الەم • 17 شىلدە، 2020

قاپ تاۋىنداعى قاقتىعىس

477 رەت كورسەتىلدى

ازەربايجان مەن ارمەنيا شەكاراسىندا، ياعني توۆۋز ايماعىندا تاعى اتىس بولدى. وقيعانىڭ بۇلاي ورشۋىنە باكۋ بيلىگى دە، رەسمي ەرەۆان دا ءبىر-ءبىرىن كىنالاپ وتىر. ازەربايجان قورعانىس مينيسترلىگىنىڭ حابارلاۋىنشا، ارمەنيا قارۋلى كۇشتەرى ەلدى مەكەندەرگە وق جاۋ­دىرعان.

«ارمەنيا قارۋلى كۇشتەرىنىڭ بولىم­شەلەرى 16 شىلدە كۇنى تاڭەر­تەڭ توۆۋز اي­ما­عىنداعى پوزيتسيا­لارىمىزعا شا­بۋىلداۋعا تاعى ءبىر مارتە تالپىندى. سون­داي-اق اگدام، دوندار گۋشچۋ جانە ۆاحيدلي اۋىلدارىنا ءىرى كاليبرلى قا­رۋ­لار مەن مينومەتتەردەن وق جاۋ­دىردى. تۇر­عىندار اراسىندا زارداپ شەككەندەر جوق. قازىرگى تاڭدا جاع­داي اسكەرلەرىمىزدىڭ باقىلاۋىندا. حا­لىق­قا قوسىمشا اقپارات بەرىلەدى»، دەدى ازەر­بايجان قورعانىس مينيسترلىگى ءباس­پاسوز قىزمەتىنىڭ جەتەك­شىسى، پولكوۆنيك ۆاگيف دارگياحلى.

ءوز كەزەگىندە ارمەنيا تاراپى قاق­تىعىس­تىڭ قايتا ورشۋىنە كورشىلەرىن كىنالايدى. ارمەنيا قورعانىس مينيس­ترلىگىنىڭ ءباسپاسوز حاتشىسى شۋشان ستەپانيان الەۋمەتتىك جەلىدە شەكارا ماڭىن­داعى اي­گەپار اۋىلى­نىڭ اتىستان كەيىنگى كو­رىنىسىنىڭ سۋرەتتەرى مەن ۆيدەولارىن جاريالادى.

ەستەرىڭىزدە بولسا، 12 شىلدەدە ارمەنيا مەن ازەربايجان شەكاراسىندا قاقتىعىس تۋىنداپ، اتىس ەكى كۇنگە سوزىلعان-دى. ەكى ەل دە جان­جالدى باستادى دەپ ءبىر-ءبىرىن ايىپتادى.

ازەربايجان پرەزيدەنتى يل­حام اليەۆ وقيعاعا بايلانىس­تى مالىمدەمە جاساپ، وعان ارمە­نيا­نىڭ بۇكىل ساياسي جانە اسكە­ري باس­شىلىعى تولىق جاۋاپتى ەكە­نىنە نازار اۋداردى.

ال ارمەنيا پرەمەر-ءمينيسترى نيكول پاشينيان ازەربايجاندى «ارانداتۋ جاسادى» دەپ ايىپتاپ، مۇنداي ارەكەتكە جاۋاپ قايتارىلاتىنىن جەتكىزدى.

قازىرگە دەيىن وقيعا سالدارىنان بىر­نەشە سارباز قازا تاپتى. ازەربايجان قورعانىس مينيسترلىگى شامامەن 11 اسكەري باقيعا اتتانىپ، بەسەۋى جارالانعانىن ما­لىم­دەدى. ارمەنيا قورعانىس مينيسترلىگى كەلتىرگەن دەرەكتەرگە سۇيەنسەك، بۇل ەلدىڭ ءۇش ساربازى مەن ەكى پوليتسيا وفيتسەرى جارا­لانعان.

وسى وقيعاعا بايلانىستى قازاقستان سىرتقى ىستەر مي­نيس­ترلىگى دە مالىمدەمە جاساپ، تا­راپتاردى مامىلەگە كەلۋگە ش­اقىردى. «دوستاس ازەر­باي­جان رەس­پۋبليكاسى مەن ارمە­نيا رەسپۋبليكاسىن داۋلى ماسەلەلەردى شەشۋدە ۇستامدىلىق تانىتۋعا جانە كۇش قۇرالدارىن پايدالانۋدان باس تارتۋعا شاقى­رامىز. COVID-19 پاندەميا­سى مەن الەمدەگى الەۋمەتتىك-ەكونو­ميكا­لىق جاعدايدىڭ ناشارلاۋى اياسىندا قاقتى­عىستىڭ ودان ءارى ءورشۋى كۇتپەگەن تەرىس سالدارعا اكەلۋى مۇمكىن» دەلىنگەن قازاقستان سىرت­قى ىستەر مينيسترلىگىنىڭ مالىم­دەمەسىندە.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار