"بۋراباي" ۇلتتىق تابيعي پاركىندە دەمالۋشىلار سانىنىڭ كۇرت كوبەيۋىنەن, ينە شانشار جەر جوق. دەمالۋشىلارعا كولگە تۇسۋگە تىيىم سالىنعان تاقتايشا تۇرسا دا, ەلەمەي سۋعا تۇسە بەرەدى.
باسشىلىقتىڭ ايتۋىنشا, ولار مەديتسينالىق-سانيتارلىق نورمالاردى ساقتامايدى. جەرگىلىكتى پوليتسيا وكىلدەرى ءتيىستى شارالاردى قولدانعانىمەن, مۇنىمەن تۋريستەردى قورقىتۋ مۇمكىن ەمەستىگىن اتاپ ءوتتى.
ءتيىستى شارالاردى قولدانۋ نەگىزىندە, كوپشىلىگى اۋىزشا ەسكەرتۋلەرمەن شەكتەلىپ قالادى. ولاردىڭ تەك 8-ىنە عانا ايىپپۇل سالىنعان.
"ەندى دەمالۋشىلاردان جازباشا تۇسىنىكتەمە الامىز. جەكە كۋالىكتەرىنىڭ كوشىرمەسىن الىپ, اكىمشىلىك تىزىمگە تىركەيمىز. كەيىن ونى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ تىزىمىنە قوسامىز", دەيدى بۋراباي اۋدانى اكىمى اپپاراتىنىڭ باسشىسى قاسىمحان ماجىكوۆ.
سونىمەن قاتار بۋراباي اۋدانىنىڭ باس سانيتارلىق دارىگەرى سەرالى جولداسپاەۆ: "ادامدار اۋرۋدىڭ قانشالىقتى قاۋىپتى ەكەنىن ءالى كۇنگە دەيىن تۇسىنبەي جۇرگەن سياقتى. سوندىقتان بلوكبەكەتتەر قويۋ ارقىلى ادامداردىڭ كوبىرەك شوعىرلانۋىن, ياعني اۋرۋدىڭ بەلەڭ الۋىن تيامىز. ال دەمالۋشىلاردىڭ جاۋاپكەرشىلىگىنە سەنۋدەن قالدىق", دەيدى ول.
