جاس ماماندارعا 2019 جىلى اشىلعان جاتاقحاناعا جولداما الۋعا بولادى", دەيدى باسقارما باسشىسى ش.قادىروۆا.
الدىڭعى اقپاراتتاردا ايتقانىمىزداي, بيىل ءبىلىم بەرۋ ۇيىمدارى جاڭا وقۋ جىلىن قاشىقتان باستايدى. سويتە تۇرا باستاۋىش سىنىپ وقۋشىلارى ءۇشىن ارنايى كەزەكشى سىنىپتار اشىلىپ, وندا 10-15 بالا وقۋدى قاراستىرىپ وتىر. كەزەكشى سىنىپقا بارۋ ءۇشىن اتا-انالار ارنايى ءوتىنىش جازۋ كەرەك.
