13 شىلدەدەن باستاپ رەزەرۆتىك قوردان ينفەكتسيالىق جانە پروۆيزورلىق اۋرۋحانالارعا 70 مىڭنان استام قاجەتتى ءدارى-دارمەك قاپتاماسى جەتكىزىلدى. ونىڭ ىشىندە دەكسامەتازون, تسەفترياكسون, ازيتروميتسين, ەنوكساپارين, وفلوفلوكساتسين, مەروپەنەم, كلەكسان جانە پاراتسەتامول بار.
"بۇگىندە اۋرۋحانادا كۆي جۇقتىرعان ناۋقاستاردى, سونىمەن قاتار قوسالقى اۋرۋلاردى ەمدەۋگە قاجەت ءدارى-دارمەكتەردىڭ ايلىق قورى بار. بۇگىنگى تاڭدا اۋرۋحانادا ءدارى-دارمەكتىڭ جەتىسپەۋشىلىگى جوق", - دەيدى قالالىق ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ ساراپشى-دارىگەرى تامارا ۋتاعانوۆا.
قورداعى ءدارى-دارمەكتەر فتيزيوپۋلمونولوگيا ورتالىعىنا دا جەتكىزىلدى. ىندەت باستالعان ۋاقىتتان بەرى بۇل اۋرۋحانا كارانتيندىك جانە پروۆيزورلىق ءبولىم رەتىندە جۇمىس ىستەپ كەلەدى. الايدا قازىر مۇندا تەك كوروناۆيرۋس جۇقتىرعان ناۋقاستار ەمدەلەدى.
"ەم قابىلداپ جاتقان ناۋقاستاردىڭ زارداپ شەكپەۋى ءۇشىن ءبىز ۇنەمى, كۇندىز-ءتۇنى, وزىمىزگە قاجەت ءدارى-دارمەكتەردىڭ ءوتىنىمىن جاسايمىز. نەگىزگى ءدارى-دارمەكتەردەن باسقا ءبىز گۋمانيتارلىق كومەك ەسەبىنەن دارىلىك زاتتار مەن باسقا دا مەديتسينالىق زاتتاردى الامىز. ولار قويمالاردا قالىپ قويمايدى. ويتكەنى ولارعا ءاردايىم قاجەتتىلىك بار. بىزگە كەلگەن ناۋقاستار ءدارى-دارمەكتەردى جانە جالپى مەديتسينالىق كومەكتى تولىق كولەمدە الادى. سوندىقتان پاتسيەنتتەر تەزىرەك ساۋىعىپ, ۇيلەرىنە ورالادى", - دەدى الماتى قالاسىنداعى فتيزيوپۋلمونولوگيا ورتالىعىنىڭ ينفەكتسيا ءبولىمىنىڭ مەڭگەرۋشىسى ابزال دۇيسەنبەك ۇلى.
وسى كۇندەرى № 7 قالالىق كلينيكالىق اۋرۋحانانىڭ ءدارىحانا قويماسىنىڭ مەديتسينالىق قىزمەتكەرلەرى دەمالىسسىز جۇمىس ىستەيدى. ءدارى-دارمەكتەرگە سۇرانىس كۇن سايىن ارتىپ كەلەدى. ال جاڭا جەتكىزىلىمدى ءتۇسىرۋ جەدەلدىكتى قاجەت ەتەدى.
"قالا اكىمدىگىنىڭ قولداۋىمەن قاجەتتى ءدارى-دارمەكپەن قامتاماسىز ەتۋ رەتتەلدى. كەشە عانا ءبىز ءدارى-دارمەكتىڭ ۇلكەن پارتياسىن قابىلدادىق", - دەدى قالالىق № 7 كلينيكالىق اۋرۋحاناسى باس دارىگەرى ورىنباسارىنىڭ م.ۋ.ا. كۇنسۇلۋ جۇماباەۆا.
اۋرۋحانا كوپسالالى جانە ينفەكتسيالىق-پروۆيزورلىق كومەك كورسەتەدى. مۇندا 300-دەن استام پاتسيەنت ستاتسيونارلىق ەمدەۋدە جاتىر. قاجەتتى ءدارى-دارمەكتەرگە سۇرانىس كۇن سايىن تۇسۋدە.
كەشە №7 قالالىق اۋرۋحاناعا انتيكواگۋليانتتار, گورمونالدى, ۆيرۋسقا قارسى دارىلەر يەن انتيبيوتيكتەر ءتۇستى. قازىر بۇل پرەپاراتتار قوراپتان شىعارىلىپ, بولىمدەرگە تاراتىلدى. مەديتسينالىق پەرسونالدى ءدارى-دارمەك جانە قورعانىس قۇرالدارىمەن قامتاماسىز ەتۋ 2 ايعا قاراستىرىلعان.
جالپى, 1 شىلدەدەن باستاپ "سك-فارماتسيا" جشس-مەن بىرگە ميلليوننان استام ءدارى قاپتاماسىن جەدەل تۇردە قالالىق اۋرۋحانالارعا جەتكىزۋ ۇيىمداستىرىلدى. ونىڭ ىشىندە 437 مىڭ انتيبيوتيك, 77 مىڭنان استام انتيكواگۋليانت, 160 مىڭ گورمونالدى جانە 77 مىڭ ىستىق تۇسىرەتىن دارىلەر بار. قازىرگى ۋاقىتتا بىرىڭعاي وپەراتورمەن اعىمداعى جىلدىڭ تامىز ايىنىڭ سوڭىنا دەيىن رەزەرۆتەردى قالىپتاستىرۋ بويىنشا قوسىمشا كەلىسىمدەرگە قول قويىلۋدا.
