مەملەكەت باسشىسىنىڭ قاتىسۋىمەن وتكەن پارلامەنت سەناتىنىڭ وتىرىسىندا جوعارعى پالاتانىڭ ەكس-توراعاسى قايرات ءمامي ەلباسىنىڭ جوعارى سەنىمىنە ريزاشىلىعىن ءبىلدىردى, دەپ حابارلادى سەناتتىڭ ءباسپاسوز قىزمەتى.
«قاي قىزمەتتە جۇرسەم دە سەنىمىڭىزدى اقتاۋعا ۋادە بەرەمىن. جوعارعى سوتتىڭ توراعالىق قىزمەتى مەن ءۇشىن تانىس دۇنيە.
مەملەكەت باسشىسىنىڭ قاتىسۋىمەن وتكەن پارلامەنت سەناتىنىڭ وتىرىسىندا جوعارعى پالاتانىڭ ەكس-توراعاسى قايرات ءمامي ەلباسىنىڭ جوعارى سەنىمىنە ريزاشىلىعىن ءبىلدىردى, دەپ حابارلادى سەناتتىڭ ءباسپاسوز قىزمەتى.
«قاي قىزمەتتە جۇرسەم دە سەنىمىڭىزدى اقتاۋعا ۋادە بەرەمىن. جوعارعى سوتتىڭ توراعالىق قىزمەتى مەن ءۇشىن تانىس دۇنيە.سوڭعى كەزدەردە سوت جۇيەسىنە الاڭداۋشىلىق ءبىلدىرىپ ءجۇرگەنىڭىزدى بىلەمىن. سوت بيلىگىنىڭ بەدەلىن كوتەرۋگە ءوزىمنىڭ ارىپتەستەرىممەن بىرلەسە وتىرىپ, بارلىق جيناعان تاجىريبەمدى, كۇش-جىگەرىمدى جۇمسايمىن دەپ سەندىرەمىن.
قۇرمەتتى نۇرسۇلتان ءابىش ۇلى, سوڭعى ەكى جارىم جىل ىشىندە ءوزىڭىزدىڭ ۇسىنۋىڭىزبەن سەنات توراعاسى قىزمەتىن اتقاردىم. بۇل قىزمەت مەنىڭ بۇرىنعى اتقارعان جۇمىستارىمنان وزگەشە ءارى اۋقىمدى. وسى لاۋازىمدا مەن ومىرلىك, حالىقارالىق, ساياسي قىزمەت مەكتەبىنەن ءوتىپ, تاجىريبە جيناقتادىم دەپ ويلايمىن. ول ءۇشىن ارىپتەستەرىمە, اپپارات قىزمەتكەرلەرىنە بىرلەسىپ ىستەگەن قىزمەتتەرى ءۇشىن ريزاشىلىعىمدى بىلدىرەمىن.
سەنات دەپۋتاتتارى – ەلىمىزدىڭ قادىرلى ازاماتتارى, ءوز وتانىنىڭ پاتريوتتارى جانە ءوزىڭىزدىڭ سەنىمدى وكىلدەرىڭىز. جاڭا سەنات توراعاسىنا جانە ارىپتەستەرىمە زاڭ شىعارۋشىلىق قىزمەتىندە جاڭا تابىستار تىلەيمىن», – دەدى ق.ءمامي.
