قازاقستان • 17 شىلدە، 2020

اقتوبەدە ارمەنيادان اكەلىنگەن 480 كولىك تىركەلدى

23 رەت كورسەتىلدى

اقتوبە وبلىسىندا ارمەنيادان اكەلىنگەن 480 كولىك تىركەلدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

بيىل 1 ماۋسىمنان باستاپ ۇكىمەت قاۋلىسىنا سايكەس ەلدە قازاقستان رەسپۋبليكاسى ازاماتتارىنىڭ اتىنا قازاقستان رەسپۋبليكاسى اۋماعىنا ارمەنيادان 2020 جىلعى 1 اقپانعا دەيىن كىرگىزىلگەن، باسقارۋ قۇرىلعىسى سول جاقتا ورنالاسقان كولىك قۇرالدارىن تىركەۋ باستالدى.

– كولىك قۇرالدارىن تىركەۋ ءۇشىن كولىك يەلەرىنە جەكە باسىن كۋالاندىراتىن قۇجات، الىم مەن باجداردى تولەۋ تۋرالى قۇجاتتار، كولىكتى تىركەۋ تۋرالى كۋالىكتى جانە ارمەنيا رەسپۋبليكاسىنىڭ ۋاكىلەتتى ورگانىندا بەرىلگەن مەملەكەتتىك تىركەۋ نومىر بەلگىلەرىن ۇسىنۋى قاجەت. سونداي – اق قۇجاتتار مەملەكەتتىك نەمەسە ورىس تىلدەرىنە اۋدارىلىپ، نوتاريۋسپەن راستالۋى ءتيىس، – دەدى اكىمشىلىك پوليتسيا باسقارماسىنىڭ باستىعى ەرلان اليماگامبەتوۆ.

ە.اليماگامبەتوۆتىڭ ايتۋىنشا، ارمەنيادان اكەلىنگەن كولىك قۇرالدارىن تىركەۋ ەرەجەلەرىن ءتۇسىندىرۋ ءۇشىن پوليتسيا دەپارتامەنتىندە Call-ورتالىعى جۇمىس ىستەيدى. 525-100 تەلەفونى بويىنشا قوڭىراۋ شالىپ، كولىك قۇرالىن تىركەۋ جايىندا كەڭەس الۋعا بولادى. كولىكتەردى تىركەۋ ۋاقىتىنان باستاپ كولل-تسەنترگە 380-گە جۋىق ادام حابارلاسىپ، مامانداندىرىلعان حالىققا كومەك كورسەتۋ ورتالىعىنا 490-تان استام ادام جولىعىپ، 1،7 مىڭنان استام ادام كەڭەس الدى. ارمەنيا رەسپۋبليكاسىنان اكەلىنگەن 480 كولىك قۇرالى ەسەپكە الىنعانىن  تولىقتىرىپ ءوتتى.

سوڭعى جاڭالىقتار

ۇقساس جاڭالىقتار