قىمىزدىڭ قۇدىرەتىن جاقسى بىلەتىن تولە بي اۋدانىنىڭ جاستار رەسۋرستىق ورتالىعى ماماندارى مەن ەرىكتىلەرى اۋرۋحانادا جاتقان ناۋقاستارعا 300 ليتر ساۋمال-قىمىز بەن الەۋمەتتىك جاعدايى تومەن وتباسىلارعا ءدارى تاراتتى.
اۋداندىق جاستار رەسۋرستتىق ورتالىعىنىڭ باسشىسى پەردەبەك سەرجان ۇلى: «دەرتكە ءدارۋ, جانعا شيپا بولسىن دەپ ساۋمال جانە قىمىز تاراتتىق. قازىر ءۇش اۋرۋحانادا 123 ناۋقاس بار ەكەن, ارقايسىسىنا ۇلەستىردىك. الداعى ۋاقىتتا دا وسى ءۇردىستى جالعاستىرماق نيەتىمىز بار. ويتكەنى ەم رەتىندە جۇيەلى پايدالانۋ ناۋقاسقا وڭ اسەر ەتەدى دەپ سەنەمىز», دەيدى. سونىمەن قاتار دەمەۋشىلەردىڭ قولداۋىمەن 500 دانا پاراتسەتومول ءدارىسى اۋدان ورتالىعىنداعى ءدارىحانالار الدىندا تۇرعىندارعا تەگىن تاراتىلدى. ونىڭ 100 داناسى لەڭگىر قالالىق اۋرۋحاناسىنا بەرىلدى.
ال سوزاق اۋدانىندا جەرگىلىكتى كاسىپكەر بازارباي نۇرلانوۆ اۋرۋحاناعا 2 تىنىس الۋ اپپاراتىن سىيلادى. بۇل وتتەگى كونتسەنتراتورى شولاققورعانداعى ورتالىق جانە تاۋكەنت كەنتىندەگى اۋرۋحانالارعا تابىس ەتىلدى. سونداي-اق سايرام اۋدانىنىڭ كاسىپكەرلەرى 5 ملن تەڭگە كولەمىندە قارجى جيناپ, ونىڭ 3,5 ملن تەڭگەسىنە 19 «بوبروۆ» مەديتسينالىق تىنىس الۋ قۇرىلعىلارىن ساتىپ العان. وكپە قابىنۋىنا, كوروناۆيرۋس ىندەتىنە شالدىققان ناۋقاستارعا اسا قاجەتتى قۇرىلعىلار اۋداندىق ورتالىق اۋرۋحانالارعا ورناتىلدى.
تۇركىستان وبلىسى
