ونىڭ ايتۋىنشا, بۇل جەلىگە قازاقستاننىڭ كەز كەلگەن تۇرعىنى ءوز قالاسى نەمەسە اۋدانىنداعى زاڭسىز قوقىس ورىندارى مەن دەرەكتەرى تۋرالى, راستايتىن فوتو, بەينەماتەريالداردى جولداي الادى.
"سىزدەرمەن, سونداي-اق ىشكى ىستەر دەپارتامەنتى جانە اكىمدىكتەرمەن بىرگە جاعدايدى باقىلاپ, سول جەرگە بارىپ, شارا قابىلدايتىن بولامىز", - دەدى مينيستر.
ەكولوگيا مينيسترلىگى ءبىر اي ىشىندە ەلىمىزدەگى بارلىق قوقىس پوليگوندارىنا تولىقتاي مونيتورينگىلەۋ جاساماق.
10 شىلدەدە ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ ەكولوگيا ماسەلەسى تۋرالى ايتا كەلىپ, زاڭسىز قوقىس ورىندارىنىڭ پروبلەماسىنا ەرەكشە نازار اۋداردى. جىل سايىن قازاقستاندا 5 ملن توننادان اسا قاتتى تۇرمىستىق قالدىقتار شىعارىلادى. ولاردى وڭدەۋ كولەمى ەلىمىز بويىنشا تەك 15% قانا. پرەزيدەنت ايتقانداي, بۇل جەتكىلىكسىز. سوندىقتان ول ۇكىمەتكە جەدەل تۇردە زاڭنامالىق بازا ازىرلەپ, "Waste to energy" تەحنولوگياسىن ەنگىزۋ ءۇشىن قولايلى ينۆەستيتسيالىق جاعداي تۋعىزۋدى تاپسىردى.
ەكولوگيا مينيسترلىگىنىڭ ستيحيالىق ۇيىندىلەر بويىنشا جەدەل جەلىسىنىڭ ءنومىرى: +77759524900.
