جاسوتاندىقتار باستاعان ەرىكتىلەر 800-دەن استام دەنساۋلىق سەبەتىن مەديتسينا قىزمەتكەرلەرىنە ۇلەستىرىپ ۇلگەردى. الماتى قالاسى بويىنشا كوروناۆيرۋستىڭ الدىن الۋ جانە ۆەدومستۆوارالىق كوميسسياسىنىڭ قولداۋ كورسەتۋىمەن جۇزەگە اسقان جوبانىڭ العاشقى كۇنى مەگاپوليستەگى ءۇش بىردەي ىرگەلى اۋرۋحانانىڭ قىزمەتكەرلەرى قولداۋ پاكەتىنە يە بولدى. جيىنتىق يممۋنيتەتتى نىعايتۋعا ارنالعان ونىمدەردەن قۇرالعان. ايتۋلى ناۋقان الداعى 4-5 كۇن بويى جالعاسىن تاباتىن بولادى.
– الەمدى شارپىعان كوروناۆيرۋستىق ينفەكتسيا ەشكىمدى بەيجاي قالدىرعان جوق. وسىنداي سىن ساعاتتا دارىگەرلەرىمىز وزگەلەردىڭ ءومىرى ءۇشىن ايانباي كۇرەسۋدە. ءتورت اي بويى تەر توگىپ, وتباسىنان جىراقتا جۇرگەن بۇگىنگى قوعامنىڭ باتىرلارىنا العىس بىلدىرگىمىز كەلدى. ولاردىڭ ەڭبەگىنىڭ ارقاسىندا قانشاما جان دەنەسىن دەندەگەن دەرتىنەن ايىعىپ, اياققا تۇردى. اكتسياعا ارنايى دايىندىقتان وتكەن 10-عا جۋىق ەرىكتى جۇمىلدىرىلدى. ولاردىڭ ارقايسىسى قورعانىش قۇرالدارىمەن قامتاماسىز ەتىلگەن. اكتسيا بارىسىندا بارلىق ساقتىق شارالارى ەسكەرىلدى, – دەيدى ەرىكتى بەكەمباي ساحي.
الماتى
