رەسەي جوعارى ەكونوميكا مەكتەبى دەنساۋلىق ساقتاۋ ينستيتۋتىنىڭ ديرەكتورى لاريسا پوپوۆيچ تەست بويىنشا ۆيرۋس انىقتالماۋىنىڭ سەبەبىن ايتىپ بەردى. عالىمنىڭ ءتۇسىندىرۋى بويىنشا تەست تاپسىرعان ۋاقىتتا ينفەكتسيانىڭ انىقتالۋى ۆيرۋستىڭ بەلسەندى قالىپتا ما, الدە اعزانىڭ يممۋندىق جۇيەسىنىڭ شابۋىلىنان السىرەگەن كۇيىندە مە سوعان بايلانىستى كورىنەدى. ەگەر بەلسەندىلىگى ازايىپ, السىرەپ تۇرعان بولسا كورىنبەي قالادى ەكەن. مۇنداي جاعدايلاردا تەست انتيگەندى دۇرىس تابا الماي اداسىپ, وزگە ۆيرۋستان قالعان ىزدەردى كورۋى مۇمكىن. سوندىقتان تەستتەردى بىرنەشە رەت تاپسىرۋ قاجەت, ايتپەگەندە تاساداعى ۆيرۋس سول جاسىرىنعان قالىپىندا قالادى دەيدى ينستيتۋت ديرەكتورى.
پوپوۆيچ بۇگىنگى كۇنگە دەيىن رەسەيدە ۆيرۋستىڭ 100 دەن استام شتاممى انىقتالعانىن, ال تەستتەردىڭ 4 پايىز شاماسىندا اۋىتقيتىنى ءجونىندە ايتقان.
