ءماجىلىس دەپۋتاتتارى كەشەگى بولعان جالپى وتىرىستا جاڭا زاڭ جوبالارىنان تۇراتىن بىرقاتار ماسەلەلەردى قاراستىردى. وتىرىسقا پالاتا توراعاسىنىڭ ورىنباسارى سەرگەي دياچەنكو توراعالىق ەتتى.
پالاتانىڭ زاڭناما قورجىنىن ءماجىلىس قورىتىندى ازىرلەۋ مەزگىلىن ناقتىلاۋعا تاپسىرعان جاڭا قۇجاتتار تولىقتىردى. سونىمەن قاتار, كونستيتۋتسيالىق تولىقتىرۋلار جوباسى دا جۇمىسقا الىندى.
ءماجىلىس دەپۋتاتتارى كەشەگى بولعان جالپى وتىرىستا جاڭا زاڭ جوبالارىنان تۇراتىن بىرقاتار ماسەلەلەردى قاراستىردى. وتىرىسقا پالاتا توراعاسىنىڭ ورىنباسارى سەرگەي دياچەنكو توراعالىق ەتتى.
پالاتانىڭ زاڭناما قورجىنىن ءماجىلىس قورىتىندى ازىرلەۋ مەزگىلىن ناقتىلاۋعا تاپسىرعان جاڭا قۇجاتتار تولىقتىردى. سونىمەن قاتار, كونستيتۋتسيالىق تولىقتىرۋلار جوباسى دا جۇمىسقا الىندى.
بۇدان كەيىن جالپى وتىرىستىڭ كۇن تارتىبىنە سايكەس «2008 جىلعى 12 جەلتوقسانداعى ايرىقشا جاعدايلاردا بىرىڭعاي كەدەندىك ءتاريفتىڭ ستاۆكالارىنان ەرەكشەلەنەتىن كەدەندىك اكەلۋ باجدارىنىڭ ستاۆكالارىن قولدانۋ شارتتارى مەن ءتارتىبى تۋرالى حاتتاماعا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالىپ, ماقۇلداندى. وعان سايكەس بىرىڭعاي كەدەندىك ءتاريفتىڭ ستاۆكالارىنان ەرەكشەلەنەتىن يمپورتتىق كەدەن باجدارىن بىرجاقتى تارتىپپەن قولدانۋدىڭ نەعۇرلىم ۇزاق مەرزىمىن بەلگىلەۋگە مۇمكىندىك بەرىلىپ وتىر.
زاڭ جوباسى بويىنشا بايانداما جاساعان ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتىڭ سوزىنە قاراعاندا, ەگەر وسىنداي شارالار تاراپ مەملەكەتى ەكونوميكاسىنىڭ ءتيىستى سالاسىن دامىتۋ ءۇشىن قاجەتتى بولىپ تابىلسا, وندا مەملەكەتتەردىڭ ءبىرى نەعۇرلىم جوعارى ستاۆكانى قولدانا الادى.
«ءۇشىنشى ەلدەردەن ءداستۇرلى يمپورتىنا ەلەۋلى دەڭگەيدە تاۋەلدى جانە كەدەن وداعىندا وسى نەمەسە ۇقساس تاۋارلار ءوندىرىسى ەسەبىنەن قاناعاتتاندىرۋى مۇمكىن ەمەس ىشكى نارىقتاعى تاۋارلاردىڭ اسا تاپشىلىعى جاعدايىندا تاراپتاردىڭ ءبىرى نەعۇرلىم تومەن ستاۆكانى قولدانۋدى ۇسىنۋى مۇمكىن», دەدى مينيستر ءوز سوزىندە. ونىڭ ايتۋىنشا, مۇنداي جوعارى نەمەسە تومەن ستاۆكالاردى قولدانۋ مەرزىمى 2008 جىلعى حاتتاماعا سايكەس 6 ايدان اسپايدى, دەگەنمەن, وسى وزگەرىستەردى ەنگىزۋدە ونداي ستاۆكالاردىڭ قولدانۋ مەرزىمىن بارىنشا ۇزارتۋعا قول جەتىپ وتىر.
سونىمەن قاتار, وزگەرىستەر ەنگىزۋ تۋرالى حاتتاما 2011 جىلعى 18 قاراشاداعى ەۋرازيالىق ەكونوميكالىق كوميسسيا تۋرالى شارتتىڭ نورمالارىن نەگىزگى حاتتاماداعى نورمالارعا سايكەس كەلتىرۋدى, اتاپ ايتقاندا, كەدەن وداعى كوميسسياسىن تاراتۋ جانە ەۋرازيالىق ەكونوميكالىق كوميسسياسىنا ۋاكىلەتتىكتى بەرۋدى قاراستىرادى. زاڭ جوباسىن قابىلداۋ ساۋدا ساياساتى سالاسىنداعى, ناقتىلاي تۇسسەك, كەدەن وداعىندا ايرىقشا جاعدايلاردا بىرىڭعاي كەدەندىك ءتاريفتىڭ ستاۆكالارىنان ەرەكشەلەنەتىن كەدەندىك اكەلۋ باجدارىنىڭ ستاۆكالارىن قولدانۋ سالاسىنداعى ماسەلەلەردى زاڭنامالىق رەتتەۋگە مۇمكىندىك بەرەدى.
سونىمەن قاتار, ءماجىلىستىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسى ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى. كەلىسىمگە 2010 جىلدىڭ 15 ساۋىرىندە دۋشانبە قالاسىندا قول قويىلعان. وعان سايكەس قازاقستان تاجىكستانعا پاتروندار, قول گراناتالارى, قارۋ مايى سەكىلدى اسكەري قۇرالداردى وتەۋسىز بەرۋ بويىنشا اسكەري-تەحنيكالىق كومەك كورسەتەدى. مۇنداي اسكەري م ۇلىكتى قازاقستاننان دۋشانبە قالاسىنا دەيىن جەتكىزىپ بەرۋ قازاقستان قارۋلى كۇشتەرىنىڭ اۋە كەمەسىمەن قامتاماسىز ەتىلەدى. سونداي-اق, كەلىسىمگە سايكەس تاجىكستان قازاقستاننان العان اسكەري م ۇلىكتى نەمەسە ونى پايدالانۋ قۇقىعىن ءۇشىنشى تاراپقا بەرە المايدى.
اسقار تۇراپباي ۇلى,
«ەگەمەن قازاقستان».
